Zekaria 5
5
PENE V - 5
Te orama ra o te pokaikai tuatua rere, e te vaine i roto i te epha, i akakiteia mai.
1E KUA nānā akaou atua au i taku mata, e kua akara, e i na, e #Eze 2:9pokaikai tuatua, te rere ra. 2E kua tuatua maira aia kiaku, Eaa taau e akara na? E kua karanga atura au, Te akara nei au i tetai pokaikai tuatua i te rere anga; okotai takau kubiti i te roa; okotai ngauru kubiti i te pararauare. 3Kua tuatua maira aia kiaku, #Mala 4:6Ko taua taumaa ra teia e riro nei na runga i te tua o te enua katoa nei: ko te aronga ravarai oki e keia ra, e tipu keia ïa i teia pae, mei tei tataia i reira ra; e te aronga ravarai oki e tao ra, e tipu keia ïa i tera pae, mei te reira rai. 4Naku te reira e akatupu, te tuatua mairā Iehova Sabaota ra, e e tomo te reira ki roto i te are o te tangata keia, e ki roto i te are o te #Levi 19:12; Zeka 8:17; Mala 3:5tangata taputou pikikaa i toku nei ingoa; e ka vai tamou rai ki rotopu tikai i tona are, #Levi 14:46e akapou oki te reira, te rakau ma te au toka katoa.
5Kua aere maira i reira te angela i tuatua mai iaku ra, e kua na ko maira kiaku ra, Ka nānā ana i to mata i tenana, ka akara, eaa tera ra mea i aere iora. 6E kua karanga atura au, Eaa ra ïa? E kua tuatua maira aia. E #5:6 E aite no te apinga marō.epha tera e aere iora. Kua tuatua mairai oki aia, Ko to ratou tu teia i te enua katoa nei. 7E i na, i apaiia akera tetai tapanga tapou punupunu ra, e te reira tetai vaine te noo ra ki roto i taua epha ra. 8E kua tuatua maira aia, Ko te kino teia. E kua uri atura aia iaia ki raro ki rotopu i taua epha ra, e kua uri akera aia i taua toka tapou ra ki runga i te vaa o te reira. 9Kua nānā akera au i taku mata ki runga i reira ra, akara atura, e i na, e puke vaine toko rua te riro atura, e tei roto te matangi i to raua ra peau, e peau oki to raua mei te peau o te kotuku; e maranga akera ia raua taua epha ra ki runga i te mareva i te rangi e te enua. 10Kua karanga atura au i reira ki te angela i tuatua mai iaku ra, E apai raua i te epha nei keia? 11E kua tuatua maira aia kiaku, #Iere 29:5,28E akatu i tetai are no te reira #Gene 10:10ki te enua ra ki Sinara, e akatinamouia oki te reira, e ka tuku marieia oki ki tona turanga i reira.
Currently Selected:
Zekaria 5: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
