FESUOKNA 8
8
Uṭawk hripuiin ân lêng
1Chun, LALPAIN Mosie kuomah, “Pharao kuomah va fe la, a kuomah, ‘Hieng hin LALPÂN a tih; Ka rawng an bâwl theina dingin ka mihai infetir rawh.
2Anni infetir i phal naw chun, ngai rawh, i ram sûng po po uṭawk haiin ka hung hrem ding a nih.
3Vadung chu uṭawkhaiin sip an ta, chuong chu hung suok an ta, i in sûnga dâm, i khum pindan sûnga dâm, i khum chunga dâm, i siehlaw- hai in sûnga dâm, i mihai chunga dâm, i thuk sûnga dâm, i bei siemna thuk sûnga dâm hung lût an tih.
4Chuong uṭawkhai chu nanga chunga le i mihai chunga le, i siehlawhai chungah hung ṭuong seng an tih,’ tiin hril rawh,” a tih a.
5Chun, LALPAIN Mosie kuomah, “Aron kuoma chun, ‘Vadunghai, tuiluongnahai le dîlhai chungah i kuta i hmawl chu inlet la,Aigupta ram chungah uṭawkhai hung suok raw hai se,’ ti rawh,” a ta.
6Chun, Aron chun Aiguptaa tuihai chunga chun a bân a phar a, uṭawk- hai chu an hung suok a, Aigupta ram chu an dâp ta vawng a.
7 #
Dt 7.6; Gen 17.7,8 Chun, aisânthiemhai khawm chun an dawi hmangin chuong ang tak chun an thawh a, Aigupta ram chunga chun uṭawkhai chu an hung suok veh a.
8 #
Gen 15.18; 26.3 Pharao chun Mosie le Aron a ko a, “LALPA chu ngên ro, ka mihai le ka kuoma inthawkin uṭawkhai hi la hmang sienla; chun, LALPA kuoma an inthâwi theina dingin mipui chu infetir ka tih,” a tih a.
9Mosie chun Pharao kuomah, “Nangma le i ina uṭawkhai chu sukbohmanga vadunga bak chun um zing dingin i mihai le i siehlawhai le nanga ta dingin iengtik am ka ngên pêk ding cheu lunginsiettakin mi hril rawh,” a tih a.
10Ama chun, “Zînga leh,” a tih a. Ama chun, “I thu ang peiin ni raw se: LALPA kan Pathien ang hi mi tu- khawm an um nawh ti i hriet theina dingin.
11Uṭawkhai chu i mihai le i sie- hlawhai le i in le nangmaa inthawkin fe hmang an ta, vadunga bak um tâng an tih,” a tih a.
12 #
Jer 1.6 Chun, Mosie le Aron chu Pharao kuoma inthawk chu an fe suok tah a: chun, Mosie chun Pharao chunga uṭawkhai a hung suksuok thua chun LALPA chu a ko tah a.
13LALPA chun Mosie thu ang ngei chun a hung thawh a; lohai, khuohai le, inhaia uṭawkhai chu an thi hmang vawng tah a.
14 #
Nam 26.5-14; Gen 46.9 A bûm bûmin an inkhâwm a, ram chu a thûkin a thu a.
15Nisienlakhawm, Pharao chun chuong chu a bo tah ti a hriet chun, a lungril a sukngar a; LALPAIN a lo hril ta ang ngei khan an thu chu a ngai nawh a.
Hrik hripuiin ân lêng
16LALPAIN Mosie kuomah, “Aron kuoma chun, ‘I hmawl kha inlet la, hnuoi chunga pilvut chu vaw rawh, Aigupta ram po poah hrikhai an hung ni theina dingin,’ ti rawh,” a tih a.
17Chuong ang tak chun an thawh a, Aron chun a kuta hmawl chu ân let a, hnuoia pilvut chu a vuok a, sa le mihriem chunga chun hrikhai an hung um tah a; Aigupta ram po poa chun pilvut chu hrikin a hung inchang vawng tah a.
18Aisânthiemhai chun an dâwi hmangin hrikhai suksuok dingin an thaw veh a, nisienlakhawm, an thei nawh a. Chuongchun, sa le mihriem chunga chun hrikhai chu an um tah a.
19Aisânthiemhai chun Pharao kuomah, “Hi hi Pathien kutpâr a nih,” an tih a. Pharao lungril ruok chu sukngarin a um a, LALPAIN a lo hril ta ang ngei khan, an thu chu a ngai chuong nawh.
Tho hripuiin ân lêng
20Chun, LALPA chun Mosie kuomah, “Zîngkâr tho la, Pharao chu tui tienga a fe lai chu lo nghâk la, a kuomah, ‘LALPAIN hieng hin a tih, ka rawng an bawl theina dingin ka mihai infetir rawh.
21Chuong ni loa, ka mihai în fetir naw chun nang le i siehlawhai le i mihai chunga le, i in sûnga le, Aigupta mihai inhai le an umna leihnuoi po poa chun tho ruolpui hung tir ka tih.
22Chu ni chun ka mihai umna Gosen ram chu suktum ka ta, tho ruol hrim um der naw ni hai, hnuoi chunga hin kei LALPA ka nih ti i hriet theina dingin.
23Chuong ang chun i mihai le ka mihai inkârah thlierhranna#Heb Intlanna nei ka tih; chu inchikna chu zîngah hung tlung a tih,’ ti rawh,” a tih a.
24Chun, LALPA chun chuong ang chun a hung thaw tah a. Pharao in sûnga le a siehlawhai inhai sûnga chun thohai râpthlâktakin an hung a: chuong thohai lei chun Aigupta ram sung po poah ram chu suksietin a um tah a.
25Chun, Pharao chun Mosie le Aron chu a ko a, “Fe unla, hi ram sûnga hin in Pathien kuoma chun inthâwi ro,” a tih a.
26Mosie chun, “Chuong anga thaw chu rem thei naw nih. Kan Pathien LALPA kuoma kan inthâwinaa chun Aigupta mihai tirdak zâwng inhlân ding kan ni sih a. Aigupta mihai tirdak zâwng chu an mithmu ngeia kan inhlân chun lungin an mi dêng naw ding am a nih?
27Thu a mi pêk angin, thlalêrah ni thum lama hlaah fêng kan ta, LALPA kan Pathien kuoma chun inthâwi kan tih,” a tih a.
28Pharao chun, “LALPA in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,” a tih a.
29Mosie chun, “I kuoma inthawk- in fe suok ka ta, Pharao le a sie- hlawhai le a mihaia inthawka, thohai hi zînga inthawka an fe hmangna dingin LALPA chu hnîng ka tih; amiruokchu, mipuihai chu LALPA kuoma inthâwi dinga infetir loin hmusittakin Pharao hin sawisa lep ta naw phawt raw se,” a tih a.
30Mosie chu Pharao kuoma inthawk chun a suok a, LALPA chu a ngên tah a.
31LALPA chun Mosie thu ang pei chun a thawh a; Pharao le a siehlawhai le a mihaia inthawkin thohai chu a lâk hmang vawng a, pakhat khawm a um ta nawh a.
32Hi ṭum khawm hin Pharao chun a lungril a sukngar a, mipui chu ân fetir chuong naw nâwk a.
Currently Selected:
FESUOKNA 8: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
