Angaanga 17

PENE XVII - 17

To Paulo aerenga i Tesalonia, e Berea, e te aerenga oki i Atene: tana tuatua i roto i te Areopago: kua akarongo a Dionusio, e Damari, e tetai aronga ke.

1AERE atura raua na Amephipoli e Apolonia, e tae atura raua ki Tesalonia, e sunago te reira no te ngati Iuda: 2#Luka 4:16; 9:20; 13:5,14; 14:1; 16:13; 19:8Kua tomo aturā Paulo ki roto kia ratou, ko tana ïa peu, ka toru akera sabati, i te māro anga atu kia ratou i te tuatua i tataia ra; 3I te akamaoraora anga i taua tuatua ra, e te akakite pu anga atu e, #Luka 24:26,46; Anga 18:28; Gala 3:1e mate rai te Mesia, e e tu akaou mei te mate maira, e tikaʼi; e teia oki te Mesia, ko Iesu nei rai taku e akakite atu kia kotou na. 4#Anga 28:24Kua akarongo maira tetai papaki, e kua kapiti katoa maira kia Paulo raua ko #Anga 15:22,27,32,40Sila; e to te Eleni akamori e manganui ua atu, e te au vaine taoiau kare e tokoiti.

5Kareka te ngati Iuda akarongo kore, ki akera ïa i te vareae, kua akaputuputu maira ratou i te tangata kikino kanga ra, e uipa akera, kua akakeu iora i taua oire ra, tapini atura i te are o #Roma 16:21Iasona, umuumu atura ia raua e taki mai ki vao ki te ngai tangata. 6E kare akera raua i kitea, kua kika maira ratou ia Iasona ma e tokotai puke taeake oki ki te aronga akava i taua oire ra, kapiki atura, #Anga 16:20Ko te au tangata taruri ke teia i te pa enua ravarai e teia mai nei rai oki; 7E i ooia mai raua e Iasona; e kare anake e tau ta ratou tuatua i ta Kaisara ra, #Luka 23:2; Ioa 19:12; 1 Pete 2:13i te na ko anga e, Te vai ke atura tetai ariki, ko Iesu. 8Tumatetenga atura te tangata e te aronga akava o taua oire ra ia ratou, i te akarongo anga i taua tuatua ra. 9E papa iora ratou ia Iasona ma, kua tuku atura ratou ia ratou.

10 # Anga 9:25; 17:14 Kua tuku atura te au taeake ia Paulo raua ko Sila i reira ki Berea i te po: e tae atura raua ki reira, kua tomo atura ki roto i te sunago o te ngati Iuda. 11E maata rava to ratou meitaki i to Tesalonia, kua āriki ua oki ratou i te tuatua ma te ngakau maora, #Isa 34:16; Luka 16:29; Ioa 5:39e te kimi anga i te tuatua i tataia ra, i te tau anga oki i taua tuatua ra, kare e rā i tukua. 12E aronga maata maira to ratou i akarongo; e te au vaine Eleni taoiau ra, ma te tane katoa, kare e tokoiti. 13Kite akera ra te ngati Iuda i Tesalonia ra e, te tuatuaia ra e Paulo te tuatua a te Atua i Berea, kua aere katoa maira ratou ki reira kua taoriori iora i te tangata. 14#Mata 10:23Kua tuku atura te au taeake ia Paulo i reira, kia aere tika atu aia ki tai; karekā Sila raua ko Timoteo, noo iora i reira. 15E te aronga i arataki ia Paulo, kave atura ratou iaia ki Atene; #Anga 18:5poroakiia maira ratou ia Sila raua ko Timoteo e aere viviki mai kiaia, riro mai nei ratou.

16 # 17:16 Te Mataiti o te Mesia 54. To Paulo ra oki tapapa anga mai ia raua i Atene, #2 Pete 2:8tangi rava atura tona vaerua i roto iaia uaorai, i te akara anga atua aia i taua oire ra kua ki rava i te au idolo. 17Kua māro atura aia ki te ngati Iuda i roto i te sunago ra, e te aronga akamori Atua, i reira, e i tana oki i aravei atu i te okoanga ra, kare e rā i vata. 18Kua taumāro maira kiaia ko e tokotai puke tangata pakari Epikuro, e te Setoiko. Kua na ko akera oki e tokotai, E akapeea maira teianei tangata tuatua tarevakaua kia tuatua mai? kua na ko akera tetai pae, E mea tu demoni ke tana e tuatua aere nei; no te mea i akakite atu aia kia ratou ia Iesu, e te tuakaouanga. 19Kua opu akera ratou iaia, arataki atura ki te #17:19 Tuaivi o Are, atua tamaki na te Eleni.Areopago, kua na ko maira, Ka akakite mai ana kia matou i tenana tuatua ou, taau e apii na. 20E tuatua tu ke oki taau e apai mai ki to matou nei taringa; te inangaro nei matou kia kite i taua au tuatua na i te tu. 21Kare rai oki a to Atene ravarai e te tangata ke e noo ki o ratou ra angaanga ke, mari ra ko te akakite e te akarongo atu i te tuatua rikiriki ou.

22Kua tu akerā Paulo ki runga i rotopu i te Areopago, na ko atura, E te au tangata Atene nei, e maata ua to kotou mātau i te akamori i te demoni, kua kite io nei au. 23Iaku oki i aaere ua io nei e te tutaka ua anga atu i ta kotou e akamori nei, kite atura au i tetai atarau e te tuatua i tataia ki rungao, NA TE ATUA KITEA KORE. Ko ta kotou oki e akamori ua nei ma te kite kore iaia, koia taku e akakite atu kia kotou nei. 24#Anga 14:15Ko te Atua i anga i teianei ao, e te apinga tini ravarai i roto, #Mata 11:25te Atu o te rangi ma te enua nei, #Anga 7:48kare ïa i noo i roto i te nao i angaia e te rima tangata nei; 25Kare ana puapinga i rauka i te rima tangata #Sala 50:8mei te mea e, i toe tetai mea ngiti iaia, #Gene 2:7; Nume 16:22; Iobu 12:10; 27:3; 33:4; Isa 42:5; 57:16; Zeka 12:1koia uaorai oki tei oronga mai i te ora, e te aʼo, e te au mea katoa, ki te au mea ravarai; 26E nana i anga i te tangata i te pa enua katoa nei i te toto okotai ra, ei noo i te pa enua katoatoa nei, e kua akono i te tuatau i akono takereia atu, #Deu 32:8e te kotinga o to ratou kainga; 27#Roma 1:20Kia kimi ratou i te Atu, peneiake ko te aa atu ratou iaia, e kitea atu, #Anga 14:17kare ra aia i atea ke atu ia tatou katoa nei; 28#Kolo 1:17; Ebe 1:3Nona oki to tatou ora, e i aaere ei, e i noo ei oki; #Tito 1:12mei ta e tokotai puke atu peʼe no kotou i tuatua maira e, “E tamariki katoa tatou nana.” 29E teianei, e tamariki tatou na te Atua ra, #Isa 40:18kare e tika kia manako tatou e, e aite te Atua i te auro, e te ario, e te toka, i taraiia e te karape e te kimi anga o te tangata nei. 30#Anga 14:16; Roma 3:25Kare atura te Atua i akono i taua au tuatau kite kore ra; #Luka 24:47; Tito 2:11,12; 1 Pete 1:14; 4:3e teianei ra, te akaue mai nei aia i te tangata ravarai e tataraara, auraka ei ngati toe: 31No te mea kua akonoia e ia te ra #Anga 10:42; Roma 2:16; 14:10e akava mai ei aia i to te ao katoa nei ma te tuatua-tika, na te tangata i akonoia e ia ra; ko tana i akakite ua mai ki te tangata katoatoa nei, #Anga 2:24koia i akatu akaou mai iaia mei te mate maira.

32Kite akera ra ratou i te tuatua i te tuakaouanga i tei mate ra, kua taitoito maira tetai pae; na ko maira oki tetai pae, E akarongo akaou atu matou ia koe i tenana tuatua. 33Aere aturā Paulo mei rotopu atu ia ratou. 34Kua akarongo maira tetai pae tangata, e kua kapiti maira kiaia; ko Dionusio no te Areopago tetai, e tetai vaine ko Damari te ingoa, ma e tokotai puke tangata uaorai oki.

Currently Selected:

Angaanga 17: CIMB

Highlight

Copy