Zabbu̱li̱ 101
101
Zabbu̱li̱ gya Dau̱di̱.
1Ai̱ Mukama, nyahi̱i̱manga ha b̯winganiza na ngonzi zaamu zinene,
nyakuhaariizanga na kyembu.
2Nditaho mutima kukwata muhanda gutalimwo kabii.
Beiraba olindwereera di̱i̱?
Ndilibata na mutima gu̱syanu̱,
mu nnyu̱mba gyange.
3Tinditaho mei̱so gange,
hali kintu kyensei̱ kitalimwo mugasu,
nnoba bikorwa bya bantu bakuhaba,
tindikwatagana nabyo.
4Ba mitima mibiibi baabbanga hadei nagya,
tindibba na nkoragana gyensei̱ na kibii.
5Yensei̱ ahesa mwi̱ra na mu nsita,
ndi̱mu̱hwerekereerya.
Ti̱ndi̱gu̱mi̱ri̱si̱za yensei̱,
wa myehaariizo na bakwetembya.
6Bantu beesigwa mu nsi, ndibakwatirwa mbabazi̱,
kwokwo basobore kwicala nagya.
Yogwo alibatira mu muhanda gurungi,
akwi̱za kumpeereza.
7Tihaloho mu̱gobya aliicaara mu nnyu̱mba gyange,
tihaloho mucwa makuru alyemeera mu mei̱so gange.
8B̯uli mwakya, nyahwerekereeryanga,
babiibi bensei̱ beicala mu nsi,
mmaleho nkori̱ za bibii,
kuruga mu rub̯uga lwa Mukama
Currently Selected:
Zabbu̱li̱ 101: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
