SÂM 132
132
1 BAWIPA, David kha philh hlah, a temtuarmi vialte zong kha philh hna hlah. 2BAWIPA sinah chiat â serhmi le, Jakob Miṭhawng sinah bia â kammi kha philh hlah. 3“Ka inn chungah ka lut lai lo i a nuammi ka ihkhun cung zongah ka kai fawn lai lo. 4Ka mit hi ka dinhter lai lo, kâ hngilh fawn lai lo. 5BAWIPA le Jakob a ṭhawngmi Pathian caah, umnâk hmun ka hmuh hlan pauh cu.” 6Ngaihmanh, Ephratha ah a thawng kan theih i ram tang i thingkung lakah kan hmuh. 7A puan innah kal u sih law, ake hram in bia u sih. 8Maw, BAWIPA nâ dinhnâk hmun ah tho law, nangmah le na ṭhawnnâk kuang he khan. 9Na tlângbawi hna dinnâk in i thuam hna sehlaw, na mithiang hna lunglawm in au hna seh. 10Zeitintiah na sal David thawngin, Sathau na thuhmi hmai cu kirter sawh hlah. 11BAWIPA nih David sinah biatak tein chiat â serh cang i â let ṭhân ti lai lo. “Na chungchuak kha na bawiṭhutdan ah ka ṭhutter lai. 12Na fale nih ka biakam mi an zulh i ka cawnpiak laimi ka hngalhternâk an zulh ahcun, an fale hna zong zungzal in na bawiṭhutdan ah an ṭhu lai,” tiah a kamh. 13Zeitintiah BAWIPA nih Zion cu amah umnâk ah a duh caah a thim. 14“Hihi kâ dinh zungzalnâk ding a si; hika hi ka duhmi a si caah ka um peng lai. 15A herhmi tling tein thlua ka chuah lai i a sifak hna cu changreu in ka cawm hna lai. 16A tlângbawi hna khamhnâk in ka thuamh hna lai i a mithiang hna lunglawm in an au lai. 17Cuka ah David ki cu ka corhter lai, sathau ka thuhmi caah meiin ka timhpiak lai. 18A ral kha ningzahnâk ka aihter hna lai, asinain amah cungah a bawiluchin cu dawhter a si lai.
Currently Selected:
SÂM 132: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
