ROM 9
9
1Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi, 2ka lungthin ah hin ngaihchiatnâk nganpi le a dong thiam lomi fahnâk ka ngei. 3Zeitintiah thisa lei i ka unau, ka miphun hna caah chiatserhnâk hmanh in i Krih he i ṭhen tiang hmanh ka duh. 4Israel mi an si, fa sinâk, sunparnâk, biakam, nawlbia, Pathian rian le bia kamhmi hna an ta a si, 5hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen. 6Asinain Pathian bia cu zeihmanhloah â cang lo. Zeitintiah Israel mi hna hi Israel mi taktak an si dih theng lo. 7Abraham fa le an si ruangah an dihlak in fa an si dih hlei lo, “Isaak ah hin na fale tiah ti an si lai,” tiah ti a si. 8Pumsa i hrinsornâk i hrinmi kha Pathian fa an si hlei lo, bia kamhmi fa le tu kha, phuntungtu i relchihmi cu an si. 9Zeitintiah bia kamhmi cu hihi a si, “Atu cân ah hin ka ra ṭhân lai i Sarah nih fapa a hrin lai,” timi hi. 10Culawng cu a si lo, Rebekah zong nih mi pakhat, kan pu Isaak sinin fa a pawi lioah, 11( ngakchia hna an chuah hlan i sualnâk le ṭhatnâk zong an tuahkhawh hlan ah khan, tuahsernâk ruangah si loin, A kotu hna thawngin, Pathian timhmi zoh chihin thimmi an sining a feh khawh nâkhnga) 12a sinah hitihin a chim, “A upa deuh nih a nau a rianh lai,” tiin. 13“Jacob ka dawt i Esau ka huat” tiah ṭialmi bangin. 14Zeidah kan chim kun lai? Pathian ah dinlonâk a um maw? Um naisai hlah! 15Zeitintiah Moses sinah, “Zângfah ka duhmi pauh ka zângfah lai i vêlngeih ka duhmi pauh vêl ka ngeih lai,” tiah a chim. 16Cuticun a duhtu le a panhtu ruangah a si lo i a zângfahtu Pathian thawngin a si deuh. 17Zeitintiah Cathiang nih Faraw sinah, “Vawlei vialte ah ka min hi phuan a si khawh nâkhnga le ka thiltikhawh zia kan hmuhsak khawh nâkhnga ca i kan dirtermi na si,” tiah a rak ti. 18Cucaah Pathian nih a duhmi pauh a zângfah i a duhmi pauh an lung a khawnter tawn. 19Nang nih ka sinah, “Zeitindah naka mawhchiat khawh rih? Ahonihdah a duhmi a ralchanh khawh lai?” na ti khawh kun. 20Asinain, maw minung, Pathian ralchanh i lettu cu ahodah na si? Sermi nih a sertu sinah, “Zeiruangahdah hitihin naka ser a ti lai maw? 21Bêllei tlangkhat chungin ûm ṭha deuh le a dang ṭhalo deuh ser dingin ûmsertu nih nawl a ngei lo maw? 22Pathian nih a thinhunnâk a langhter nâkah le, a thiltikhawhnâk a langhter khawh nâkhnga hrawh awk i a rak timhlamhmi thinhunnâk ûm hna cu lung sau ngaiin a hngah hna, 23A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna, 24kannih zong hi a kawhmi kan si, Judah mi lawng si loin Gentel mi zong an si ve lo maw? 25Hosea cauk ah, “Ka mi si lomi cu, ka mi ka ti hna lai, dawt lomi cu dawtmi ka ti lai. 26Hitihin a si lai. Ka mi le nan si lo, ka tinâk hmun ah khan Pathian nung fale hna, ti an si lai.” tiah ṭialmi bang khan. 27Isaiah zong nih Israel mi hna kongah hitihin a rak au pi. “Israel mi hna cu rili kam i these zat in tam hmanh hna sehlaw, a tângmi mi tlawmte lawng khamh an si lai. 28Zeitintiah rian cu a lîm lai i dinnâk in a tawiter lai, Zeicatiah Bawipa nih leicung ah hin rian cu a lîm zau lai,” 29Isaiah ṭhiamṭhiam nih hitihin a rak chim cang: “Mizapi hna Bawipa nih ci rak kan chiahpiak hlah sehlaw, Sodom khua bang kan si diam cang lai i Gomora khuami bang kan si diam cang lai.” 30Zeidah kan chim kun lai? Gentel mi, dinnâk a dawi lomi hna nih zumhnâk thawngin dinnâk kha an phâk cang, 31asinain Israel mi dinnâk nawlbia a dawi lengmangmi hna nih nawlbia i dinnâk kha an phân kho lo. 32Zeiruangah? Zumhnâk in an kawl lo i nawlbia tuahsernâk in an kawl caah a si. Tluknâk lungpi ah an tlu. 33Hitihin ṭial a si, “Zohhmanh, Zion ah tluknâk le rilhnâk lungpi ka chiah, amah zummi pauh cu an mualpho lai lo.”
Currently Selected:
ROM 9: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
ROM 9
9
1Krih ah biatak ka chim i ka lih lo, Thiang Thlarau ah ka chiaṭha hngalhnâk zong nih a ka hngalhpi, 2ka lungthin ah hin ngaihchiatnâk nganpi le a dong thiam lomi fahnâk ka ngei. 3Zeitintiah thisa lei i ka unau, ka miphun hna caah chiatserhnâk hmanh in i Krih he i ṭhen tiang hmanh ka duh. 4Israel mi an si, fa sinâk, sunparnâk, biakam, nawlbia, Pathian rian le bia kamhmi hna an ta a si, 5hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen. 6Asinain Pathian bia cu zeihmanhloah â cang lo. Zeitintiah Israel mi hna hi Israel mi taktak an si dih theng lo. 7Abraham fa le an si ruangah an dihlak in fa an si dih hlei lo, “Isaak ah hin na fale tiah ti an si lai,” tiah ti a si. 8Pumsa i hrinsornâk i hrinmi kha Pathian fa an si hlei lo, bia kamhmi fa le tu kha, phuntungtu i relchihmi cu an si. 9Zeitintiah bia kamhmi cu hihi a si, “Atu cân ah hin ka ra ṭhân lai i Sarah nih fapa a hrin lai,” timi hi. 10Culawng cu a si lo, Rebekah zong nih mi pakhat, kan pu Isaak sinin fa a pawi lioah, 11( ngakchia hna an chuah hlan i sualnâk le ṭhatnâk zong an tuahkhawh hlan ah khan, tuahsernâk ruangah si loin, A kotu hna thawngin, Pathian timhmi zoh chihin thimmi an sining a feh khawh nâkhnga) 12a sinah hitihin a chim, “A upa deuh nih a nau a rianh lai,” tiin. 13“Jacob ka dawt i Esau ka huat” tiah ṭialmi bangin. 14Zeidah kan chim kun lai? Pathian ah dinlonâk a um maw? Um naisai hlah! 15Zeitintiah Moses sinah, “Zângfah ka duhmi pauh ka zângfah lai i vêlngeih ka duhmi pauh vêl ka ngeih lai,” tiah a chim. 16Cuticun a duhtu le a panhtu ruangah a si lo i a zângfahtu Pathian thawngin a si deuh. 17Zeitintiah Cathiang nih Faraw sinah, “Vawlei vialte ah ka min hi phuan a si khawh nâkhnga le ka thiltikhawh zia kan hmuhsak khawh nâkhnga ca i kan dirtermi na si,” tiah a rak ti. 18Cucaah Pathian nih a duhmi pauh a zângfah i a duhmi pauh an lung a khawnter tawn. 19Nang nih ka sinah, “Zeitindah naka mawhchiat khawh rih? Ahonihdah a duhmi a ralchanh khawh lai?” na ti khawh kun. 20Asinain, maw minung, Pathian ralchanh i lettu cu ahodah na si? Sermi nih a sertu sinah, “Zeiruangahdah hitihin naka ser a ti lai maw? 21Bêllei tlangkhat chungin ûm ṭha deuh le a dang ṭhalo deuh ser dingin ûmsertu nih nawl a ngei lo maw? 22Pathian nih a thinhunnâk a langhter nâkah le, a thiltikhawhnâk a langhter khawh nâkhnga hrawh awk i a rak timhlamhmi thinhunnâk ûm hna cu lung sau ngaiin a hngah hna, 23A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna, 24kannih zong hi a kawhmi kan si, Judah mi lawng si loin Gentel mi zong an si ve lo maw? 25Hosea cauk ah, “Ka mi si lomi cu, ka mi ka ti hna lai, dawt lomi cu dawtmi ka ti lai. 26Hitihin a si lai. Ka mi le nan si lo, ka tinâk hmun ah khan Pathian nung fale hna, ti an si lai.” tiah ṭialmi bang khan. 27Isaiah zong nih Israel mi hna kongah hitihin a rak au pi. “Israel mi hna cu rili kam i these zat in tam hmanh hna sehlaw, a tângmi mi tlawmte lawng khamh an si lai. 28Zeitintiah rian cu a lîm lai i dinnâk in a tawiter lai, Zeicatiah Bawipa nih leicung ah hin rian cu a lîm zau lai,” 29Isaiah ṭhiamṭhiam nih hitihin a rak chim cang: “Mizapi hna Bawipa nih ci rak kan chiahpiak hlah sehlaw, Sodom khua bang kan si diam cang lai i Gomora khuami bang kan si diam cang lai.” 30Zeidah kan chim kun lai? Gentel mi, dinnâk a dawi lomi hna nih zumhnâk thawngin dinnâk kha an phâk cang, 31asinain Israel mi dinnâk nawlbia a dawi lengmangmi hna nih nawlbia i dinnâk kha an phân kho lo. 32Zeiruangah? Zumhnâk in an kawl lo i nawlbia tuahsernâk in an kawl caah a si. Tluknâk lungpi ah an tlu. 33Hitihin ṭial a si, “Zohhmanh, Zion ah tluknâk le rilhnâk lungpi ka chiah, amah zummi pauh cu an mualpho lai lo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.