ROM 10
10
1Unau hna, Israel mi hna ca i ka lungthin duhnâk le an ca i Pathian sinah thla ka camnâk cu khamh an si khawh nâkhnga caah a si. 2Zeitintiah Pathian caah an i zuam ngai ngai ti cu ka hngalhpi hna, asinain hngalhnâk in a si lo. 3Zeitintiah Pathian dinnâk kha hngal loin, anmah dinnâk tu fehter an timh i Pathian dinnâk ah pêk an i tim lo. 4Zeitintiah zumtu vialte nih dinnâk an hmuhkhawh nâkhnga Krih cu nawlbia donghnâk a si. 5Moses nih nawlbia i dinnâk cu hitihin a ṭial, “Cubantukin a tuahmi hna cu an nung lai,” tiin. 6Asinain zumhnâk i dinnâk tu cu hitihin a chim, “Ahodah vanah a kai lai? (cucu cung leiin Krih ṭumpi ding tinâk a si) 7Ahodah tang leiah a ṭum lai? (cucu thih nâkin Krih kaipi ding tinâk a si) tiin, ruat hlah u. 8Asiah zeitindah a chim? “Bia nih an naih ko cang, na kâ le na lungthin zongah a um,” (cucu zumhnâk bia kan chimmi cu a si). 9Na kâ in Jesuh cu Bawipa a si tiah na ṭanh i thih nâkin Pathian nih a thawhter tiah na lungthin in na zumh ahcun, khamh na si lai.” 10Zeitintiah mi nih lungthin in an zumh i dinnâk an hmuh; kâ in an ṭanh i khamhnâk an hmuh. 11Cathiang nih, “Amah zumtu pauh cu a mualpho lai lo,” tiah a ti. 12Judah le Grik kar lakah thleidannâk zeihmanh a um lo, an dihlak cungah Bawipa cu Bawipa pakhat a si. Amah a kotu vialte cungah a ṭha. 13Zeitintiah “Bawipa min a kotu vialte khamh in an um lai.” 14An zumh lo ahcun zeitindah an kawh khawh lai? Ahodah a si tiah an theih lomi cu zeitindah an zumh khawh lai? Chimtu um loin zeitindah an theih khawh lai? 15Thlah loin zeitindah an chim lai? Daihnâk thawngṭha chimtu hna an ke cu a vâ dawh dah,” tiah ṭialmi bangin. 16Asinain thawngṭha bia cu an dih lakin an zum lo. Isaiah nih hitihin a chim. (Bawipa, kan chimmi ahonihdah an zumh?) tiin. 17Cuticun theihnâkin zumhnâk a um i theihnâk cu Pathian bia in a um. 18Asiah an hna nih a thei lo maw? ka ti ko lai. An theih ko. (An thawng cu ramkip ah a thang i an bia zong vanhram deng tiangin a thang.) 19Asiah Israel mi nih an hngal lo maw? Hei ti ko ning law, A hmasa bikah Moses nih, “Miphun zongah rel awk a tlâk lomi hmangin kan hnahchuahter hna lai; miphun hrut hna hmangin na thin kan hunter lai,” tiah a ti. 20Asinain Isaiah nih ralṭha in hitihin a chim. “A ka kawl lomi hmuh in ka um i a ka ko lomi sinah hngalh terin ka um.” 21Asinain hihi Israel mi hna sinah a chim, “Nawl ngai lo le elhnial hmangmi hna caah chun nitlâk in ka kut ka thlir.”
Currently Selected:
ROM 10: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
ROM 10
10
1Unau hna, Israel mi hna ca i ka lungthin duhnâk le an ca i Pathian sinah thla ka camnâk cu khamh an si khawh nâkhnga caah a si. 2Zeitintiah Pathian caah an i zuam ngai ngai ti cu ka hngalhpi hna, asinain hngalhnâk in a si lo. 3Zeitintiah Pathian dinnâk kha hngal loin, anmah dinnâk tu fehter an timh i Pathian dinnâk ah pêk an i tim lo. 4Zeitintiah zumtu vialte nih dinnâk an hmuhkhawh nâkhnga Krih cu nawlbia donghnâk a si. 5Moses nih nawlbia i dinnâk cu hitihin a ṭial, “Cubantukin a tuahmi hna cu an nung lai,” tiin. 6Asinain zumhnâk i dinnâk tu cu hitihin a chim, “Ahodah vanah a kai lai? (cucu cung leiin Krih ṭumpi ding tinâk a si) 7Ahodah tang leiah a ṭum lai? (cucu thih nâkin Krih kaipi ding tinâk a si) tiin, ruat hlah u. 8Asiah zeitindah a chim? “Bia nih an naih ko cang, na kâ le na lungthin zongah a um,” (cucu zumhnâk bia kan chimmi cu a si). 9Na kâ in Jesuh cu Bawipa a si tiah na ṭanh i thih nâkin Pathian nih a thawhter tiah na lungthin in na zumh ahcun, khamh na si lai.” 10Zeitintiah mi nih lungthin in an zumh i dinnâk an hmuh; kâ in an ṭanh i khamhnâk an hmuh. 11Cathiang nih, “Amah zumtu pauh cu a mualpho lai lo,” tiah a ti. 12Judah le Grik kar lakah thleidannâk zeihmanh a um lo, an dihlak cungah Bawipa cu Bawipa pakhat a si. Amah a kotu vialte cungah a ṭha. 13Zeitintiah “Bawipa min a kotu vialte khamh in an um lai.” 14An zumh lo ahcun zeitindah an kawh khawh lai? Ahodah a si tiah an theih lomi cu zeitindah an zumh khawh lai? Chimtu um loin zeitindah an theih khawh lai? 15Thlah loin zeitindah an chim lai? Daihnâk thawngṭha chimtu hna an ke cu a vâ dawh dah,” tiah ṭialmi bangin. 16Asinain thawngṭha bia cu an dih lakin an zum lo. Isaiah nih hitihin a chim. (Bawipa, kan chimmi ahonihdah an zumh?) tiin. 17Cuticun theihnâkin zumhnâk a um i theihnâk cu Pathian bia in a um. 18Asiah an hna nih a thei lo maw? ka ti ko lai. An theih ko. (An thawng cu ramkip ah a thang i an bia zong vanhram deng tiangin a thang.) 19Asiah Israel mi nih an hngal lo maw? Hei ti ko ning law, A hmasa bikah Moses nih, “Miphun zongah rel awk a tlâk lomi hmangin kan hnahchuahter hna lai; miphun hrut hna hmangin na thin kan hunter lai,” tiah a ti. 20Asinain Isaiah nih ralṭha in hitihin a chim. “A ka kawl lomi hmuh in ka um i a ka ko lomi sinah hngalh terin ka um.” 21Asinain hihi Israel mi hna sinah a chim, “Nawl ngai lo le elhnial hmangmi hna caah chun nitlâk in ka kut ka thlir.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.