Genese 44
44
PENE XLIV - 44
Ta Iosepha ravenga i te pupuru anga i te ai tuakana nona ra; kua tāpuiā Beniamina, kare ra i tika ia Iuda kia noo aia.
1KUA akaue akera aia i te akaaere o tona are, na ko akera, Ka akaki ana i te au pute a te au tangata nei ki te kai, e kia teimaa ratou, ka tuku ei i te moni ki roto i te vaa pute, tanao, tanao; 2E tuku oki i te kapu noku nei, i te kapu ario nei, ki roto i te vaa pute a te tamaiti openga ra, e tana katoa ra moni oko sitona. E kua pera oki aia i ta Iosepha i tuatua maira.
3E ao akera, tukuia atura taua au tangata ra, ko ratou, e ta ratou au asini. 4E kia riro ratou ki vao i taua oire ra, kare ra i mamao rava, kua tuatua akerā Iosepha ki taua akaaere o tona are ra, Ka tu, ka aru i taua au tangata nei; e rokoia atu ratou e koe ra, e karanga atu koe kia ratou, Eaa kotou i tutaki mai ei i te meitaki ki te kino? 5Kare ainei i te kapu i inumia e toku pu ra, e te mea i kimi ei aia ra? E ravenga kino ta kotou i rave ra.
6E rokoia atura ratou e ia, kua karanga atura aia i taua tuatua nei kia ratou. 7Kua tuatua maira ra ratou kiaia, E to matou rangatira, eaa i pera mai ei i te tuatua anga? Auraka rava oki toou au tavini nei kia pera: 8#Gene 43:21I na, te moni, i kitea e matou i roto i te au vaa pute a matou nei, ta matou ïa i akaoki maira kia koe na, mei te enua maira mei Kanaana: eaa oki matou kia keia i te ario e te auro i te ngutuare o toou na pu? 9Kia kitea te kapu tei tetai o to au tavini nei, #Gene 31:32kia mate roa aia, e kia akariroia matou nei ei tuikaa naau, e to matou rangatira. 10Kua karanga atura aia, Kua tika roaia, kia pera ta kotou e tuatua mai na: tei iaia taua kapu nei i te kitea anga atu, ei tavini aia noku; kareka kotou na, kare ïa a kotou e ara. 11Kua tuku rapurapu iora ratou ravarai i ta ratou au pute ki raro i te one i reira ra; kua tatara oki taua au pute ra, tanao, tanao. 12Kua kimi aere iora aia, na te pute a te tama mua ra, e tae ua atura ki ta te openga ra: kitea iora taua kapu ra, tei roto i te pute a Beniamina ra. 13Kua #Gene 37:29,34; Nume 14:6; 2 Samu 1:11aae iora ratou i to ratou kakau, akauta akera ratou ravarai i te au apainga ki rungao i ta ratou au asini, oki anake maira ki te oire.
14Kua aere mairā Iuda, e tona ai taeake ra ki te ngutuare o Iosepha ra; tei reira rai oki aia: #Gene 37:7kua tipapa iora ratou ki raro i te one ki mua i tona aroaro. 15Kua karanga aturā Iosepha kia ratou, Eaa teia ravenga ta kotou i rave io na? kare kotou i kite e, e riro te tangata mei iaku nei i te kimi? 16Kua tuatua mairā Iuda, E taku pu e, eaa ta matou kia karanga atu kia koe? e akapeea oki matou kia tuatua? eaa e mataraʼi ia matou kia tuatua? kua kitea te ara a toou au tavini nei e te Atua: i #Gene 44:9na, kua riro matou ei tavini noou, e taku pu; matou, ma ia katoa tei kitea taua kapu nei iaia ra. 17Kua karanga atura aia, #Mase 17:15Auraka roa au kia akapera: ko te tangata ra, tei iaia taua kapu nei, i te kitea anga, ko toku ïa tavini; kareka kotou, e aere ua atu kotou ki to kotou na metua ma te au.
18Kua akavaitata mairā Iuda kiaia, e kua tuatua maira, E taku pu e, e tuku mai koe i to tavini i tenana, kia tuatua i tetai manga tuatua ki roto i nga taringa oou, e taku pu e, e auraka #Gene 18:30,32; Exo 32:22to riri kia tupu maata roa i to tavini nei: mei ia Pharao katoa oki koe na. 19Kua ui mai oki koe, e taku pu, ki toou au tavini nei, i na ko mai koe e, E metua tane aina to kotou, e e teina ainei? 20Kua karanga atura oki matou kia koe, e taku pu, E metua tane to matou, e tangata ruaine, e e tamaiti oki tana #Gene 37:3no tona ruaine anga ra ïa, e mea openga, e kua mate tona tuakana, e koia anake tei toe i to raua metua vaine, e e akaperepere oki aia no tona metua tane. 21E kua tuatua mai koe ki toou au tavini nei, #Gene 42:15,20Ka arataki mai iaia ki raro kiaku nei, kia kite atu toku mata iaia. 22E kua karanga atura matou kia koe, e taku pu e, Kare taua tamaiti ra e tika kia vaio i tona metua tane: me akaruke aia i tona metua tane ra, ka mate roa ïa tona metua tane. 23E kua tuatua mai koe ki toou au tavini nei, #Gene 43:3,5Kia kore to kotou teina openga e tae katoa mai, kare kotou e kite akaou mai i toku mata. 24E tae atura matou ki toou tavini ra ki taku metua, kua akakite atura matou kiaia i te tuatua naau, e taku pu e. 25E kua tuatua maira to #Gene 43:2matou metua, E aere rai kotou, e oko rai i tetai manga kai na tatou. 26Kua karanga atura ra matou, Kare e tika ia matou kia aere ki raro: kia aere katoa matou e to matou teina openga, ka aere ïa matou ki raro: kia kore oki e aere katoa to matou teina openga ra, kare matou e kite i te mata o taua tangata ra. 27Kua tuatua maira toou tavini ra, ko taku metua, kia matou, Kua kite kotou e toko #Gene 46:19rua roa aku tamariki i taku ra vaine: 28E kua aere ke atura oki tetai, e kua karanga au e, #Gene 37:33Kua etieti roaia ïa; e kare rai au i kite iaia, e teia noaʼi: 29E kia #Gene 42:36,38arataki katoa atu oki kotou i teia, e kia rokoia iora aia e te kino, e tae roa toku mimiti inaina ki te vaarua ma te aue, ia kotou. 30E teianei, kia tae ra au ki toou tavini ra ki taku metua, e kare ra taua tamaiti nei; tei reira oki #1 Samu 18:1tona ora te vairanga, tei te ora o taua tamaiti nei; 31Kia akara mairai aia e, kare ra taua tamaiti nei, ka riro ïa aia i te mate; tae rava atura te mimiti inaina o toou tavini ra, o to matou nei metua, ki te vaarua, ma te aue, i toou au tavini nei i reira. 32Kua riro oki toou tavini nei ei tutaki i taua tamaiti nei ki taku metua, kua karanga atura e, #Gene 43:9Kia kore au e akaoki mai iaia kia koe na, ei runga iaku te ara a taku metua vai ei e tuatau ua atu. 33E teianei, teia taku tuatua kia koe, #Exo 32:32ko to tavini nei te ka noo ei tavini noou, e taku pu e, ei tutaki ake i taua tamaiti nei, e tuku atu koe i te tamaiti nei, kia aere ua ana ki runga ma tona ai tuakana: 34Eaa oki au e tikaʼi kia aere ki taku metua ra, kia kore e tae katoa te tamaiti nei? ko te kite pu aea au i taku metua i te rokoia anga mai e te kino ra.
Currently Selected:
Genese 44: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
Genese 44
44
PENE XLIV - 44
Ta Iosepha ravenga i te pupuru anga i te ai tuakana nona ra; kua tāpuiā Beniamina, kare ra i tika ia Iuda kia noo aia.
1KUA akaue akera aia i te akaaere o tona are, na ko akera, Ka akaki ana i te au pute a te au tangata nei ki te kai, e kia teimaa ratou, ka tuku ei i te moni ki roto i te vaa pute, tanao, tanao; 2E tuku oki i te kapu noku nei, i te kapu ario nei, ki roto i te vaa pute a te tamaiti openga ra, e tana katoa ra moni oko sitona. E kua pera oki aia i ta Iosepha i tuatua maira.
3E ao akera, tukuia atura taua au tangata ra, ko ratou, e ta ratou au asini. 4E kia riro ratou ki vao i taua oire ra, kare ra i mamao rava, kua tuatua akerā Iosepha ki taua akaaere o tona are ra, Ka tu, ka aru i taua au tangata nei; e rokoia atu ratou e koe ra, e karanga atu koe kia ratou, Eaa kotou i tutaki mai ei i te meitaki ki te kino? 5Kare ainei i te kapu i inumia e toku pu ra, e te mea i kimi ei aia ra? E ravenga kino ta kotou i rave ra.
6E rokoia atura ratou e ia, kua karanga atura aia i taua tuatua nei kia ratou. 7Kua tuatua maira ra ratou kiaia, E to matou rangatira, eaa i pera mai ei i te tuatua anga? Auraka rava oki toou au tavini nei kia pera: 8#Gene 43:21I na, te moni, i kitea e matou i roto i te au vaa pute a matou nei, ta matou ïa i akaoki maira kia koe na, mei te enua maira mei Kanaana: eaa oki matou kia keia i te ario e te auro i te ngutuare o toou na pu? 9Kia kitea te kapu tei tetai o to au tavini nei, #Gene 31:32kia mate roa aia, e kia akariroia matou nei ei tuikaa naau, e to matou rangatira. 10Kua karanga atura aia, Kua tika roaia, kia pera ta kotou e tuatua mai na: tei iaia taua kapu nei i te kitea anga atu, ei tavini aia noku; kareka kotou na, kare ïa a kotou e ara. 11Kua tuku rapurapu iora ratou ravarai i ta ratou au pute ki raro i te one i reira ra; kua tatara oki taua au pute ra, tanao, tanao. 12Kua kimi aere iora aia, na te pute a te tama mua ra, e tae ua atura ki ta te openga ra: kitea iora taua kapu ra, tei roto i te pute a Beniamina ra. 13Kua #Gene 37:29,34; Nume 14:6; 2 Samu 1:11aae iora ratou i to ratou kakau, akauta akera ratou ravarai i te au apainga ki rungao i ta ratou au asini, oki anake maira ki te oire.
14Kua aere mairā Iuda, e tona ai taeake ra ki te ngutuare o Iosepha ra; tei reira rai oki aia: #Gene 37:7kua tipapa iora ratou ki raro i te one ki mua i tona aroaro. 15Kua karanga aturā Iosepha kia ratou, Eaa teia ravenga ta kotou i rave io na? kare kotou i kite e, e riro te tangata mei iaku nei i te kimi? 16Kua tuatua mairā Iuda, E taku pu e, eaa ta matou kia karanga atu kia koe? e akapeea oki matou kia tuatua? eaa e mataraʼi ia matou kia tuatua? kua kitea te ara a toou au tavini nei e te Atua: i #Gene 44:9na, kua riro matou ei tavini noou, e taku pu; matou, ma ia katoa tei kitea taua kapu nei iaia ra. 17Kua karanga atura aia, #Mase 17:15Auraka roa au kia akapera: ko te tangata ra, tei iaia taua kapu nei, i te kitea anga, ko toku ïa tavini; kareka kotou, e aere ua atu kotou ki to kotou na metua ma te au.
18Kua akavaitata mairā Iuda kiaia, e kua tuatua maira, E taku pu e, e tuku mai koe i to tavini i tenana, kia tuatua i tetai manga tuatua ki roto i nga taringa oou, e taku pu e, e auraka #Gene 18:30,32; Exo 32:22to riri kia tupu maata roa i to tavini nei: mei ia Pharao katoa oki koe na. 19Kua ui mai oki koe, e taku pu, ki toou au tavini nei, i na ko mai koe e, E metua tane aina to kotou, e e teina ainei? 20Kua karanga atura oki matou kia koe, e taku pu, E metua tane to matou, e tangata ruaine, e e tamaiti oki tana #Gene 37:3no tona ruaine anga ra ïa, e mea openga, e kua mate tona tuakana, e koia anake tei toe i to raua metua vaine, e e akaperepere oki aia no tona metua tane. 21E kua tuatua mai koe ki toou au tavini nei, #Gene 42:15,20Ka arataki mai iaia ki raro kiaku nei, kia kite atu toku mata iaia. 22E kua karanga atura matou kia koe, e taku pu e, Kare taua tamaiti ra e tika kia vaio i tona metua tane: me akaruke aia i tona metua tane ra, ka mate roa ïa tona metua tane. 23E kua tuatua mai koe ki toou au tavini nei, #Gene 43:3,5Kia kore to kotou teina openga e tae katoa mai, kare kotou e kite akaou mai i toku mata. 24E tae atura matou ki toou tavini ra ki taku metua, kua akakite atura matou kiaia i te tuatua naau, e taku pu e. 25E kua tuatua maira to #Gene 43:2matou metua, E aere rai kotou, e oko rai i tetai manga kai na tatou. 26Kua karanga atura ra matou, Kare e tika ia matou kia aere ki raro: kia aere katoa matou e to matou teina openga, ka aere ïa matou ki raro: kia kore oki e aere katoa to matou teina openga ra, kare matou e kite i te mata o taua tangata ra. 27Kua tuatua maira toou tavini ra, ko taku metua, kia matou, Kua kite kotou e toko #Gene 46:19rua roa aku tamariki i taku ra vaine: 28E kua aere ke atura oki tetai, e kua karanga au e, #Gene 37:33Kua etieti roaia ïa; e kare rai au i kite iaia, e teia noaʼi: 29E kia #Gene 42:36,38arataki katoa atu oki kotou i teia, e kia rokoia iora aia e te kino, e tae roa toku mimiti inaina ki te vaarua ma te aue, ia kotou. 30E teianei, kia tae ra au ki toou tavini ra ki taku metua, e kare ra taua tamaiti nei; tei reira oki #1 Samu 18:1tona ora te vairanga, tei te ora o taua tamaiti nei; 31Kia akara mairai aia e, kare ra taua tamaiti nei, ka riro ïa aia i te mate; tae rava atura te mimiti inaina o toou tavini ra, o to matou nei metua, ki te vaarua, ma te aue, i toou au tavini nei i reira. 32Kua riro oki toou tavini nei ei tutaki i taua tamaiti nei ki taku metua, kua karanga atura e, #Gene 43:9Kia kore au e akaoki mai iaia kia koe na, ei runga iaku te ara a taku metua vai ei e tuatau ua atu. 33E teianei, teia taku tuatua kia koe, #Exo 32:32ko to tavini nei te ka noo ei tavini noou, e taku pu e, ei tutaki ake i taua tamaiti nei, e tuku atu koe i te tamaiti nei, kia aere ua ana ki runga ma tona ai tuakana: 34Eaa oki au e tikaʼi kia aere ki taku metua ra, kia kore e tae katoa te tamaiti nei? ko te kite pu aea au i taku metua i te rokoia anga mai e te kino ra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.