Mataio 16

PENE XVI - 16

Te akairo tuatau: te akaopue a te au Pharisea: te manako tu ke ke ia Iesu: te taviri o te basileia i tukuia kia Petero, e tana tuatua tau-kore: te aronga e aru tikai ia Iesu te ka ora.

1KUA aere maira te au #Mata 12:38; Mare 8:11; Luka 11:16; 12:54-56; 1 Kori 1:22Pharisea e te au Sadukea kiaia ra, kua pati tapepe maira kiaia i tetai akairo i runga i te rangi. 2Kua karanga atura aia kia ratou, na ko atura, Kia tae ki te aiai, te karanga na kotou, Kua muramura te rangi, ka rangi marie. 3E i te popongi ra, Ka uriia akonei; kua muramura oki te rangi e kua takapakapa. E te au pikikaa e, te kite nei kotou i te tu o te rangi nei; kare ra e kite i te akairo o teianei tuatau. 4Te kimi nei #Mata 12:39te uki tangata kikino e te akaturi i te akairo, kare ra e akairo e orongaia atu, mari ra te akairo i te peroveta ra ia Iona. Akaruke atura aia ia ratou, aere atura.

5 # Mare 8:14 Kua ngaro i te au pipi i te apai katoa i te manga, ka ano ei ratou ki tetai pae ra. 6Kua karanga aturā Iesu kia ratou, #Luka 12:1E akamaroiroi, e matakite oki i te akaopue a te au Pharisea e te au Sadukea. 7Kua akaeatu iora ratou ratou uaorai, na ko akera, No te mea kare tatou i apai mai i te kai. 8Kite akerā Iesu, kua na ko atura kia ratou, E kotou, te aronga akarongo mea ngiti nei! eaa kotou e akaeatu ei, i te mea kare kotou i taoi mai i te kai? 9#Mata 14:17; Ioa 6:9Kare rai kotou i kite? kare rai i maara i nga manga e rima ra, e nga tausani e rima ra, e nga tapora i akakiia e kotou i te toenga kai ra? 10#Mata 15:34E nga manga oki e itu ra e nga tausani e a ra, e nga tapora ta kotou i akaki ra? 11Eaa kotou i kore ei i kite e, kare no te kai taku i tuatua kia kotou na e, e matakite ia kotou i te akaopue a te au Pharisea e te au Sadukea? 12Kite atura ratou e, kare to te akaopue kai tana i tuatua maira, ko te tuatua ra a te au Pharisea e te au Sadukea.

13E te aere aturā Iesu ki tetai enua i Kaisarea Philipi ra, kua ui atura aia i tana au pipi, na ko atura, #Mare 8:27; Luka 9:18Koai au nei, te Tamaiti a te tangata, i ta te tangata tuatua anga? 14Kua tuatua maira ratou, #Mata 14:2; Luka 9:7,8,9Ko Ioane bapetizo ta etai, ko Elia ta tetai pae, ko Ieremia oki, e ko tetai o te au peroveta taito ra, ta etai. 15Kua karanga atura aia kia ratou, Koai ra au nei i ta kotou na tuatua anga? 16Kua tuatua mairā Simona Petero, na ko maira, #Mata 14:33; Mare 8:29; Luka 9:20; Ioa 6:69; 11:27; Anga 8:37; 9:20; Ebe 1:2; 5:1; Ioa 4:15; 5:5Ko te Mesia koe, ko te Tamaiti a te Atua ora. 17Kua karanga aturā Iesu kiaia, na ko atura, E ao toou, e Simona Baraiona; #Ephe 2:8kare te tangata i akakite mai ia koe i te reira, #1 Kori 2:10; Gala 1:16na taku Metua i te ao ra. 18E karanga katoa atu au kia koe na, #Ioa 1:42Ko Petero koe; #Ephe 2:20; Apo 21:14e ki runga i teianei papa e patu ei au i taku ekalesia; #Iobu 38:17; Sala 9:13; 107:18; Isa 38:10e kare rava ïa e rauka i te ngutupa o ade. 19#Mata 18:18; Ioa 20:23E oronga atu oki au i te au taviri o te basileia o te ao kia koe: e taau e akamou i raro nei, e akamou katoaia ïa ki runga i te ao: e taau e tuku i raro nei, e tuku katoaia ïa i te ao. 20#Mata 17:9; Mare 8:30; Luka 9:21Kua ako atura aia i tana au pipi, auraka rava ratou e akakite atu i te tangata e, ko te Mesia aia ko Iesu.

21I reira to Iesu akamata anga atu #Mata 20:17; Mare 8:31; 9:31; 10:33; Luka 9:22; 18:31; 24:6,7i te akakite ki tana au pipi e, e aere aia ki Ierusalema e tikaʼi, e e rai tona rave kino angaia e te aronga pakari ra, e te kau taunga nunui ra, e te au tata tuatua, e e tamate ravaia oki, e akatu akaouia ra kia tae ki te po toru. 22Kua arataki ke aturā Petero iaia, kua ako atura, na ko atura, Auraka takiri ïa, e te Atu: eiaa koe e peraia mai. 23Kua anga maira aia, tuatua maira kia Petero, Ka aere ke atu koe, #2 Samu 19:22e Satani, ki muri iaku, #Roma 8:7e maitu koe naku; kare koe i tau i ta te Atua ra, ko ta te tangata ra taau i tau.

24 # Mata 10:38; Mare 8:34; Luka 9:23; 14:27; Anga 14:22; 1 Tesa 3:3; 2 Timo 3:12 Kua karanga aturā Iesu ki tana au pipi, Ko tei inangaro i te aru mai iaku, e akaruke aia iaia uaorai, e rave i tana satauro, ka aru mai ei iaku. 25#Luka 17:33; Ioa 12:25Ko tei umuumu atu i tona uaorai ora, ka ngere ïa i te ora: ko tei kopae ra i tona ora iaku nei, e rauka iaia te ora. 26Eaa ta te tangata puapinga, kia rauka iaia to teianei ao katoatoa, e riro atura tona vaerua? #Sala 49:7,8eaa ta te tangata nei kia oronga ei oko i tona vaerua? 27#Mata 26:64; Mare 8:38; Luka 9:26E tae mai oki te Tamaiti a te tangata #Dani 7:10; Zeka 14:5; Mata 25:31; Iuda 14ma tana au angela e te kakā o tona Metua; #Iobu 34:11; Sala 62:12; Mase 24:12; Iere 17:10; 32:19; Roma 2:6; 1 Kori 3:8; 2 Kori 5:10; 1 Pete 1:17; Apo 2:23; 22:12ei reira aia e tutaki mai ei i te tangata ravarai kia tau i tana angaanga. 28Tikai taku e karanga atu kia kotou nei, #Mare 9:1; Luka 9:27Kare tetai papaki o teianei aronga e tu mai nei, e rokoia e te mate, e kite ei ratou i te Tamaiti a te tangata i te aere anga mai i tona basileia.

Currently Selected:

Mataio 16: CIMB

Highlight

Copy