Koheleta 2
2
PENE 2
Ta te tangata nei kimi anga i te meitaki, e mea openga kore ïa.
1Kua #Luka 12:19karanga iora au ki toku uaorai ngakau, Aere mai, e timata ana i te rekareka, e kimi oki i te navenave: #Isa 50:11e i na, e puapinga kore katoa te reira. 2#Mase 14:13; Kohe 7:6Kua karanga atura au ki te kata, Kua nenevaia koe: e te rekareka, Eaa ïa puapinga?
3 #
Kohe 1:17
Kua ui au ki toku uaorai ngakau e, ei runga au i te wina, te aratakiia ra toku ngakau e te pakari; e ei te kanga au, kia kite oki au i taua meitaki ra, e angaanga uaʼi te tamariki a te tangata nei i raro ake i teianei rangi, e ope rava ake to ratou puke rā i te ora anga nei. 4Kua rave au i te au angaanga nunui; kua akatu au i tetai aronga are; kua tanu au i te kainga vine: 5Kua rave au i te kainga manea noku, e te ngai vaorakau, e kua tanu i te au rakau kai e manganui te tu ki roto; 6Kua ko oki au i etai vaarua no te vai, ei tamauu i te au rakau tupu ou i tanumia ra: 7Kua rauka iaku te tavini tane e te tavini vaine, e e tavini rai toku i anau ki roto i toku ra are; e manganui taku anana puakatoro e te mamoe, e iti ta te au tangata katoa i noo i Ierusalema i mua iaku nei: 8#1 Ari 9:28; 10:10,14,21 e te au irava i muri ake.Kua akaputuputu oki au i te ario e te auro, e te au apinga manea na te ui ariki, e no te au enua; kua tiki oki au i te tane imene e te vaine imene, e i tei inangaroia e te tamariki a te tangata ra, te vaine oki e manganui ua atu. 9Riro #Kohe 1:16atura au ei tangata maata, e te apinga maata taku i te aronga katoa i noo i Ierusalema i mua iaku ra; e te vai nei oki taua pakari noku ra iaku nei. 10E ko tei inangaroia e toku mata ra, kare ïa i tāpuia e au; kare au i akangere i taku ngakau i te au mea katoa e rekarekaʼi ra; kua rekareka oki taku ngakau i te au mea katoa i raveia e au ra: #Kohe 3:22; 5:18; 9:9oti ra ua taku i rauka ko te reira i taua au angaanga katoa naku ra. 11Kia maara ra au i taua angaanga i raveia e taku rima ra, e te au angaanga katoa i raveia e au ra, i na, #Kohe 1:3,14e mea puapinga kore anake, e te kai i te matangi, kare rava oki e puapinga i raro ake i te rā nei.
12Kua ariu akera au e akamaara i te pakari, #Kohe 1:17; 7:25e te neneva, e te auouo; e ariki tei na mua ra, eaa ta te tangata nei e rauka tei na muri, mari ra ko tei raveia e ia ra? 13E kite akera au e te tu ke ra te pakari i te neneva, mei te mārama e tu ke i te poiri nei. 14#Mase 17:24; Kohe 8:1Ko te tangata pakari ra, tei te mimiti tona mata; te aaere ua ra te neneva na roto i te poiri: kua kite rai oki au e, #Sala 49:10; Kohe 9:2,3,11okotai rai openga to te tangata katoa ra.
15Kua na ko iora au i roto i toku ngakau: okotai rai tu openga to te neneva e toku uaorai, eaa iora te puapinga o toku nei pakari? te karanga ra au i roto i taku ngakau, E puapinga kore katoa to te reira. 16Kare oki e tamou tikaia te manako anga, to te tangata pakari e te neneva; e ope rava oki te au mea e vai nei i te akangaropoinaia i te au rā a muri nei; e peea to te tangata pakari nei matenga? mei to te neneva katoa ra. 17Mainaina atura au i teianei ora anga: no te mea te kinokino nei au i te angaanga i raveia e au i raro ake i teianei rā; e mea puapinga kore anake rai e te kai i te matangi.
18Mainaina roa akera au i taku ra au angaanga i angaangaia e au i raro ake i teianei rā; #Sala 49:10no te mea teia au ka vaio i taua au mea ra na te tangata e na muri mai iaku nei; 19E koia oki tei kite iaia e e tangata pakari, e e neneva? e riro ra aia ei pu i taku katoa nei angaanga i rave pakariia e au i raro ake i teianei rā. E mea puapinga kore katoa to te reira. 20Kua maara iora au e akaruke i te manako i te au angaanga katoa i raveia ra, taku i rave i raro ake i te rā nei. 21Te angaanga ra oki tetai ma te pakari, e te kite, e te karape; ko tetai ra ko tei kore i tauta i te rave, tana ïa i vaio ei tuanga nana. E mea puapinga kore katoa te reira, e te kino maata. 22#Kohe 1:3; 3:9Eaa iora ta te tangata i tana katoa ra au angaanga, e te manamanata o tona ra ngakau, i rave uaʼi aia i te angaanga i raro ake i te rā nei? 23E #Iobu 5:7; 14:1aue anake tei tona katoa ra au rā, e te mamae i tana ra au angaanga, e te po katoa ra kare tona ngakau e meitaki i te moe. E mea puapinga kore katoa tei te reira.
24 #
Kohe 3:12,13,22; 5:18; 8:15 Kare ainei e meitaki no te tangata nei kia kaikai, e kia inu, e kia kite tona ngakau i te meitaki i tana ra angaanga? E te kite nei oki au e na te rima ïa o te Atua i oronga mai. 25Koia oki te tangata e tikaʼi kia kai, e kia rave i tona inangaro, mari ra ko au nei? 26Ko te tangata oki i meitaki ki mua i tona aroaro, te oronga ra te Atua i te pakari, e te kite, e te rekareka: i te rave ara ra, kua akono aia i te angaanga ra, i te akaputuputu, vaoo kia ututua ua, #Iobu 27:16,17; Mase 28:8kia apai atu aia na taua tangata i meitaki ki mua i te Atua. E mea puapinga kore katoa te reira e te kai ua i te matangi.
Currently Selected:
Koheleta 2: CIMB
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
