Malakiya 4
TSO89
4
1“Vonani, siku leri pfurhaka kukota langavi ra ta:
Lava tikurisaka ni lavo homboloka, va ta hisiwa ku fana ni byanyi.
Esikwini rero va ta tshwa, ku nga ha sali na un'we wa mhamba!
Ndzi vula sweswo, mina HOSI ya matimba hinkwawo.
2Kambe n'wina lava chavaka vito ra mina,
ndzi ta mi komba ntamu wa mina wa ku ponisa;
Wu ta fana ni dyambu leri miseve ya rona yi horisaka mavabyi.
Mi ta ntshunxiwa mi tlalamba kukota marhole loko ma huma etshangeni.
3Mina HOSI ya matimba hinkwawo ndzi ri:
Siku leri ndzi nga ta avanyisa misava,
lavo homboloka mi ta va kandziyela
ku fana ni loko mi kandziyela nkuma.”
Ta ku vuya ka Eliya
4“Anakanyani leswi nandza wa mina Muxe a mi dyondziseke swona;
entshaveni ya Horebe, ndzi n'wi nyikile milawu ni swiletelo,
leswaku a mi tivisa swona
n'wina Vaisraele hinkwenu.
5 # Mt. 11:14; 17:10-13; Mk. 9:11-13; Lk. 1:17; Yoh. 1:21 “Vonani, ndzi ta mi rhumela muprofeta Eliya,
loko siku ra mina lerikulu ro chavisa ri nga si fika.
6Kutani yena ú ta endla leswaku vatswari va vuyelelana ni vana va vona,
hikuva loko swi nga ri tano, ndzi ta ta ndzi ta herisa tiko ra n'wina hinkwaro.”

Brought to you with the compliments of the

Bible Society of South Africa. © Bible Society of South Africa. Used with Permission. All rights reserved.

Support us and become a sower of hope.

Learn More About BIBELE Mahungu Lamanene