Pi zi tiki 11
11
Poriyo na Babel
1Midini afti paŋ, ɗai e miɗi ɗa a seŋ ktai, e yiki wala maini marɗi ɵa lai. 2Amma mefeŋ ktai, ɗai e jûgû piɗi futi na dawai par sek, ɗai e nivi hlai na plas midini afti na Mezopotamiya, e simni woni. 3E miɗi arbaɗi marɗi: Hulumu, wumu brik, mu yuŋmu. Brik hanɗa, e zi sda gaini war balamni kriyit, asfalte aŋ kai kai na gaini siman n'a tapa arbani lai. 4E miɗi hulumu, mu rgumu fuŋ n'abai ktai gaini poriyo ktai na merfeŋni haa amai pini ɗugul ta. Hinumu yikumu a wa kapai e ɵurumu edi midini afti paŋ kai. 5Nɵa, EPIƊ-ƊAI a niyasi azumai aŋ tala fuŋ n'abai gaini poriyo n'alini Adam e ɗa rgiŋ ɗa. 6EPIƊ-ƊAI a muɗa: Tili nagai paŋ e ɗi ɗai ktai, seŋɗi zi miɗi ktai lai, hanɗa a sdaɗi n'avut, tiyana wala n'e rgiŋ warɗi aŋziŋ ɗa, wala ktai n'aga a ɗiliɗi aŋ kir kai. 7Hulumu, niyumu azumai, turlumu seŋɗi zi miɗi woni, kapai e ɵini miɗi marɗi kir kai. 8Woni par EPIƊ-ƊAI a ɵiriɗi edi midini afti paŋ, e ɗiyi sdani rgini fuŋɗi n'abai ɗa zaw lai. 9Buri nɵa, e siɗi yiki ɓa: Babel, buri EPIƊ-ƊAI a turla seŋ zi miɗi na midini afti paŋ woni. Pra a ɵiriɗi ɗai edi midini afti woni par lai.
Sini Sem par haa sini Abraham
10Pinzibani Sem a na maini nɵa: Sem a wa Arpaksad, buza sulu asakalni Yem n'abai par, won hlai ni buzani miya ɗaw. 11Asakal n'a wa Arpaksad li, Sem a buza katawai miya ɵim, a wa ali na maɵagai gaiɗi na falakai lai. 12Arpaksad a za buza doogo doogo hu pi ɵim won hlai n'a wa Sela. 13Won hlai n'a wa Sela li, Arpaksad a za buza miya puɗu gaini hu. A wa ali na maɵagai gaiɗi na falakai lai.
14Sela a za buza doogo doogo hu won hlai n'a wa Eber. 15Asakal n'a wa Eber li, Sela a za buza miya puɗu gaini hu, a wa ali na maɵagai gaiɗi na falakai lai. 16Eber a za buza doogo doogo hu pi puɗu, a wa Peleg. 17Asakal n'a wa Peleg li, Eber a za buza miya puɗu gaini doogo doogo hu. A wa ali na maɵagai gaiɗi na falakai lai. 18Peleg a za buza doogo doogo hu a wa Rewu, 19Asakal n'a wa Rewu li, Rewu a za buza miya sulu gaini ɵeeŋe, a wa ali na maɵagai gaiɗi na falakai lai. 20Rewu a za buza doogo doogo hu pi sulu a wa Serug. 21Asakal n'a wa Serug li, Rewu a za buza miya sulu gaini muguzak, a wa ali na maɵagai gaiɗi na falakai lai. 22Serug a za buza doogo doogo hu a wa Nakor. 23Asakal n'a wa Nakor li, Serug a za buza miya sulu, a wa ali na maɵagai gaiɗi na falakai lai. 24Nakor a za buza caaɓa pi ɵeeŋe a wa Terah. 25Asakal n'a wa Terah li, Nakor a za buza miya ktail gaini doogo pi ɵeeŋe, a wa ali na maɵagai gaiɗi na falakai. 26Terah a za buza doogo doogo muguzak, a wa Abram, Nakor gaini Haran. 27Pinzibani Terah a na maini nɵa: Terah a wa Abram, Nakor gaini Haran, Haran a wa Lot. 28Haran a mra, buzani wuzani epini Terah, midini afti n'a wa woni, war Ur na wiiɗi kaldekai. 29Abram gaini Nakor e mili falakai. Munini Abram yikiɗi Sarai, na wiini Nakor yikiɗi Milka, te ahini Haran, apiɗi Milka gaiɗi Yiska. 30Sarai te na fu muɗaŋ ahiɗi kai.
31Terah a yima ahini n'Abram, tiyni na Lot n'ahini Haran gaini munini Abram n'ahini na yikiɗi ɓa Sarai, a hala gaiɗi edi midini afti na Ur na wiiɗi Kaldekai par, a hala midini afti na Kanaan. E cûsi war Harran e simni woni. 32Terah a za buza miya sulu gaini ɵim, a mra war Harran.
Currently Selected:
Pi zi tiki 11: MUSGUM
Highlight
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964