FESUOKNA 26
26
Biekbûk chu
(Ex 36.8-38)
1 #
Ex 36.8-19 “Chu nawa khawm biekbûk chu puonzâr sâwm, puonzaiin- hmi kawp, sahmul dumpâwl le a êm le a seninlârin, kutthiemtaka siem cherubhai lim leh i siem ding a nih.
2Puonzâr tin seitieng chu tawng sawmhni pariet, puonzâr tin lien- tieng chu tawng li nîng a tih; puonzâr po po chu intie seng an ni ding a nih.
3Puonzâr panga chu ṭhui zawm vawng ding a na, a dang panga khawm chu ṭhui zawm vawng ding a nih.
4Puonzâr pakhat a thuo laia kâwlhnung tak tlânga chun valbahai dumpâwlin siem i ta, chuong ang bawkin a zawm hninaa puonzâr puo tak tlânga chun siem bawk i tih.
5Puonzâr pakhata chun valba sâwmnga siem i ta, chun, a zawm hninaa puonzâr tlânga chun valba sâwmnga bawk siem i tih; valbahai chu an inzawm seng ding a nih. 6Rângkachakin puonchepna sâwm- nga siem i ta, puonchepnahai chun puonzârhai chu chepdêng i ta; biekbûk chu pakhat hung nîng a tih.
7Biekbûk chunga inkhumna ding- in kêl hmul puonzârhai siem i ta, puonzâr chu sâwm le pakhat siem i tih.
8Puonzâr tin seitieng chu tawng sâwmthum, puonzâr tin lientieng chu tawng li nîng a tih: puonzârhai sawm le pakhat chu intie seng an ni ding a nih.
9Puonzârhai panga chu anni le anni ṭhui zawm i ta, puonzârhai paruk chu anni le anni ṭhui zawm bawk i ta, puon in tuoltienga chun puonzâr parukna chu thlep i tih.
10A thuo hmasaa puonzâr kâwl- hnung tak tlânga chun valba sâwmnga siem i ta, chun, a thuo hninaa puonzâr kâwlhnung tak tlânga chun valba sâwmnga bawk siem i tih.
11“Chun, dârsenin puonchepna sâwmnga siem i ta, puonchepnahai chu valbahai sûnga chun thun i ta, puonzârhai chu pakhat an ni theina dingin chelmat a tih.
12Puon in puonzârhaia chung inkhum tâwk bâk, puonzâr chenve la chuong kaithla chu biekbûk châwr- tieng chun inzâr a tih.
13Sîr khingah tawng khat, sîr dangah tawng khat bawk puon in inkhumna puonzârhai lienziea la chuong chu, biekbûk hitieng sîr le sawtieng sîr zuk inkhum dingin inzâr ve vêng a tih.
14Chun, chu bûk chung inkhumna ding chun berâmchal vun suksenhai siem i ta, chu chunga chun a chung inkhumna seal vunhai siem bawk i tih.
15 #
Ex 36.20-34 “Chun, biekbûk bang chu shit- tim thingphêk intungin siem i tih.
16Thingphêk seizie chu tawng sâwm nîng a ta, thingphêk tin lien- tieng chu tawng khat le a chenve nîng a tih.
17Thingphêk tina chun a rek pahni, a dang le sukzawmna ding um seng a ta, biekbûk thingphêkhai po po chu chuong ang seng chun i siem ding a nih.
18Chun, biekbûk ding thingphêk- hai chu simsawngah thingphêk sâwmhni siem i tih.
19Thingphêk sâwmhni hnuoia chun tangkaraw kerkuokhai sâwmli siem i ta, thingphêk pakhat hnuoia a rêkhai pahni inṭhutna dingin ker- kuok pahni, thingphêk dang hnuoia a rek pahniha dingin kerkuok pahni bawk siem i tih.
20“Chun, biekbûk sîr khingtieng, hmartieng panga chun thingphêk sawmhni,
21le tangkaraw kerkuok sâwmli, thingphêk pakhat hnuoiah kerkuok pahni, thingphêk dang hnuoiah kerkuok pahni pei bawk siem i tih.
22Biekbûk chawrtieng pang, thlangtieng panga chun thingphêk paruk siem i tih.
23A chawrtieng panga biekbûk kihaia dingin thingphêk pahni bawk siem i tih.
24A hnuoitieng chun suktuok nîng an ta, chuong ang bawk chun a chungtieng khawm a sîpa chun kuol pakhata chelkhâwm nîng an tih; a kiha thingphêkhai pahni chu chuong anga chu siem ding a nih.
25Chun, thingphêk pariet le tangkaraw kerkuok, kerkuok sâwm le paruk, thingphêk pakhat hnuoiah kerkuok pahni, thingphêk dang hnuoiah kerkuok pahni pei ning a tih.
26Chun, shittim thing bangruhai siem i tih: biekbûk sîr khat tienga thingphêkhaia dingin panga,
27biekbûk sîr khingtienga thing- phêkhaia dingin panga; chun biekbûk hnungtienga thlangtieng panga thingphêkhaia dingin panga bawk.
28A bangru lailung thingphêkhai a lai taka mi chu a tâwpa inthawka a tâwp khingtieng chena rawl thleng zar a ni ding a nih.
29Chun, thingphêkhai chu râng- kachakin inluon khum i ta, bang- ruhai thunna ding chun rângkachak kuolhai siem bawk i tih; chun, bangruhai khawm chu rângkachakin inluon khum i tih.
30Chun, biekbûk chu tlânga a riruot inhmutir i ni ang dan peiin în ngîr ding a nih.
31 #
Ex 36.35-38 “Chun puonzâr sahmul dum- pâwl, a êm le seninlâr le pat zai inhmi-kawpin siem i ta, cherubhai lim kutthiemtaka siem haia cheia siem ding a nih:
32chun rângkachaka inluon khum, tangkaraw kerkuokhaia in- ṭhut, shittim ban palia rângkachak kuoikimhaia chun i khai ding a nih.
33Puonzâr chu puonchepnahaiin khai i ta, puonzâr sûngtienga chun Thuthlung bâwm chu hung lâng i ta, chuongchun, puonzâr chun Hmun Inthieng le Hmun Inthiengtak chu ṭhepêk a ti che.
34Hmun Inthieng taka chun Zângaina ṭhungpha chu Thuthlung bâwm chunga chun sieng i tih.
35Puonzâr puoa chun dawkân chu sieng i ta, khâwnvar siena chu dawkân zâwn Biekbûk simtieng pangah; chun, dawkân chu hmar- tieng pangah i sie ding a nih.
36Puon in kawtkhâr ding chun puonzâr, puon zai inhmi kawp le sahmul dumpâwl, a êm le seninlâr, puon ṭhuimawi thiemtaka ṭhui chu i siem ding a nih.
37Puonzâr khaina ding chun shittim ban panga siem la, rângka- chakin inluonkhum rawh; an kuoikimhai chu rângkachak a ni ding a na, dârsen kerkuok panga i sutpêk bawk ding a nih.
Currently Selected:
FESUOKNA 26: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
