Levitiku 13
13
PENE XIII - 13
Te ture e te akonoanga na te taunga, e kite ei i te maki ra i te lepera.
1KUA tuatua mairā Iehova kia Mose raua ko Aarona, na ko maira, 2E uaua to tetai tangata, #Deu 28:27; Isa 3:17e te paka, e te titoutou teatea ki runga i te kiri tangata, mei te maki ra e lepera te tu, i te kiri tangata ra; #Deu 17:8,9; 24:8; Luka 17:14ka aratakiia te reira tangata ki te taunga ra kia Aarona ra, e kare ra, ki tetai tamaiti taunga nana ra: 3E na te taunga e akara i taua maki ra i te kiri tangata: e te teatea ra te uruuru i taua maki ra, e te oonu ra taua maki ra ki roto kia akara ra, kare i te kiri tangata anake ra, ko taua maki ra ïa e lepera: e na te taunga e akara iaia, ka tuatua kiaia e, kua viivii. 4Kareka tei te kiri tangata anake taua titoutou teatea ra, kare i oonu ki roto kia akara ra, e kare oki e teatea te uruuru; ka momani te taunga i taua tangata maki ra i reira, e kia po itu ake: 5E kia tae ki te po itu ra e akara rai te taunga iaia ra; e i na, tei te vairanga rai taua maki ra i tona akara anga, kare rai i raa te maki na runga i te kiri, ei reira te taunga ka momani ei, e kia po itu rai: 6E tae ki te po itu e akara akaou ei te taunga iaia: e i na, te auriuri ra taua maki ra, kare ra i raa te maki na runga i te kiri, ei reira te taunga e tuatuaʼi kiaia e, kua mā; e paka ua; #Levi 11:25; 14:8ka orei ua aia i ona kakau, e mā atura. 7Kia raa pu ra taua paka ra ki runga i te kiri, i muri ake i tona akara angaia e te taunga, kia tuatuaia e kua mā: ka akara akaouia aia e te taunga i reira: 8E kite atura te tangata, e i na, kua raa taua paka ra ki runga i te kiri, ei reira te taunga e tuatuaʼi kiaia e, kua viivii: e lepera ïa.
9E kia mate tetai tangata i te lepera, e aratakiia aia ki te taunga ra; 10#Nume 12:10,12; 2 Ari 5:27; 2 Para 26:20E na te taunga e akara iaia; e i na, te teatea ra taua uaua ra ki runga i te kiri, e te teatea katoa ra te uruuru, e e kiko ou tei roto i taua uaua ra; 11E lepera takere ïa ki runga i te kiri tangata, ka tuatua te taunga ra kiaia e, e tangata viivii; auraka aia e momani iaia, kua viivii oki aia. 12Kia raa pu ra taua lepera ra na runga i te kiri ra, e kua pini roa te kiri o taua tangata maki ra i te lepera, mei te upoko mai, e tae ua atu ki raro i te vaevae, i ta te taunga akara anga; 13E kua akara iora te taunga iaia, e i na, kua pini katoatoa tona kopapa i taua lepera ra, ka tuatua aia ki taua tangata maki ra e, kua mā; kua mā oki aia, koia i pini i te teatea. 14Kia kitea ra te kiko ou i roto iaia ra, o viivii ia aia. 15E na te taunga e akara i taua kiko ou ra, ka tuatuaʼi kiaia e, kua viivii; e viivii oki taua kiko ou ra; e lepera ïa te reira. 16E kia tu ke taua kiko ou ra, e riro atura ei mea teatea, e aere aia ki te taunga ra; 17E na te taunga e akara iaia: e i na, kua riro taua maki ra ei mea teatea; ei reira te taunga e tuatuaʼi ki taua tangata maki ra e, kua mā; kua mā oki aia.
18E e #Exo 9:9ee to tetai tangata ki runga i tona kiri, e kua ora, 19Kia tupu ra tetai uaua teatea e te titoutou teatea muramura i taua ngai i eeia ra, e akara ïa te taunga i te reira; 20E kia akaraia te reira e te taunga ra, e i na, te tu oonu ra kia akara, kare i te kiri anake ra, e kua teatea te uruuru; e tuatua te taunga kiaia e, kua viivii: e maki lepera ïa, kua tupu i roto i te ee ra. 21Kia akara ra taua taunga ra, e i na, kare roa e uruuru teatea ki rungao, e kare i oonu, tei te kiri ra, e akerekere ra; e momani te taunga iaia i reira, e kia po itu ake: 22Kia raa pu ra ki runga i te kiri, ka tuatua te taunga i reïra e, kua viivii: e maki ïa. 23Tei te vairanga rai taua titoutou ra, kare i raa, ko taua vera ee anake ra ïa; ka tuatua te taunga kiaia e, kua mā.
24E kia pakapaka te kiri o tetai tangata ki te ai, e e titoutou teatea muramura, e te teatea, tei roto i te kiko ora i pakapaka ra; 25Na te taunga e akara i te reira: e i na, kua teatea te uruuru i taua titoutou ra, e te oonu ra kia akara, kare i tei te kiri anake; e lepera ïa, kua tupu i roto i taua pakapaka ra: ka tuatua te taunga kiaia e, kua viivii: e maki lepera ïa. 26Kia akara ra te taunga i te reira, e i na, kare roa e uruuru teatea i taua titoutou ra, e kare oki i oonu, tei te kiri rai, e akerekere ra; ka momani te taunga iaia i reira, e kia po itu ake: 27E akara te taunga iaia ra kia tae ki te po itu: kua raa pu ki runga i te kiri, ei reira te taunga e tuatuaʼi kiaia e, kua viivii: e maki lepera ïa. 28Tei te vairanga rai taua titoutou ra, kare i raa ki runga i te kiri, e te akerekere ra; e paka ïa no taua pakapaka ra, e tuatua te taunga kiaia e, kua mā: e vera ïa no taua pakapaka ra.
29E e maki to tetai tangata te tane e te vaine, tei te mimiti, e tei kumikumi; 30Na te taunga e akara i taua maki ra: e i na, te oonu ra kia akara kare tei te kiri anake ra, e e uruuru rikiriki e te rengarenga tei roto; ka tuatua te taunga kiaia e, kua viivii; e topakapaka marō ïa, e lepera ki runga i te mimiti, e te kumikumi. 31E kia akara te taunga i taua tangata maki ra i te topakapaka marō, e i na, kare i oonu kia akara, tei te kiri rai, e kare e uruuru kerekere o roto; e momani te taunga i taua tangata maki ra i te topakapaka marō, i reira, e kia po itu ake: 32E kia tae ki te po itu ra e akaraʼi te taunga i taua maki ra: e i na, kare i raa taua topakapaka marō ra, e kare e uruuru rengarenga o roto ra, e kare taua topakapaka marō ra i oonu, tei te kiri rai; 33E varuia aia, auraka ra te topakapaka marō e varuia; e na te taunga e momani i taua tangata topakapaka marō ra, e kia po itu rai: 34E kia tae ki te po itu ra e akaraʼi te taunga i taua topakapaka marō ra: e i na, kare taua topakapaka marō ra i raa ki runga i te kiri, e kare oki i oonu kia akara, tei te kiri rai; ei reira te taunga e tuatuaʼi kiaia e, kua mā; ka orei oki aia i ona kakau, e mā atura ïa. 35Kia raa pu ra te topakapaka marō i te kiri i muri ake i tona tuatua angaia e, kua mā; 36Ei reira te taunga e akaraʼi, e i na, kua raa te topakapaka marō ki runga i te kiri, auraka te taunga e kimi i te uruuru rengarenga; kua viivii ïa aia. 37Te vai ua ra taua topakapaka marō ra, okotai rai te tu i tona akara anga, e kua tupu te uruuru kerekere i roto; kua ora ïa topakapaka marō, kua mā aia; e na te taunga e tuatua kiaia e, kua mā.
38E titoutou teatea tei runga i te kiri o tetai tangata, te tane e te vaine; 39Na te taunga e akara; e i na, e titoutou teatea auriuri taua pata ra ki runga i tona kiri ra; e titoutou ïa, kua tupu ua i te kiri; kua mā aia. 40E kua ngaoro te rauru o te tangata ra, kua pakiko ïa aia, kua mā aia. 41E kua ngaoro te rauru i tona rae, kua rae pakiko ïa aia, kua mā aia. 42E e maki teatea amuramura tei taua mimiti pakiko e taua rae pakiko ra; e lepera ïa, kua tupu ki runga i tona mimiti pakiko ra, e tona rae pakiko ra. 43E ka akara te taunga i te reira; e i na, te teatea ra taua maki ra, e te muramura i te tupu anga i tona mimiti pakiko ra, e tona rae pakiko ra, mei te lepera te tu ki runga i te kiri tangata ra; 44E lepera ïa tangata kua viivii ïa; na te taunga e tuatua kiaia e, kua viivii takiri rava; tei tona mimiti tona maki. 45E te tangata i mate i te lepera ra, ka kapiki ua aiai, #Aue 4:15Kua viivii, kua viivii, ma te kakau ngaae, e te pare kore, e ma #Eze 24:17,22; Mika 3:7te tapokiia te ngutu i runga. 46E taua mate anga katoa nona i te maki ra, e tuatuaia aia e, kua viivii; koia anake ra i tona noo anga: #Nume 5:2,12,14; 2 Ari 7:8; 15:5; 2 Para 26:21; Luka 17:12ei vao mai i te puakapa aia noo ei.
47E kia leperaia tetai kakau, i te kakau uru-mamoe, e te kakau orongā; 48Tei te ao i te tiroa, e tei te ao i te tipoto; to te orongā, e to te uru-mamoe; tei te kiri, e te au mea katoa i angaia ki te kiri ra; 49E te rengarenga ra, e te muramura taua ngai i maki i taua kakau ra, e taua kiri ra, tei te ao i te tiroa, e tei te ao i te tipoto, e te au mea katoa i angaia ki te kiri ra; e maki lepera ïa te reira, e ka akakiteia atu ki te taunga. 50E kia oti taua maki i te akaraia e te taunga ra, e momani aia i taua mea maki ra e kia po itu ake: 51E kia tae ki te po itu ra, e akara aia i te ngai maki ra: e kua kakai aere taua maki ra i taua kakau ra, tei te ao i te tiroa, e tei te ao i te tipoto, e tei te kiri, e tei te au mea katoa i angaia ki te kiri ra, #Levi 14:44e lepera kakai ïa te reira maki; kua viivii ïa. 52Ka taʼu aia i taua kakau ra, tei te ao tiroa taua maki ra, e tei te ao tipoto, tei te uru-mamoe e te orongā; e tei te au mea katoa i angaia ki te kiri ra: e lepera kakai ïa: ka taʼuia ïa ki te ai. 53Kia akara te taunga ra, e i na, kare rai taua maki ra i kakai i taua kakau ra, kare i te ao tiroa, kare oki i te ao tipoto, e kare katoa i te au mea katoa i angaia ki te kiri ra; 54Ka tuatua taua taunga ra i reira e orei i taua mea maki ra ki te vai, ka momani ei aia i taua mea ra e kia po itu rai: 55E kia akara te taunga i taua ngai maki ra, kia oti i te oreiia ki te vai: e i na, kare i tu ke taua ngai maki ra, kare ra i kakai aere taua maki ra; kua viivii ïa; ka taʼuia ïa ki te ai; e lepera kakai ïa, me tei te pae ki roto te pakiko, me tei te pae ki vao. 56Kia akara ra te taunga, e i na, te akerekere ra taua maki ra, kia oti i te oreiia ki te vai; ei reira aia e kokoti ke atu ei i taua ngai maki i runga i taua kakau ra, e i runga i taua kiri ra, e i runga i te ao tiroa, e i runga i te ao tipoto. 57E te vai ua mairai taua maki ra, kia akara, ki runga i taua kakau ra, tei te ao tiroa e tei te ao tipoto, e tei te au mea katoa i angaia ki te kiri; e lepera kakai ïa: ko tei makiia i te reira ra, ka taʼuia ïa apinga ki te ai. 58Ko te maki ra, ki runga i te ao tiroa, e ki runga i te ao tipoto o te kakau ra, e ki runga katoa i te au mea i angaia ki te kiri, i peke me oreiia ki te vai ra, e orei ïa kia rua orei anga, mā atura ïa i reira.
59Ko te ture teia no te maki ra e lepera, ki runga i te kakau uru-mamoe e te orongā, ki runga i te ao tiroa, e te ao tipoto, e ki runga i te au mea ravarai i angaia ki te kiri ra, e tikaʼi kia tuatua e, e mea mā, e e mea viivii.
Currently Selected:
Levitiku 13: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
