Zabbu̱li̱ 57
57
Hali mu̱handu̱ wa bahi̱i̱mi̱. Gi̱hi̱i̱mwe mwiraka lya, “Otahwerekereerya.” Zabbu̱li̱ gya Dau̱di̱. B̯u̱yeezi̱bi̱ri̱i̱ri̱ Sau̱lo na mu b̯wingira.
1Ai̱ Ruhanga ngiira kisa, ngiira kisa,
kubba muli we hooho b̯womi wange b̯webi̱si̱ra,
mu̱tu̱ntu̱lu̱ gwa bimpaha byamu gwogwo gukundinda,
ku̱doosya kumalika kwa ki̱heb̯u̱ kya kuhwerekeera.
2Nsaba Ruhanga, Waahakyendi̱ Hoi̱,
Ruhanga yogwo adoosereerya byabba antegekeeri̱.
3Asi̱ri̱mu̱ka kuruga mwiguru kandi nanjuna,
ali̱kwati̱sya nsoni̱ yogwo akunyeb̯ugira.
Ruhanga ali̱si̱ndi̱ka ngonzi zaamwe zinene na mananu gaamwe!
4Ndi hakati̱ mu ntali,
ndeeri̱ hakati̱ wa misege,
badulu bali na meino gakwisana nka masumu na mbasi,
banyab̯ulimi b̯wab̯u b̯uli nka mpirima gyobi.
5Ai̱ Ruhanga, ohaariizwe hakyendi̱ weiguru!
Leka ki̱ti̱i̱ni̱sa kyamu kibbe mu nsi gyensei̱.
6Bantegi̱ri̱ mutegu kunkwata,
mutima gwange gwehi̱nya,
muhanda gwange bali̱mi̱ri̱mwo b̯u̱hya,
bei̱tu̱ bab̯u̱gwi̱ri̱mwo bankei.
7Ai̱ Ruhanga, mutima gwange guli gu̱si̱gi̱ku̱ kandi tiguhinduhinduka!
Nku̱hi̱i̱ma byembu birungi bya kukuhaariiza!
8Si̱si̱mu̱ka, ki̱ti̱i̱ni̱sa kyange!
Ai̱ ki̱dongo na ndi̱ngi̱di̱ mu̱byoke,
nku̱si̱si̱mu̱ka na mambya.
9Ai̱ Mukama, nku̱ku̱si̱i̱ma mu bantu,
nku̱ku̱hi̱i̱mi̱ra kukuhaariiza mu mahanga,
10kubba ngonzi zaamu zinene kukiraho neiguru,
b̯wesigwa b̯wamu b̯udwa mpaka mu bikaka.
11Ai̱ Ruhanga ohaariizwe hakyendi̱ weiguru!
Leka ki̱ti̱i̱ni̱sa kyamu kibbe mu nsi gyensei̱.
Currently Selected:
Zabbu̱li̱ 57: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
Zabbu̱li̱ 57
57
Hali mu̱handu̱ wa bahi̱i̱mi̱. Gi̱hi̱i̱mwe mwiraka lya, “Otahwerekereerya.” Zabbu̱li̱ gya Dau̱di̱. B̯u̱yeezi̱bi̱ri̱i̱ri̱ Sau̱lo na mu b̯wingira.
1Ai̱ Ruhanga ngiira kisa, ngiira kisa,
kubba muli we hooho b̯womi wange b̯webi̱si̱ra,
mu̱tu̱ntu̱lu̱ gwa bimpaha byamu gwogwo gukundinda,
ku̱doosya kumalika kwa ki̱heb̯u̱ kya kuhwerekeera.
2Nsaba Ruhanga, Waahakyendi̱ Hoi̱,
Ruhanga yogwo adoosereerya byabba antegekeeri̱.
3Asi̱ri̱mu̱ka kuruga mwiguru kandi nanjuna,
ali̱kwati̱sya nsoni̱ yogwo akunyeb̯ugira.
Ruhanga ali̱si̱ndi̱ka ngonzi zaamwe zinene na mananu gaamwe!
4Ndi hakati̱ mu ntali,
ndeeri̱ hakati̱ wa misege,
badulu bali na meino gakwisana nka masumu na mbasi,
banyab̯ulimi b̯wab̯u b̯uli nka mpirima gyobi.
5Ai̱ Ruhanga, ohaariizwe hakyendi̱ weiguru!
Leka ki̱ti̱i̱ni̱sa kyamu kibbe mu nsi gyensei̱.
6Bantegi̱ri̱ mutegu kunkwata,
mutima gwange gwehi̱nya,
muhanda gwange bali̱mi̱ri̱mwo b̯u̱hya,
bei̱tu̱ bab̯u̱gwi̱ri̱mwo bankei.
7Ai̱ Ruhanga, mutima gwange guli gu̱si̱gi̱ku̱ kandi tiguhinduhinduka!
Nku̱hi̱i̱ma byembu birungi bya kukuhaariiza!
8Si̱si̱mu̱ka, ki̱ti̱i̱ni̱sa kyange!
Ai̱ ki̱dongo na ndi̱ngi̱di̱ mu̱byoke,
nku̱si̱si̱mu̱ka na mambya.
9Ai̱ Mukama, nku̱ku̱si̱i̱ma mu bantu,
nku̱ku̱hi̱i̱mi̱ra kukuhaariiza mu mahanga,
10kubba ngonzi zaamu zinene kukiraho neiguru,
b̯wesigwa b̯wamu b̯udwa mpaka mu bikaka.
11Ai̱ Ruhanga ohaariizwe hakyendi̱ weiguru!
Leka ki̱ti̱i̱ni̱sa kyamu kibbe mu nsi gyensei̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.