Zabbu̱li̱ 4
4
Hali mu̱handu̱ wa bahi̱i̱mi̱: Bikukwata ha kyembu kilimwo ki̱dongo. Zabbu̱li̱ gya Dau̱di̱.
1Ai̱ Ruhanga wange antonganiira,
wanyeetegeryanga b̯unyakakwetanga.
Onjunenge mu b̯ujune b̯wange,
mu mbabazi̱ zaamu weegwanga kusaba kwange.
2Nywe bantu, muliicala nimumpemura kudwa di̱i̱?
Mu̱li̱doosya hanya kwicala ni̱mwendya bintu bitalimwo naakuhondera byab̯u̱gobya?
3Bei̱tu̱ mukyege nti, Mukama ba mananu abasorooramwo babbe baamwe,
Mukama anzi̱ramwona b̯umukunga.
4B̯umwakabbanga na ki̱ni̱ga, mutakoranga kibii,
mwetekerenge nimubiteekerezaho mu̱leeri̱ mu bitabbu byenyu̱.
5Mu̱henge Mukama, bihongwa birungi,
kandi mu̱mwesi̱genge.
6Banene bakoba, “Naani alituha birungi?
Ai̱ Mukama, leka kyererezi̱ kya mei̱so gaamu kitumulukire!”
7Ompeeri̱ kusemererwa kunene mu mutima,
kukukira kwa bab̯wo bereerye nganu na bahi̱i̱si̱i̱rye maaci.
8Hati̱ nu, kandaale mu b̯u̱si̱nge nyeebbake,
kubba, ai̱ Mukama, weewe wankei ompa kwicala kurungi.
Currently Selected:
Zabbu̱li̱ 4: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
