Zabbu̱li̱ 55
55
Hali mu̱handu̱ wa bahi̱i̱mi̱. Ni̱bakoresya kikwatu kya mahu̱u̱zi̱. Masikili#55:0 Masikili kisobora ku̱manyi̱sya kyembu rundi kigambu kikora mu kwebembera kusaba. gya Dau̱di̱.
1Ai̱ Ruhanga, weegwa kusaba kwange,
kandi otanyebi̱si̱i̱ra ninkukusaba kisa!
2Nzegwa, kandi onzi̱remwo,
b̯ujune b̯wange b̯u̱nki̱i̱ri̱, mpu̱mwi̱ri̱ kwahi kandi nkulira,
3hab̯wa rugambu lwa banyanzigwa,
na ku̱wonawonesya kwa babiibi.
Kubba bandeteeri̱ kuwonawona,
kandi mu ki̱ni̱ga batara ntaru nagya.
4Mutima gwange guli na b̯ujune,
b̯u̱ti̱i̱ni̱ b̯wa lu̱ku̱u̱ b̯u̱ndoori̱ho.
5B̯u̱ti̱i̱ni̱ na kukankana bi̱nzi̱zi̱i̱ri̱,
ndimu kujegemeera.
6Kwokwo kukoba yati, “Haa! Kabbengi̱ nyaalingi na bimpaha nka kolomi̱,
nyaku̱du̱ndu̱u̱ki̱ri̱ aleke ntunge b̯uhuumuuro.
7Nyaku̱haareeri̱ ningyenda hadei,
nyaku̱gonyeere mwirungu.
8Nyakwangu̱hi̱ri̱ ku̱toolya b̯wicalu b̯urungi,
nsobore kukena bihehu binyamaani.”
9Ai̱ Mukama bazi̱kye obahu̱kani̱e b̯ulimi b̯wab̯u batakoragana,
kubba nkuwona b̯wemi̱ na kuzongoba nikuli mu rub̯uga.
10Bagyenda ni̱belogoleerya bi̱si̱i̱ka byalwo mwinsi nei̱jolo,
mu rub̯uga lu̱lwo heicalamwo b̯ubiibi na kabii.
11Hakati̱ mu rub̯uga gafooki̱ri̱ makandi,
kumigiriza na nkora za b̯u̱gobya tibiruga mu b̯utali b̯walwo.
12Kabbengi̱ baali banyanzigwa boobo nibaku̱mparaarya,
ki̱kyo nyaku̱ki̱gu̱mi̱i̱ri̱,
kabbengi̱ baali bampi̱i̱gani̱sya boobo bambyokereeri̱,
rundi nyaku̱bebi̱si̱ri̱ho.
13Bei̱tu̱ oli weewe muntu mwi̱ra wange,
munywani wange wa kulusegere.
14Yogwo gi̱twanyu̱myengi̱ nayo ki̱mwei̱,
nitukukumba hamwei̱ na bantu banene kugyenda mu nnyu̱mba gya Ruhanga.
15Leka lu̱ku̱u̱ lwi̱be b̯wi̱bi̱ banyanzigwa bange batakwega,
bagoromorwe kuzumu mu nyanga nibali boomi,
kubba bibii bi̱tu̱ngi̱ri̱ b̯uhuumuuro mu bo.
16Bei̱tu̱ gya, nsaba Ruhanga,
kandi Mukama alinjuna.
17Nsaba nintaaga,
mwakya karei, mwinsi na joojolo,
kandi yeegwambe iraka lyange.
18Ancungura ntahu̱teeri̱ na kuhutaara
kuruga mu ntaru zibba zi̱mbyokereeri̱,
nab̯uhakabbaho banene baku̱ndwani̱sya.
19Ruhanga yogwo mukama wa biro byensei̱,
Ruhanga alinzegwa kandi abab̯undaaze,
hab̯wakubba ti̱bamu̱ti̱i̱na kandi ti̱bei̱zi̱ramwo.
20Mwi̱ra wange yaaru̱mbi̱ri̱ banywanwe
yaabinya ndagaanu gye.
21Rubazu lwamwe lwalingi lu̱heheeru̱ nka maku̱ta,
bei̱tu̱ mutima gwamwe gwi̱zwi̱ri̱ b̯ulemu,
bigambu byamwe byalingi byorob̯u̱ kukira maku̱ta,
bei̱tu̱ kandi nibikusala nka nsone mpirima.
22Bizib̯u byamu obikwatyenge Mukama yooyo alikulinda,
talikiriza bamananu baamwe kutengeeta.
23Bei̱tu̱ we, ai̱ Ruhanga, waabagoromoranga hansi mu ki̱i̱na kya kuhwerekeera,
badulu batemu na bagobya, tibalihangaara kadi na kicweka kya kiro,
bei̱tu̱ gya ndikwesiga.
Currently Selected:
Zabbu̱li̱ 55: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
