Mareko 10

PENE X - 10

Te tuatua a Iesu i te kopae vaine ra: te tamariki i akaoraia: te tangata ou apinga nui, e te kino o te apinga nui: ta te au pipi tutaki: te matenga o te Mesia: te ngakau parau o nga tamariki a Zebedaio: ko Baratimaio matapo.

1 # 10:1 Te Mataiti o te Mesia 33 KUA #Mata 19:1; Ioa 10:40; 11:7tu akera aia ki runga, aere atura ki te pae i Iudea ra, i na tera pae i Ioridana; kua uipa akaou maira te tangata tini kiaia i reira, kua apii akaou atura aia ia ratou, tana ïa ravenga tikai.

2 # Mata 19:3 Kua aere maira oki te au Pharisea kiaia ra, kua ui maira, E tika aina i te ture kia kopae te tane i tana vaine? ei timata anga mai na ratou iaia. 3Kua karanga atura aia kia ratou, na ko atura, Eaa ta Mose i akaue mai ia kotou? 4Kua tuatua mai oki ratou, #Deu 24:1; Mata 5:31; 19:7Kua tika ia Mose kia tata matou i te tuatua kopae, ka tuku atu ei iaia. 5Kua karanga aturā Iesu kia ratou, na ko atura, No te māroketaketa o to kotou ngakau i tata ei aia i te reira tuatua: 6Kareka i muatangana ra, ka angaiaʼi te ao nei, #Gene 1:27; 5:2ko te tane okotai ta te Atua i anga, e te vaine okotai. 7#Gene 2:24; 1 Kori 6:16; Ephe 5:31“No reira e akaruke ei te tangata i tona metua tane e tona metua vaine, ka topiri atu ei ki tana vaine; 8E riro oki raua ei kopapa okotai:” e teianei, kare atura raua i te toko rua, kua kopapa okotai ra. 9E ta te Atua i topiri ra, auraka te tangata e akataka ke atu. 10E kua ui akaou maira tana au pipi iaia i roto i te are i taua tuatua ra. 11Kua karanga atura aia kia ratou, #Mata 5:32; 19:9; Luka 16:18; Roma 7:3; 1 Kori 7:10,11Ko te kopae atu i tana vaine, ka akaipoipo ei i tetai, kua akaturi aia iaia. 12E kia kopae atu te vaine i tana tane, ka akaipoipo ei i tetai, kua akaturi aia. 13#Mata 19:13; Luka 18:15Kua apai maira ratou i te tamariki ou kiaia, kia akatukia mai aia ia ratou: kua kauvae atura te au pipi i te aronga i apai mai. 14Kia kite aturā Iesu, mainaina atura, na ko atura kia ratou, Ka tuku mai ana i te tamariki mea riki, kia aere ua mai kiaku nei, auraka e akakoreia atu; #1 Kori 14:20; 1 Pete 2:2mei ia ratou nei oki to te basileia o te Atua. 15Koia mou taku e karanga atu kia kotou na, #Mata 18:3Ko tei kore e āriki i te basileia o te Atua mei te tamariki mea riki ra, kare takiri aia e o ki reira. 16Kua rave atura aia ia ratou, kua ikiiki iora, kua tuku atura i tona rima ki rungao ia ratou, akaora atura ia ratou.

17 # Mata 19:16; Luka 18:18 E te aere atura aia i te arataa ra, te oro maira tetai tangata, e kua tuku iora i te turi ki muao iaia, kua ui maira kiaia, E te Orometua meitaki, e akapeea au nei e raukaʼi iaku te ora mutu kore? 18Kua karanga aturā Iesu kiaia, Eaa koe i akameitaki mai ei iaku? ko te Atua anake ra te meitaki. 19Te kite na koe i te au ture, #Exo 20:14; Roma 13:9“Auraka e akaturi, Auraka e ta ua, Auraka e keia, Auraka koe kia riro ei kite pikikaa, Auraka e takinga-kino, E akangateitei i to metua tane, e to metua vaine.” 20Kua na ko maira aia, E te Orometua, kua ope te reira i te akonoia e au, mei toku ou anga mai. 21Akara aturā Iesu iaia, aroa atura iaia, na ko atura iaia, Te toe nei rai tetai mea ia koe; ka aere, ka oko i taau apinga, ka apai atu ei na te putaua, e #Mata 6:19,20; 19:21; Luka 12:32; 16:9apinga taau i te rangi i reira: e aere mai oki, ka rave i te satauro, ka aru mai ei iaku. 22Taitaia atura aia i te reira tuatua, aere atura ma te aue, e apinga maata oki tona.

23 # Mata 19:23; Luka 18:24 Kua akara aturā Iesu e kako rava ake, kua karanga atura ki tana au pipi, Te akao ngata e o te aronga apinga nui, ki te basileia o te Atua! 24Poitirere atura te au pipi i te reira tuatua. Kua karanga akaou aturā Iesu kia ratou, na ko atura, E te au tamariki e, te akao ngata e o te aronga #Iobu 31:24; Sala 52:7; 62:10; 1 Timo 6:17i irinaki i te apinga, ki te basileia o te Atua! 25E akao ngoie ake te kamela na roto i te puta nira, i te tangata apinga nui kia akao ki roto i te basileia o te Atua ra. 26Maata rava akera to ratou manatu, na ko akera ratou ratou uaorai, Koai oki te ka ora? 27Akara aturā Iesu ia ratou, na ko atura, Kare ïa e tika i te tangata nei, i te Atua ra, #Iere 32:17; Mata 19:26; Luka 1:37kare rave e mea e kore ei e tika i te Atua. 28#Mata 19:27; Luka 18:28Kua tuatua mairā Petero kiaia, I na matou, kua akaruke i te au mea katoa, e kua aru mai nei ia koe. 29Kua karanga aturā Iesu, na ko atura, Koia mou taku e karanga atu kia kotou nei, Kare e tangata i akaruke i te are, e te au taeake, e te au tuaine, e te metua tane, e te metua vaine, e te vaine, e te tamariki, e te kainga, noku, e no te evangelia nei. 30#2 Para 25:9; Luka 18:30E kore ei e rauka iaia e anere ua atu, i teianei ao, te are, te taeake, e te tuaine, te metua vaine, e te tamariki, e te kainga oki, ma te takinga-kinoia; e i te ao a muri nei, ko te ora mutu kore ïa. 31#Mata 19:20; 20:16; Luka 13:30To mua e manganui ra e riro no muri; e to muri ra, e riro ia no mua.

32 # Mata 20:17; Luka 18:31 E te aere ua ra ratou na te arataa ki Ierusalema; e na muā Iesu ia ratou i te aere: va ua iora ratou; e aru atura iaia ma te mataku. #Mare 8:31; 9:31; Luka 9:22; 18:31Kua arataki akaou atura aia i te tino ngauru ma rua ra ki te pae, e kua akamata atura aia i te akakite kia ratou i te au mea e rokoia mai ei aia ra, 33Na ko atura, I na, te aere nei tatou ki Ierusalema; e e tukuia te Tamaiti a te tangata nei ki te kau taunga nunui ra, e te au tata tuatua; e e akaapa mai ratou iaia kia mate, e tukuia atu oki ki te etene ra: 34E e taitoito mai ratou iaia, e e pāpā mai, e tutua mai oki i te uavare, e tamate rava mai oki; ka tu akaou ra aia i te po toru ra.

35 # Mata 20:20 Kua aere maira nga tamariki a Zebedaio ra, ko Iakobo e ko Ioane, kiaia ra, na ko maira, E te Orometua, te anoano nei maua kia akatika mai koe i ta maua e pati atu. 36Kua karanga atura aia kia raua, Eaa to korua anoano kia akatika atu au? 37Kua tuatua maira raua kiaia, Kia rauka ia koe toou kakā, e noo tetai o maua i to rima katau, e tetai oki i to rima kaui. 38Kua karanga aturā Iesu kia raua, Kare korua i kite i ta korua i pati mai nei. E tika aina ia korua kia inu i te kapu taku e vaitata i te inu nei, e kia bapetizoia korua i te bapetizo e bapetizoiaʼi au nei? 39Kua na ko maira raua, E tika ïa ia maua. Kua karanga aturā Iesu kia raua. Ka inu rai korua i te kapu taku e vaitata i te inu nei, e bapetizoia oki korua i te bapetizo e bapetizoiaʼi au nei: 40Kareka te noo i taku rima katau, e taku rima kaui, kare ïa e tika kia oronga atu au, mari ra no te aronga i akonoiaʼi ra. 41#Mata 20:24E kite akera te tino ngauru ra, riri rava akera ratou ia Iakobo raua ko Ioane. 42Kua karanga aturā Iesu kia ratou, kua na ko atura, #Luka 22:25Kua kite oki kotou, te tutara nei te ui ariki o te au etene ki runga ia ratou ra, e te aronga nunui ra, te mana ra ïa i runga i to ratou. 43#Mata 20:26,29; Mare 9:35; Luka 9:48Kare ra i tika kia akapera i roto ia kotou: ko te anoano i te akamaata i o kotou na, kia riro ia ei tavini no kotou. 44E ko te inangaro kia maata aia i o kotou ra, ei tavini akaaka aia no kotou ravarai: 45#Ioa 13:14; Phili 2:7Kare oki te Tamaiti a te tangata i aere mai kia taviniia tona, ei tavini ra, #Mata 20:28; 1 Timo 2:6; Tito 2:14e kia oronga atu aia i tona ora ei oko no te tangata e manganui.

46 # Mata 20:29; Luka 18:35 Kua tae atura ratou ki Ieriko: e kia akaruke aia i Ieriko ma tana au pipi, e te tangata oki e manganui, te noo ra te tamaiti a Timaio, ko Baratimaio matapo ra, i te pae arataa, te pati ra i te apinga. 47E kite akera aia e, ko Iesu i Nazareta, kua kapiki maira aia, na ko maira, E te Tamaiti a Davida, e Iesu e, e aroa mai koe iaku. 48I akamuraia atura aia e te tangata e manganui, kia muteki atu: kua maata rava atura tona kapiki, E te Tamaiti a Davida, e aroa mai koe iaku. 49Kua tu ua iorā Iesu, kua akaue atura e, e kapiki atu kiaia. Kua kapiki atura ratou i taua matapo ra, na ko atura iaia, Auraka e taitaia, ka tu ki runga; te kapikiia maira koe e ia. 50Kua kopae atura aia i tona kakau, tu akera ki runga, e kua aere maira kia Iesu ra. 51Kua karanga aturā Iesu, na ko atura kiaia, Akapeea atu au ia koe i toou anoano? Kua na ko maira taua matapo ra kiaia, E#10:51 E te Orometua. Raboni, kia puera taku mata. 52Kua karanga aturā Iesu kiaia, Ka aere, #Mata 9:22; Mare 5:34kua ora koe i toou akarongo. Puera akera tona mata i reira, e kua aru maira aia ia Iesu i te arataa.

Currently Selected:

Mareko 10: CIMB

Highlight

Copy