Mareko 8

PENE VIII - 8

Nga tangata e a tausani i angaiia: te akairo i patiia kare i o maiia: te akaopue a te au Pharisea: te tangata matapo: te au manako tu ke ke ia Iesu: to Iesu au mate i akakite mamaoia mai, e te au tumatetenga o te aronga e aru iaia.

1E #Mata 15:32MANGANUI te tangata i te reira au rā, e kare e kai kia kai, kua karanga aturā Iesu ki tana au pipi, na ko atura kia ratou, 2Te tangi nei au i teianei aronga maata, i te mea ka po toru akenei ratou iaku nei, e kare e manga kia kai: 3E kia tuku au ia ratou i to ratou ngutuare ma te pongi, e paruparu ratou i te ara: e ngai mamao oki to tetai papaki. 4Kua na ko maira tana au pipi kiaia, Eiea te kai e raukaʼi i te medebara nei e ravaʼi i teianei aronga maata? 5#Mata 15:34; Mare 6:38Kua ui atura aia kia ratou, Eia a kotou manga? Kua na ko maira ratou, E itu. 6Kua akaue atura aia i te au tangata ra, e noo ki raro, kua rave iora aia i nga manga e itu ra, akameitaki atura, vavaʼi iora, e tuku atura ki tana au pipi, kia tuku atu ki mua i te aroaro o te tangata tini ra; kua tua atura oki ratou. 7E puke ika rikiriki oki ta ratou; #Mata 14:19; Mare 6:41kua akameitaki katoa atura, e kua akaue atura, kia tuku katoaia ki mua ia ratou ra. 8Kai iora ratou, e pangia rava akera; akaputuia iora te ungaungā kai toe ra, e itu tapora. 9E a paa tausani taua aronga i kai ra; tuku atura aia ia ratou kia aere.

10 # Mata 15:39 Aere atura aia e tana au pipi katoa ki runga i tetai pai i reira ra, tapae atura i te enua ra i Dalemanuta. 11#Mata 12:38; 16:1; Ioa 6:30Kua aere maira te au Pharisea e ui mai kiaia, e e pati mai i tetai akairo no runga i te rangi, ei timata anga mai na ratou iaia. 12Kua karanga atura aia ma te aue i roto i tona uaorai ngakau, Eaa i pati mai ei teianei uki tangata i te akairo? e tikai taku e karanga atu kia kotou na, Kare te akairo e orongaia atu ki teianei uki. 13Akaruke atura aia ia ratou, oki akaou atura ki runga i te pai ra, ano maira ki tetai pae ra.

14 # Mata 16:5 E kare te au pipi i rave mai i te kai, i ngaropoina, okotai ua a ratou manga i taua pai ra. 15#Mata 16:6; Luka 12:1Kua ako atura Iesu ia ratou, na ko atura, E akamaroiroi, e matakite oki i te akaopue a te au Pharisea, e te akaopue a Heroda. 16Kua akaeatu iora ratou ratou uaorai, na ko akera, #Mata 16:7No te mea kare a tatou kai. 17Te kite aturā Iesu, kua na ko atura aia kia ratou, Eaa kotou e akaeatu ei, i te mea kare a kotou kai? #Mare 6:52te vai ua na to kotou manako kore e te akono kore? e te vai poiri ua nei rai to kotou ngakau? 18E mata to kotou, kare e tika kia akara? e taringa oki, e kare e tau kia akarongo? e kare aina o kotou manako? 19#Mata 14:20; Mare 6:43; Luka 9:17; Ioa 6:13Iaku i vavaʼi i nga manga e rima i nga tausani e rima ra, eia a kotou tapora i akaki i te toenga kai ra? Kua na ko maira ratou, Okotai ngauru ma rua. 20#Mata 15:37; Mare 8:8E nga manga oki e itu i nga tausani e a ra, eia a kotou tapora i akaki i te toenga kai ra? Kua na ko maira ratou, E itu. 21Kua karanga atura aia kia ratou, #Mare 6:52; 8:17Eaa kotou i kore ei i kite? 22E tae maira aia ki Betesaida, te aratakiia maira tetai tangata matapo kiaia ra e kua pati maira, kia akatukia atu aia kiaia. 23Kua rave atura aia i te rima o taua tangata matapo ra, arataki atura ki vao mai i taua vila ra: #Mare 7:33e kia tutua atura ai i te uavare ki runga i tona mata, e kia tuku i te rima ki rungao iaia, kua ui atura iaia i tana i kite ra. 24Kua nānā akera aia ki runga, na ko maira, Te kite nei au i te tangata, mei te rakau ra te tu, te aere ua ra. 25Kua tuku akaou atura aia i te rima ki rungao i tona mata, e kua karanga atura kia nānā aia ki runga: kua puera rava atura, te kite meitaki atura aia i te tangata ravarai. 26Kua tuku atura aia iaia i tona ngutuare, na ko atura, Auraka e tomo ki roto i te vila nei, auraka #Mata 8:4; Mare 5:43oki tetai tangata no taua vila ra e akakiteia.

27 # Mata 16:13; Luka 9:18 Aere ke aturā Iesu, ma tana au pipi, i te au vila i Kaisarea Philipi ra: kua ui atura aia kia ratou i te ara ra, na ko atura, Koai au nei i ta te tangata tuatua anga? 28Kua na ko maira ratou, #Mata 14:2Ko Ioane bapetizo: ko Elia oki, ta tetai papaki; tetai peroveta ra, ta tetai aronga. 29Kua karanga atura aia kia ratou, Koai ra au nei i ta kotou na tuatua anga? Kua tuatua mairā Petero kiaia, na ko maira, #Mata 16:16; Ioa 6:69; 11:27Ko te Mesia rai koe. 30Kua #Mata 16:20ako atura aia kia ratou, auraka rava ratou e akakite ki te tangata i taua tuatua iaia ra. 31#Mata 16:21; 17:22; Luka 9:22Kua akamata atura aia i te akakite ia ratou e, e manganui to te Tamaiti a te tangata nei mate e tikaʼi, e akarukeia aia e te aronga pakari, e te kau taunga nunui, e te au tata tuatua ra, e tamate ravaia oki, e e tu akaou kia tae ki te po toru. 32E te akakite pu tika ra aia i te reira tuatua, kua arataki ke aturā Petero iaia, e kua ako atura iaia. 33Kua ariu maira aia, e kua akara maira i tana au pipi, kua akamura maira ia Petero, na ko maira, Ka aere ke atu koe e Satani, ki muri iaku: kare koe i tau i ta te Atua ra, ko ta te tangata ra taau i tau.

34Kua karanga atura oki aia ki te tangata tini ra, ma tana uaorai au pipi, kua na ko atura, #Mata 10:38; 16:24; Luka 9:23; 14:27Ko tei inangaro i te aru mai iaku ra, e akaruke aia iaia uaorai, e rave i tana satauro, ka aru mai ei iaku. 35Ko #Ioa 12:25tei umuumu atu i tona uaorai ora, ka ngere aia i te ora: ko tei kopae ra i tona ora iaku, e i te evangelia nei, e ora ia tona. 36E eaa ta te tangata nei puapinga, kia rauka iaia to teianei ao katoatoa, e riro atura tona vaerua? 37E eaa ta te tangata nei kia oronga ei oko i tona vaerua? 38#Mata 10:33; Luka 9:26; 12:9E teianei, ko #Roma 1:16; 2 Timo 1:8; 2:12te akama iaku, e taku nei tuatua, i teianei uki akaturi, e te rave ara, koia katoa, ta te Tamaiti a te tangata nei e akama, kia tae mai aia ma te au angela tapu, e te kakā o tona Metua.

Currently Selected:

Mareko 8: CIMB

Highlight

Copy