FESUOKNA 15
15
Mosie hla
1Chun, Mosie le Israel thlahai chun LALPA kuomah hi hla hi an sak a,
“Ropuitaka a hne ta leiin LALPA kuomah hla sak ka tih.
Sakawr le a chunga chuong chu tuipuiah a pei lût a.
2LALPA chu ka hrâtna le ka hla a nih,
Ka sandamna khawm a hung ni tah;
Hi hi ka Pathien a na, ama chu inpâk ka tih:
Ka thlatu Pathien a na, ama chu chawimawi ka tih.
3 #
Tp 19.11 LALPA chu indo mi a nih;
LALPA chu a hming a nih.
4Pharao sakawr tawlailîrhai le sipai ruol chu tuipuiah a pei lût tah a;
A sipai hotu thlanghai khawm chu
Tuipui Senah an tlum zo tah.
5Limawng inthûkahai chun lung angin an tlum thlah a;
Tuipui inthûk chun anni ân khum a.
6 #
Sm 118.15; Dt 4.24 Aw LALPA, i kut changtieng chu thilthawtheinain a ropui a,
Aw LALPA, i kut changtieng chun hmêlma chu a nuoihâwp a.
7I lalna ropuina chun nangma dotuhai che chu i peithlâk a:
I lunginsenna chu i tir suok a, anni chu bupawl angin a kânghmang a.
8I hnarkuohai mûtthlît chun tuihai chu ân thuo ûr a,
Tui lienhai chu vûm thûrin a ngîr tah a;
Tuipui sûngrila limawnghai chu sukkhalin an um tah a.
9Hmêlma chun, ‘Hnawt ka ta, hnawtphâk ka ta, râllâk thil chu sem ka tih;
Ka dittâwkin annia inthawk lâng ka ta,
Ka kâwlhnâm phawi ka ta,
ka kutin anni sukbohmang ka tih,’ a tih a.
10Nangin i thli chun în mûttir a, tuipui chun anni ân khum tah a:
Tui hrâtahai chun suon tlang angin an tlum hmang tah a.
11 #
2 Sam 7.22 Aw LALPA, pathienhai lai hin nanga ang tu am an um a?
Inthiengnaa ropui, thilthaw ropuihaia ṭium,
Thilmakhai thaw,
Nanga ang tu am an um a?
12I kut changtieng chu i phar a,
Anni chu hnuoiin a lem zo tah a.
13Nangin i zângainain mipui în tlanhai chu i ṭhuoi a;
I umna hmun inthiengah i hrâtnain anni chu i ṭhuoi a.
14Mipuihai chun an hriet a, an inthin a;
Philistin mihai chu lungngainain an sip a.
15 #
Heb 3.7 Tuhin Edom lalhai chu an lunginzîng a,
Moab mi hrâthai chu inthinnain a man a,
Kanaan hluotuhai po po chu an intui zo tah a.
16 #
Is 43.1; Tit 2.14 Inlâuna le ṭitnain anni a vûr a,
I kut thahrâtna leiin anni chu lung ang elin an to ṭawk ṭawk a;
I mipuiin an fe khêl chenin, Aw LALPA:
I mipui i închâwkhaiin an fe khêl chen chun.
17Nangin anni chu hung la lût i ta, i ro tlângah phun i tih;
Aw LALPA, nangin i umna hmun dinga i siema chun,
Aw LALPA, hmun inthieng nangin i kuta i siema chun.
18LALPA chun chatuonin ro rêl a tih,” tiin.
Miriam hla
19Pharao sakawrhai chu a sakawr tawlailîrhai le sakawr chung chuong mihai leh tuipuiah an lût phing chun, LALPAIN tuipui tuihai an chungah ân luongtir nâwk ta sih a; Israel thlahai ruok chu tuipui inkâra chun hnuoi hulah an feh a.
20Chun zâwlneinu Miriam, Aron farnu chun khuongtê a lâk a, nuhmei po po chun khuongtêhai le lâmin an zui a.
21Miriam chun,
“Ropuitaka a hne ta leiin LALPA kuoma chun hla sak ro;
Sakawr le a chunga chuong chu tuipuiah a pei lût a,”
tiin a dawn a.
Mara hmuna tui khâ chu
22Mosie chun Israelhai chu Tuipui Sena inthawk chun a ṭhuoi pei a, Sur thlalêr chu an hung tlung tah a, chun, thlalêra ni thum an fe chun tui an hmu ta nawh a.
23 #
Nam 33.8; Ruth 1.20 Mara hmun an hung tlung chun, Mara hmuna tui chu a khâk leiin an dâwn thei ta nawh a; chuleiin, chu hmun chu Mara#Mara chu kha tina a nih inbûk a ni tah a.
24Mipui chu, “Ieng am dâwn tâng ei ta?” tiin Mosie chungah an chier tah a.
25 #
2 Lal 2.21 Ama chun LALPA chu a ko a; LALPA chun thing ân entir a, chu chu tuia chun a dêng lût a, tui chu a hung inhnik tah a. Chutaka chun dân le dân ziek chu an kuomah a siem a, anni chu chutaka chun a fie bawk a:
26ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.
27Chun, Elim an hung tlung a; chu hmuna chun tuikhur sâwmpahni le tûm thing sawmsari an um a; chuongchun, tuikhurhai vêla chun bûk an khuor tah a.
Currently Selected:
FESUOKNA 15: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
