BIAPHUAN 15
15
1Cuticun van ah hmelchunhnâk dang a liannganmi le a mak ngai ngaimi ka hmuh: vanmi pasarih hna nih hremhnâk pasarih an i ken, zeitintiah Pathian thinhunnâk kha cu thil hna ah a tling cang. 2Cun tlângbantuk mei he â cawhmi thlalang rili ka hmuh i sahrang le a lem, a chinchhiahnâk le a min nambar hna cung i teinâk a hmumi hna nih thlalang rili cungah dir in Pathian tingtang kha an i put. 3Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik. 4Aw Bawipa, ahodah Nangmah ṭih loin a um lai i na min thangṭhat lo in a um lai? Zeitintiah Nangmah lawnglawng a thiangmi na si. Zeitintiah a dingmi na biaceihnâk cu langhter a si cang caah, Miphun vialte na sinah ra in an in biak lai,” tiah an sak. 5Hi thil hna hnu ah ka hun zoh i van ṭempal chung i hngalhpinâk biakthlâm kha â hung. 6Cun ṭempal chung cun vanmi pasarih hremnâk rai phun sarih â kenmi hna cu, a ceu ngaimi puan i aih in an ṭangah sui taisawm i sawmh buin an hung chuak. 7Cuticun thilnung pali lakah pakhat nih, vanmi pasarih hna sinah, zungzal i a nungmi Pathian thinhunnâk i a khatmi sui hraitung pasarih a pêk. 8Ṭempal cu Pathian sunparnâk le thiltikhawhnâk meikhu in a khat i vanmi pasarih hna nih hremnâk pasarih cu an tlinter hlan pauh cu ṭempal ah ahohmanh an lut kho lo.
Currently Selected:
BIAPHUAN 15: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
