Ntandiko 46
46
Yakobbo Nagyenda Mi̱si̱ri̱
1Nahaahwo, I̱saleeri̱ yaabyokeerye lugyendu yaatwala bintu byamwe byensei̱, b̯u̱yaadoori̱ Bbeeri̱-sebba, yaahonga bihongwa bya Ruhanga wa bbaawe I̱saka.
2I̱jolo lyolyo, Ruhanga yaabazi̱ri̱ nʼI̱saleeri̱ mu kilooto naakoba yati, “Yakobbo, Yakobbo.”
Yakobbo yeetab̯u̱ki̱ri̱ naakoba yati, “Ndi haha.”
3Kasi Ruhanga yaamwi̱ramwo naakoba yati, “Gyagya Ruhanga, Ruhanga wa bbaawu gi̱yaaramyengi̱. Otati̱i̱na kugyenda Mi̱si̱ri̱, ku̱kwo hooho ndikufoora kubba ihanga likooto. 4Nkwi̱za kugyenda hamwei̱ nawe mu nsi gya Mi̱si̱ri̱, nzi̱re nkwemu̱kye. Yozefu̱ alibba nawe mu kasu̱mi̱ kaamu ka ku̱kwa.”
5Kasi mwomwo Yakobbo yaasetuka kuruga Bbeeri̱-sebba, batabani̱ baamwe baatwala bbaawaab̯u Yakobbo, baana baab̯u, na bakali̱ baab̯u, babatembya mu bigaali Faraaho bi̱yaatu̱mi̱ri̱ babatwaliremwo. 6Baatweri̱ bisolo na bintu bindi bibaali batu̱ngi̱ri̱ mu Kanani̱, mu mu̱li̱ngo gwogwo, Yakobbo na ba mu̱gi̱ gwamwe gwensei̱ baagyenda Mi̱si̱ri̱. 7Yakobbo yaagyendi̱ri̱ Mi̱si̱ri̱ na batabani̱, bahara, na beizukulu baamwe.
Baana na Beizukulu ba Yakobbo
8Gaga googo mabara ga baana na beizukulu bʼI̱saleeri̱, yooyo de yeegebeerwe nka Yakobbo, banyakugyenda mu nsi gya Mi̱si̱ri̱.
Lu̱bbeeni̱ yooyo yaali mu̱zegei̱zo wa Yakobbo.
9Batabani̱ ba Lu̱bbeeni̱ boobo baba: Hanoki̱,
Paru, Hezi̱rooni̱, Karumi.
10Baba boobo batabani̱ ba Si̱myoni̱:
Yemweri̱, Yami̱i̱ni̱, Ohaadi̱, Yaki̱i̱ni̱, Zohali̱ na Sau̱lo, munyakubyalwa mu̱kali̱ Mu̱kanani̱.
11Baba boobo batabani̱ ba Leevi̱:
Geresoni̱, Kohati̱, na Merali̱.
12Baba boobo batabani̱ ba Yu̱da:
Eeri̱, Onani̱, Seera, Pereezi̱ na Zeera, (bei̱tu̱ Eeri̱ nʼOnani̱, baakwereeri̱ mu nsi gya Kanani̱).
Baba boobo batabani̱ ba Pereezi̱:
Hezi̱rooni̱, na Hamu̱li̱.
13Baba boobo batabani̱ ba I̱saakaari̱:
Toora, Pu̱u̱va, Yobbu̱ na Si̱mi̱rooni̱.
14Baba boobo batabani̱ ba Zabbu̱looni̱:
Sereedi̱, Elooni̱, Yahaleeri̱.
15Baba boobo batabani̱ ba Leeya baayaabyeri̱ na Yakobbo mu Padanaramu. Leeya de yaabyali̱i̱ri̱ Yakobbo muhara gibakweta Di̱na. Bensei̱ baali maku̱mi̱ gasatu na basatu.
16Baba boobo batabani̱ ba Gaadi̱:
Zi̱fi̱yooni̱, Haagi̱, Su̱u̱ni̱, Ezi̱bbooni̱, Eli̱, Arodi̱, nʼAleeri̱.
17Baba boobo batabani̱ bʼAseeri̱:
I̱mu̱na, I̱su̱va, I̱si̱vi̱, hamwei̱ na Bberi̱i̱ya.
Nyaakaab̯u yaali Seera.
Baba boobo batabani̱ ba Bberi̱i̱ya:
Hebbeeri̱ na Maleki̱yeeri̱.
18Baba boobo baana na beizukulu ba Yakobbo na Zi̱ri̱pa, muheereza Labbani̱ gi̱yaaheeri̱ muhara waamwe Leeya kwicala nayo. Bensei̱ baali i̱ku̱mi̱ na mukaaga.
19Baba boobo batabani̱ ba Lakeeri̱ mukaa Yakobbo:
Yozefu̱ na Bbenyami̱i̱ni̱. 20#Ntandiko 41:50-52Kandi Yozefu̱ b̯uyaali naali Mi̱si̱ri̱, Asenaasi̱ muhara wa Poti̱feera, mu̱laami̱ mu kicweka kyʼOni̱, yaamu̱byali̱i̱ri̱ baana babiri, Manaase nʼEfu̱rayi̱mu̱.
21Baba boobo baana ba Bbenyami̱i̱ni̱:
Bbeera, Bbekeeri̱, Asu̱bbeeri̱, Geera, Namani̱, Ehi̱, Rosi̱, Mu̱pi̱i̱mu̱, Hu̱pi̱i̱mu̱ nʼAli̱di̱.
22Baba boobo baana na beizukulu ba Yakobbo na Lakeeri̱. Bensei̱ baali i̱ku̱mi̱ na banei.
23Mwana wa Daani̱ yooyo
Hu̱si̱i̱mu̱.
24Baba boobo baana ba Nafutaali:
Yahazeeli̱, Gu̱u̱ni̱, Yezeeri̱, na Si̱leemu̱.
25Baba boobo baana na beizukulu ba Yakobbo na Bbi̱li̱ha, muheereza Labbani̱ gi̱yaaheeri̱ muhara waamwe Lakeeri̱ kwicala nayo. Bensei̱ baali musanju.
26Baana bensei̱ ba Yakobbo, banyakwi̱za Mi̱si̱ri̱, otoori̱mwo bamukamwana baamwe, baadwengi̱ nkaaga na mukaaga. 27Batabani̱ ba Yozefu̱ baayaabyeri̱ naali Mi̱si̱ri̱, baalingi babiri, muhendu gwa bantu ba Yakobbo bensei̱ banyakugyenda Mi̱si̱ri̱ baali nsanju.
Yozefu̱ Nagyenda Mi̱si̱ri̱
28Yakobbo yaatu̱mi̱ri̱ Yu̱da amwebembere, asabe Yozefu̱ barombere mu Goseni̱. 29Yozefu̱ yaateekani̱i̱ze kigaali kyamwe, yaagyenda ku̱romba bbaawe Yakobbo mu Goseni̱, b̯u̱yaamu̱weeni̱, yaamugwa mu salaka, yaalira hab̯wa kei̱re.
30Yakobbo yaaweereeri̱ Yozefu̱ naakoba yati, “Hataati̱ nyetegeki̱ri̱ ku̱kwa, hab̯wakubba nyetegeri̱i̱ze nka kwocaali mwomi.”
31Yozefu̱ yaaweereeri̱ baab̯u na ba makaa ga bbaawe naakoba yati, “Nkwi̱za kugyenda mbwere Faraaho yati, ‘Beetu̱ hamwei̱ na ba mu̱gi̱ gwa bbaabba, banyakubba mu nsi gya Kanani̱, bei̱zi̱ri̱ hali gya. 32Mmu̱weere nka kumwicala bali̱i̱sya, kandi mu̱letegeeni̱ magana geenyu̱, hamwei̱ na bikwatu bya mu nnyu̱mba zeenyu̱.’ 33Faraaho b̯u̱yaakabeeta akabab̯u̱ulya naakoba yati, ‘Mukora mulimo kyani?’ 34Mu̱mwi̱remwo nimukoba yati, ‘Beiru baamu beicala bali̱i̱sya kuruga mu b̯uto b̯wab̯u na ku̱doosya hataati̱ nka babbaweetu̱ kubaali,’ aleke musobore kwicala mu gi̱gyo nsi gya Goseni̱, hab̯wakubba Banyami̱si̱ri̱ banuga bali̱i̱sya bensei̱.”
Currently Selected:
Ntandiko 46: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
Ntandiko 46
46
Yakobbo Nagyenda Mi̱si̱ri̱
1Nahaahwo, I̱saleeri̱ yaabyokeerye lugyendu yaatwala bintu byamwe byensei̱, b̯u̱yaadoori̱ Bbeeri̱-sebba, yaahonga bihongwa bya Ruhanga wa bbaawe I̱saka.
2I̱jolo lyolyo, Ruhanga yaabazi̱ri̱ nʼI̱saleeri̱ mu kilooto naakoba yati, “Yakobbo, Yakobbo.”
Yakobbo yeetab̯u̱ki̱ri̱ naakoba yati, “Ndi haha.”
3Kasi Ruhanga yaamwi̱ramwo naakoba yati, “Gyagya Ruhanga, Ruhanga wa bbaawu gi̱yaaramyengi̱. Otati̱i̱na kugyenda Mi̱si̱ri̱, ku̱kwo hooho ndikufoora kubba ihanga likooto. 4Nkwi̱za kugyenda hamwei̱ nawe mu nsi gya Mi̱si̱ri̱, nzi̱re nkwemu̱kye. Yozefu̱ alibba nawe mu kasu̱mi̱ kaamu ka ku̱kwa.”
5Kasi mwomwo Yakobbo yaasetuka kuruga Bbeeri̱-sebba, batabani̱ baamwe baatwala bbaawaab̯u Yakobbo, baana baab̯u, na bakali̱ baab̯u, babatembya mu bigaali Faraaho bi̱yaatu̱mi̱ri̱ babatwaliremwo. 6Baatweri̱ bisolo na bintu bindi bibaali batu̱ngi̱ri̱ mu Kanani̱, mu mu̱li̱ngo gwogwo, Yakobbo na ba mu̱gi̱ gwamwe gwensei̱ baagyenda Mi̱si̱ri̱. 7Yakobbo yaagyendi̱ri̱ Mi̱si̱ri̱ na batabani̱, bahara, na beizukulu baamwe.
Baana na Beizukulu ba Yakobbo
8Gaga googo mabara ga baana na beizukulu bʼI̱saleeri̱, yooyo de yeegebeerwe nka Yakobbo, banyakugyenda mu nsi gya Mi̱si̱ri̱.
Lu̱bbeeni̱ yooyo yaali mu̱zegei̱zo wa Yakobbo.
9Batabani̱ ba Lu̱bbeeni̱ boobo baba: Hanoki̱,
Paru, Hezi̱rooni̱, Karumi.
10Baba boobo batabani̱ ba Si̱myoni̱:
Yemweri̱, Yami̱i̱ni̱, Ohaadi̱, Yaki̱i̱ni̱, Zohali̱ na Sau̱lo, munyakubyalwa mu̱kali̱ Mu̱kanani̱.
11Baba boobo batabani̱ ba Leevi̱:
Geresoni̱, Kohati̱, na Merali̱.
12Baba boobo batabani̱ ba Yu̱da:
Eeri̱, Onani̱, Seera, Pereezi̱ na Zeera, (bei̱tu̱ Eeri̱ nʼOnani̱, baakwereeri̱ mu nsi gya Kanani̱).
Baba boobo batabani̱ ba Pereezi̱:
Hezi̱rooni̱, na Hamu̱li̱.
13Baba boobo batabani̱ ba I̱saakaari̱:
Toora, Pu̱u̱va, Yobbu̱ na Si̱mi̱rooni̱.
14Baba boobo batabani̱ ba Zabbu̱looni̱:
Sereedi̱, Elooni̱, Yahaleeri̱.
15Baba boobo batabani̱ ba Leeya baayaabyeri̱ na Yakobbo mu Padanaramu. Leeya de yaabyali̱i̱ri̱ Yakobbo muhara gibakweta Di̱na. Bensei̱ baali maku̱mi̱ gasatu na basatu.
16Baba boobo batabani̱ ba Gaadi̱:
Zi̱fi̱yooni̱, Haagi̱, Su̱u̱ni̱, Ezi̱bbooni̱, Eli̱, Arodi̱, nʼAleeri̱.
17Baba boobo batabani̱ bʼAseeri̱:
I̱mu̱na, I̱su̱va, I̱si̱vi̱, hamwei̱ na Bberi̱i̱ya.
Nyaakaab̯u yaali Seera.
Baba boobo batabani̱ ba Bberi̱i̱ya:
Hebbeeri̱ na Maleki̱yeeri̱.
18Baba boobo baana na beizukulu ba Yakobbo na Zi̱ri̱pa, muheereza Labbani̱ gi̱yaaheeri̱ muhara waamwe Leeya kwicala nayo. Bensei̱ baali i̱ku̱mi̱ na mukaaga.
19Baba boobo batabani̱ ba Lakeeri̱ mukaa Yakobbo:
Yozefu̱ na Bbenyami̱i̱ni̱. 20#Ntandiko 41:50-52Kandi Yozefu̱ b̯uyaali naali Mi̱si̱ri̱, Asenaasi̱ muhara wa Poti̱feera, mu̱laami̱ mu kicweka kyʼOni̱, yaamu̱byali̱i̱ri̱ baana babiri, Manaase nʼEfu̱rayi̱mu̱.
21Baba boobo baana ba Bbenyami̱i̱ni̱:
Bbeera, Bbekeeri̱, Asu̱bbeeri̱, Geera, Namani̱, Ehi̱, Rosi̱, Mu̱pi̱i̱mu̱, Hu̱pi̱i̱mu̱ nʼAli̱di̱.
22Baba boobo baana na beizukulu ba Yakobbo na Lakeeri̱. Bensei̱ baali i̱ku̱mi̱ na banei.
23Mwana wa Daani̱ yooyo
Hu̱si̱i̱mu̱.
24Baba boobo baana ba Nafutaali:
Yahazeeli̱, Gu̱u̱ni̱, Yezeeri̱, na Si̱leemu̱.
25Baba boobo baana na beizukulu ba Yakobbo na Bbi̱li̱ha, muheereza Labbani̱ gi̱yaaheeri̱ muhara waamwe Lakeeri̱ kwicala nayo. Bensei̱ baali musanju.
26Baana bensei̱ ba Yakobbo, banyakwi̱za Mi̱si̱ri̱, otoori̱mwo bamukamwana baamwe, baadwengi̱ nkaaga na mukaaga. 27Batabani̱ ba Yozefu̱ baayaabyeri̱ naali Mi̱si̱ri̱, baalingi babiri, muhendu gwa bantu ba Yakobbo bensei̱ banyakugyenda Mi̱si̱ri̱ baali nsanju.
Yozefu̱ Nagyenda Mi̱si̱ri̱
28Yakobbo yaatu̱mi̱ri̱ Yu̱da amwebembere, asabe Yozefu̱ barombere mu Goseni̱. 29Yozefu̱ yaateekani̱i̱ze kigaali kyamwe, yaagyenda ku̱romba bbaawe Yakobbo mu Goseni̱, b̯u̱yaamu̱weeni̱, yaamugwa mu salaka, yaalira hab̯wa kei̱re.
30Yakobbo yaaweereeri̱ Yozefu̱ naakoba yati, “Hataati̱ nyetegeki̱ri̱ ku̱kwa, hab̯wakubba nyetegeri̱i̱ze nka kwocaali mwomi.”
31Yozefu̱ yaaweereeri̱ baab̯u na ba makaa ga bbaawe naakoba yati, “Nkwi̱za kugyenda mbwere Faraaho yati, ‘Beetu̱ hamwei̱ na ba mu̱gi̱ gwa bbaabba, banyakubba mu nsi gya Kanani̱, bei̱zi̱ri̱ hali gya. 32Mmu̱weere nka kumwicala bali̱i̱sya, kandi mu̱letegeeni̱ magana geenyu̱, hamwei̱ na bikwatu bya mu nnyu̱mba zeenyu̱.’ 33Faraaho b̯u̱yaakabeeta akabab̯u̱ulya naakoba yati, ‘Mukora mulimo kyani?’ 34Mu̱mwi̱remwo nimukoba yati, ‘Beiru baamu beicala bali̱i̱sya kuruga mu b̯uto b̯wab̯u na ku̱doosya hataati̱ nka babbaweetu̱ kubaali,’ aleke musobore kwicala mu gi̱gyo nsi gya Goseni̱, hab̯wakubba Banyami̱si̱ri̱ banuga bali̱i̱sya bensei̱.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.