FESUOKNA 11
11
Nau lutîr thi ding hrillâwkna
1LALPA chun Mosie kuomah, “Pharao le Aigupta chungah hri pakhat la hung intlungtir nâwk ka tih, chu hnunga chun hitaka inthawk hin infetir a ti cheu. Ân fetir pha cheu chun a namin nam suok fai vawng a ti cheu.
2Mipuihai hrieta chun hril la, pasal tin le nuhmei tinin, rângkachak le tangkaruo incheinahai an tuol- bâwmhaia inthawkin haw seng raw hai se,” a tih a.
3LALPA chun Aiguptahai mit- hmuah Israel mihai chu ditsakna ân hmutir a, Mosie ngei khawm chu mipui mithmu le Pharao siehlawhai mithmuah Aigupta ram sûnga chun mi lientak a ni bawk a.
4Mosie chun, “Hieng ang hin LALPAIN a tih: ‘Zân ril lai vêlah Aigupta mihai lai fe suok ka ta;
5Aigupta rama nau lutîr po po, Pharao nau lutîr a lalṭhungphaa ṭhunga inthawka, bu râwtnawinaa sinthaw suoknu nau lutîr tak chen le, ran ruol tê hmasatakhai le chun thi fai vawng an tih.
6Chun, Aigupta ram sûng po poa chun ṭap nasatak um a tih: chuong ang hrim hrim chu a la um ngai dêr nawh a, um khawm um nâwk ta dêr bawk naw ni.
7Nisienlakhawm, Israel mihai le Aigupta mihai kâra chun LALPAIN ieng ang lâwma danglamna am a sie ti in hriet theina dingin, Israel thlahai laia chu ran le mihriem khawm ui khawmin inngak naw ni.
8Chun, hieng i siehlawhai po po hi ka kuomah hung an ta, ka hmaa bawkkhupin, Nanga zuitu dinghai po po le chun suok ta rawh,’ mi tîng an tih; chun, chu hnunga chun suok tâng ka tih, tiin,” a tih a. Pharao kuoma inthawk chun lunginsentakin a suok tah a.
9Chun LALPAIN Mosie kuomah, “Aigupta rama hin ka thilmakhai sukpung a ni theina dingin, Pharao chun in thu a ngai naw ding a ni hi,” a tih a.
10Mosie le Aron chun Pharao hmaa chun thilmakhai po po chu an thaw tah a; nisienlakhawm, LALPA chun Pharao lungril chu a sukngar a, Israel thlahai chu a rama inthawk ân fe suoktir chuong nawh a.
Currently Selected:
FESUOKNA 11: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
