Zabbu̱li̱ 1
1
Kitabbu Kyakubanza
(Zabbu̱li̱ 1—41)
1Kaali na mu̱gi̱sa
ateegwa kulamba kwa nkori̱ za bibii,
habbe kukwata muhanda gwa babiibi,
habbe ku̱di̱da na bagayi̱,
2bei̱tu̱ asanyurikira mu biragiro bya Mukama,
abiteekerezaho i̱jolo na mwinsi.
3Eisana musaali gusimbe heehi̱ na meezi̱,
gwana byana mu b̯u̱su̱mi̱ b̯wagwo,
bikoora byagwo tibihotoka.
Mu bintu byensei̱ byakora abba na mu̱gi̱sa.
4Bei̱tu̱ babiibi tibabba yatyo,
beisana bisusunga bitwalwa mpehu.
5Kyokyo babiibi batalyemeera kutongana musangu,
habbe kwicaara hamwei̱ na barungi,
6hab̯wakubba barungi beebembeerya Mukama,
bei̱tu̱ mihanda mya babiibi mibatwala mu ku̱zi̱ka.
Currently Selected:
Zabbu̱li̱ 1: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
