Maseli 23
23
PENE XXIII - 23
1KIA noo koe e te tutara ki te kaingakai ra, ka akamanako marie i tei tuku ia mai ki mua i to aroaro na: 2Te akavaitata ua ra oki koe i te matipi ki to karaponga me kai maata rava koe: 3Auraka e kaki atu i tana ra au kai memeitaki ra; e kai pikikaa anake oki te reira. 4#Mase 28:20; 1 Timo 6:9,10Auraka e akaope i te ririnui ki te apinga kia maata; #Mase 3:5; Roma 12:16auraka e irinaki ki toou uaorai pakari. 5Ka anaana rai koe i o mata ki runga i te mea e kare nei ïa? te rave nei oki te reira i te peau; te rere ke nei mei te aeto ki runga i te rangi ra. 6#Sala 141:4Auraka koe e kai i te manga a te karapii, #Deu 15:9auraka koe e kaki i tana ra au kai memeitaki ra. 7Ko tona ra manako i roto i tona ngakau, ko koia uaorai ïa: e riro aia #Sala 12:2i te karanga mai e, Ka kai, ka inu; kare ra tona ngakau i tae kia koe. 8Taua manga mea ngiti taau i kai ra, e ruakiia ïa e koe ki vao; moumou atura taau tuatua akameitaki ra. 9#Mase 9:8; Mata 7:6Auraka e tuatua ki mua i te aroaro o te neneva ra; e riro aia i te akavaavaa i te tuatua pakari naau ra. 10#Deu 19:14; 27:17; Mase 22:28Auraka e kiriti i te kena kainga taito ra: auraka e kai i te kainga o te aronga matiroeroe; 11#Iobu 31:21; Mase 22:23Ko to ratou oki Akaora, e ririnui tona; e nana e akatika i ta ratou tuatua ia koe ra. 12E tavaitai i to ngakau ki te apii, e to taringa ki te tuatua kite ra. 13#Mase 13:24; 19:18; 22:15; 29:15,17Auraka e tāpu i te ako ki te tamaiti: kia pāpā koe iaia ki te rakau ra, kare ïa aia e mate. 14Kua pāpā koe iaia ki te rakau ra, #1 Kori 5:5kua ora tona vaerua ia koe e kare e tae ki ade.
15E taku tamaiti e, #Mase 23:24,25; 29:3kia pakari toou ra ngakau, ka rekareka ïa toku ngakau, toku uaorai nei rai. 16Ka rekareka to roto iaku nei, kia tuatua toou vaa i te tuatua tika. 17#Sala 87:1; 73:3; Mase 3:31; 24:1Auraka to ngakau e vareae i te aronga rave ara: #Mase 28:14kia noo ra ma te mataku ia Iehova e po ua atu te rā; 18#Sala 37:37; Mase 24:14; Luka 16:25Te vai ra oki te openga, kare oki taau e irinaki ra e akakoreia. 19E akarongo mai, e taku tamaiti, kia pakari koe, e #Mase 4:23e arataki i to ngakau na te arataa. 20#Isa 5:22; Mata 24:49; Luka 21:34; Roma 13:13; Ephe 5:18Auraka koe e kapiti katoa ki te aronga i kona i te wina ra: ki roto i te aronga e kaituauau i te puaka. 21Ko te konā kava oki, e te kaki nui ra, ka putaua ïa; #Mase 19:15e na te moe ua e akakakau mai ki te kakau ngaengae. 22#Mase 1:8; 30:17; Ephe 6:1,2E akarongo mai i to metua tane i anau ei koe ra, e auraka e akavaavaa i to metua vaine me ruaine aia ra. 23E #Mase 4:5,7; Mata 13:44oko i te tuatua-mou, e auraka rava e oko akaouia atu; te pakari, e te ako, e te kite. 24#Mase 10:1; 15:20; 23:15E rekareka maata ïa te metua o te tangata tuatua-tika ra; e tei anau i te tamaiti pakari, e rekareka katoa ïa iaia. 25E rekareka to metua tane e to metua vaine, e tei anau ia koe ra, ka rekareka ïa. 26O mai na to ngakau kiaku nei, e taku tamaiti e; e akara marie oki to mata i toku nei au arataa. 27#Mase 22:14E tau oki te vaine akaturi ki te vaarua oonu; e te vaine ke ra, mei te vaarua piripiri ïa. 28#Mase 7:12; Kohe 7:26Te moetapapa ra oki aia, mei te mea kia rauka te apinga ra; e manganui to roto i te tangata nei i araia iaia.
29 #
Isa 5:11,22 Koai tei aue nei? koai tei mii? koai tei taumāro? koai tei vaavaa-nunui? koai tei paruparu ara kore ua? #Gene 49:12toai te mata kutekute? 30#Mase 20:1; Ephe 5:18Te aronga noo roa i te inu anga wina ra; #Sala 75:8; Mase 9:2ko tei uipa e inu i te wina irokia ra. 31Auraka e akara i te wina kia muramura mai, kia panapana i roto i te kapu ra, e topa ngoie iora ki raro. 32Kia tae oki ki te openga ra, e tau tona kakati ki to te ovi, rato atura oki tona kava mei to te #23:32 Vipera renga e te maata.vipera ra. 33E riro oki to mata i te akara i te vaine ke; e tupu oki te manako kino ki roto i to ngakau na. 34E riro oki koe mei te tangata i moe ki rotopu i te moana ra; mei tei moe ki runga i te kauru tira ra. 35E riro koe i te karanga e, #Mase 27:22; Iere 5:3Kua pāpā mai ratou iaku, kare ra au i mamae; kua ta mai ratou iaku, kare ra au #Ephe 4:19i kite ana; #Deu 29:19; Isa 56:12kia ara na au ra, e kimi atu rai au.
Currently Selected:
Maseli 23: CIMB
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
