Amǝ Mishan 19
19
Bulǝs aɓa Afisu
1Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu, 2sǝ ɗia ama, “Mǝnana wu pǝlǝ amǝ kpata Yesu ka, wu angŋǝna Bangŋo Mǝfele le?”
À pe wi eare ama, “Awo, yale sǝm malaká ok ama Bangŋo Mǝfele nakam ɗang.”
3Bulǝs ɗia ama, “Sǝ ya ulang batisǝma nani à pakka wun?”
À pe wi eare ama, “Batisǝma mala Yohana.”
4Pǝlǝa Bulǝs banggia wia ama, “Batisǝma mǝnana Yohana pak ka nda ace aɓwana mana à pwanzali, à nying acauɓikea malea ka. Sǝ ne amǝ Isǝrayila ama ɓǝa paɓamuria aban ɓwa mǝnana kǝ yiu a nzǝmi ka, mǝnana à tunǝki ama, Yesu ka.”#19:4 Ɓalli gbal aɓa: Mat 3:11; Mar 1:4,7,8; Luk 3:4,16; Yoh 1:26,27.
5Lang à ongŋǝna anggo ka, pǝlǝa à pakkia wia batisǝma aɓa lullǝ Mǝtalabangŋo Yesu. 6Pǝlǝa Bulǝs tsǝk bui amuria, kara Bangŋo Mǝfele sulǝo amuria, à nacau nǝ akún-takuli, sǝ à hamnǝ cau mala Ɓakuli. 7Laki mala amǝnia yì aɓwana ka nda lum-nong-ɓari.
8Anzǝm mǝno ka, Bulǝs twal zongŋo tārú kǝ wario aɓa ndakpapi, camarǝ ne aɓwana cau nǝ mǝsǝkang-kangŋa. Aɓa nakia cau andǝ aɓwana ka, kǝ ɓariki nǝ̀ nyesǝ ɓabumia arǝ do murǝm mala Ɓakuli amur aɓwana. 9Sǝ aɓea aɓwana ka à candǝkicau à ɓinǝ paɓamuria, à kǝ naki acau mǝɓane amur Njar kpata Mǝtalabangŋo, a ɓadǝmbǝ aɓwana. Pǝlǝa Bulǝs ɗekia, pwan amǝkpata Yesu à o andǝia, sǝ a koya pwari ka kǝ sǝnggi ɓalǝ acau andǝia aɓa ndà-kanigir mala Tiranus. 10Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.
Amuna-burana mala Sǝkeva
11Ɓakuli pak agir-ndǝlǝki mǝgule kǝrkǝr nǝ bu Bulǝs. 12Ko nggearǝ ahankici andǝ agir-nggurǝu mǝnana à je nggurǝ Bulǝs ka, à twalia à wari nǝia aban amǝ rǝkwana, sǝ akwano malea kara à mala, sǝ akukwar puri rǝia.
13Aɓea amǝ Yahudi na kam mǝnana à kǝ gya arǝ aban, aban pusǝkia kukwar arǝ aɓwana ka. À ɓariki gbal ama à nǝ̀ pak turo nǝ lullǝ Yesu à nǝ̀ pusǝ akukwar pale, nǝ nea wia cau ama, “Ən nggǝ sa arǝ wun aɓa lullǝ Mǝtalabangŋo Yesu mǝnana Bulǝs kǝ hamnǝi ka, wu puro.” 14Amuna-burana tongno-nong-ɓari mala Sǝkeva, Pǝris Mǝgule mala amǝ Yahudi, à nda à pakki mǝnia yì gir ka. 15Sǝ a ɓe fara à nda aban pa anggo, pǝlǝa kukwar nea wia ama, “Ən surǝ Yesu, sǝ ǝn sǝlǝna ce Bulǝs; sǝ wun ngga, wu ndaka yana?” 16Sǝ ɓwa mǝnana nǝ kukwar a rǝì ka, yàlle kpa kwaria, walkia nǝ walo ana, nǝ rǝcandǝa mana kuti malea ka. Kara à tur kusǝia a mire à nying ɓala male, nǝ anpenye a rǝia, nǝ ɓārǝia.
17Aɓwana kat mǝnana à ndanǝ do a Afisu ka, amǝ Yahudi andǝ amǝ Gǝrik, à ok ce mǝnia yì gir ka, kara ɓangciu bwalia kat, sǝ lullǝ Mǝtalabangŋo Yesu kum gulo kǝrkǝr. 18Pas aɓalǝ aɓwana mana à paɓamuria, à pǝlǝ amǝkpata Yesu ka, à yiu à yì bang ce pakkia gir ɓealɓikea malea kwas. 19Aɓwana pas mǝnana ɗiɗyal ka à kǝ pakki agir swarkiban nǝ aɓuri ka, à yiu nǝ amalǝmce mala agir monzǝo malea, à yì pisǝia a bǝsa a ɓadǝmbǝ aɓwana kat. Lang aɓwana yi kpapiki aboalo agir mǝno à pisǝia kat ka, boale lumsǝ mǝsǝboalo azǝrfa á-lumi-tongno. 20Anggo nǝ rǝcandǝa sǝ cau mala Mǝtalabangŋo gulo, akiban kǝrkǝr.
Loasǝban aɓa Afisu
21Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.” 22Nda gir mana tsǝa sǝ tasǝ Timoti andǝ Arasǝtus a Masǝdoniya, yia ɓari aɓalǝ aɓwana mana à kǝ bwali wi turo ka. Sǝ yì ka, do a bu-nzali Asiya banì ɓine sau zuku.
23Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo. 24Mǝnia yì loasǝban ngga tite nǝ ɓe mǝntul mana lullǝi ama Demitǝrǝyus, mǝ tulki amuna kurǝm mana à nda kǝla ndàperi mala ma-ɓǝ̀nzál Atimis, nǝ bolo-ntul azǝrfa ka. Mǝnia yì nggali ka kǝ yinǝia amǝturoe boalo kǝrkǝr. 25Pǝlǝa Demitǝrǝyus tunǝ kpapi mala aɓwana kat mǝnana à nda aɓa ulang mǝno yì turobu malea ka, sǝ nea wia ama:
Wun aburana, wu sǝlǝ ama kume ma'sǝm ngga àkǝ̀ ban mǝnia yì turo sǝ sǝm nggǝ kumi. 26A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat. 27Ɓangciu ma'sǝm ngga nda mǝnana ama, limo ma'sǝm no nǝ̀ kum lullǝu mǝɓane. Sǝ nggearǝ mǝno na nǝmurǝì ɗang, ndàperi mala ma-ɓǝ̀nzál mǝgulo mǝnana à kǝ peri abani, yì Atimis gbal ka, nǝ̀ duk gir mǝɓane; sǝ Atimis, yì ma-ɓǝ̀nzál mǝnana ko yan a Asiya andǝ ɓanza kat kǝ peri abani ka, gulo male nǝ̀ kpa!
28Lang à ongŋǝna cau man ngga, kara bumia lul kǝrkǝr, à loasǝ gia a kuli à kǝ na ama, “Atimis mala amǝ Afisu ka, mǝgulo na!” 29Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi. 30Bulǝs nǝ ɓamuri ka earce ama nǝ̀ ká a ɓadǝmbǝ aɓwabunda aban kpapi nǝ̀ bangcau nǝia, sǝ amǝkpata Ɓakuli pǝrki. 31Nggearǝ aɓwana-mǝgule mala la, mana à gyajam mala Bulǝs na ka, à teri wi cau ama, ɓǝ̀ kǝa na ama nǝ̀ kutio aɓa ban-kpapi ɗang.
32Ɓwabunda mana ram ngga, à twalo à zurǝki nǝ loasǝban: aɓea aɓwana ka à kǝ na cau bang-bang amur ɓe gir, sǝ aɓea aɓwana gbal ka à kǝ na malea ɗang. Yale banggulea ka à surǝ gir mǝnana tsǝa sǝ à yiu à yì ram ngga ɗang.
33Aɓea amǝ Yahudi ramta Alizanda a dǝmbǝa a ɓadǝm ɓwabunda ɓǝ̀ bǝlia wia ɓa ceì. Pǝlǝa Alizanda lǝmndǝì ɓwabunda bu ɓǝa duk kunia piu, sǝ ɓariki nǝ̀ na kuni, amur tǝr gir mana kumban ngga. 34Lang amǝ Gǝrik mǝnana aɓa ɓwabunda yi sǝlǝ ama yì ka, ɓwa Yahudi na ka, kara à loasǝ gia kpǝm kunia mwashat aban na cau mǝ'mwashati ama: “Atimis mala amǝ Afisu ka, mǝgulo na!” Twalia bu-pwari ɓari à ndarǝ na mǝnia yì cau ka.
35A masǝlǝate ka, mǝgilǝgir mala nggeala ɓariki tsǝk ɓwabunda à do kunia piu. Pǝlǝa na ama:
Wun amǝla sǝm amǝ Afisu, ɓanza kat ka sǝlǝ ama nggeala mǝgule Afisu ka nda mǝyal ndàperi mala Atimis mǝgule andǝ tali rǝì mǝnana pur nǝ kuli sǝ yi kpa a nzali ka. 36Kǝɓwa pà kàm nǝ̀ tǝmce amǝnia yì agir ka ɗang. Ace mani ka, wu nyesǝ ɓabum wun, wu kǝa pak kǝgir amur mire ɗang. 37Wu yina nǝ amǝnia yì aburana ɓari ka akani, kat andǝ amani ama, à ɓun kun ndàperi ma'sǝm, à iu kǝgir kam ɗang, ko à na mǝɓane amur ma-ɓǝ̀nzál ma'sǝm raka.
38Ɓǝ̀ Demitǝrǝyus andǝ amǝturo male ndanǝ cau mana à nǝ̀ na amur kǝɓwa ka, sǝm ndanǝ amǝɓashi andǝ apwari do ɓashi; ɓǝa ndanǝ ɓe kǝgir mana kwania arǝ kǝɓwa ka, à nǝ̀ gandǝ yinǝ ce. 39Sǝ ɓǝ̀ ɓe kǝgir na kam ɗàng mǝnana wu earce wu nǝ̀ yinǝi ka, dumǝna púp à nǝ̀ na ce aban amǝ ɓashi, a ban-kpapi mala amǝla kat. 40Kǝla mǝnana nda kam ado ka, mǝnia yì gir mǝnana kumban yalung ngga, tsǝngŋǝna sǝm aɓa ɓangciu ama, amǝtala nzali nǝ̀ gandǝ tsǝka sǝm cau mala loasǝ munǝo mala ɓwabunda. Acemǝnana sǝm pànǝ kun nacau sǝm nǝ̀ na tǝr gir mana yinǝ mǝnia yì came mala la andǝ zurǝki ka ɗang.
41Lang mǝgilǝgir mala nggeala malǝna na cau man ngga, pǝlǝa mesǝ aɓwana mana à ram ngga à o.
Currently Selected:
Amǝ Mishan 19: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 19
19
Bulǝs aɓa Afisu
1Mǝnana Apolo na aɓa Korinti ka, Bulǝs twal bǝri gya arǝ abuban, kya puro a Afisu. Abanì sǝ kum aɓea amǝkpata Yesu, 2sǝ ɗia ama, “Mǝnana wu pǝlǝ amǝ kpata Yesu ka, wu angŋǝna Bangŋo Mǝfele le?”
À pe wi eare ama, “Awo, yale sǝm malaká ok ama Bangŋo Mǝfele nakam ɗang.”
3Bulǝs ɗia ama, “Sǝ ya ulang batisǝma nani à pakka wun?”
À pe wi eare ama, “Batisǝma mala Yohana.”
4Pǝlǝa Bulǝs banggia wia ama, “Batisǝma mǝnana Yohana pak ka nda ace aɓwana mana à pwanzali, à nying acauɓikea malea ka. Sǝ ne amǝ Isǝrayila ama ɓǝa paɓamuria aban ɓwa mǝnana kǝ yiu a nzǝmi ka, mǝnana à tunǝki ama, Yesu ka.”#19:4 Ɓalli gbal aɓa: Mat 3:11; Mar 1:4,7,8; Luk 3:4,16; Yoh 1:26,27.
5Lang à ongŋǝna anggo ka, pǝlǝa à pakkia wia batisǝma aɓa lullǝ Mǝtalabangŋo Yesu. 6Pǝlǝa Bulǝs tsǝk bui amuria, kara Bangŋo Mǝfele sulǝo amuria, à nacau nǝ akún-takuli, sǝ à hamnǝ cau mala Ɓakuli. 7Laki mala amǝnia yì aɓwana ka nda lum-nong-ɓari.
8Anzǝm mǝno ka, Bulǝs twal zongŋo tārú kǝ wario aɓa ndakpapi, camarǝ ne aɓwana cau nǝ mǝsǝkang-kangŋa. Aɓa nakia cau andǝ aɓwana ka, kǝ ɓariki nǝ̀ nyesǝ ɓabumia arǝ do murǝm mala Ɓakuli amur aɓwana. 9Sǝ aɓea aɓwana ka à candǝkicau à ɓinǝ paɓamuria, à kǝ naki acau mǝɓane amur Njar kpata Mǝtalabangŋo, a ɓadǝmbǝ aɓwana. Pǝlǝa Bulǝs ɗekia, pwan amǝkpata Yesu à o andǝia, sǝ a koya pwari ka kǝ sǝnggi ɓalǝ acau andǝia aɓa ndà-kanigir mala Tiranus. 10Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.
Amuna-burana mala Sǝkeva
11Ɓakuli pak agir-ndǝlǝki mǝgule kǝrkǝr nǝ bu Bulǝs. 12Ko nggearǝ ahankici andǝ agir-nggurǝu mǝnana à je nggurǝ Bulǝs ka, à twalia à wari nǝia aban amǝ rǝkwana, sǝ akwano malea kara à mala, sǝ akukwar puri rǝia.
13Aɓea amǝ Yahudi na kam mǝnana à kǝ gya arǝ aban, aban pusǝkia kukwar arǝ aɓwana ka. À ɓariki gbal ama à nǝ̀ pak turo nǝ lullǝ Yesu à nǝ̀ pusǝ akukwar pale, nǝ nea wia cau ama, “Ən nggǝ sa arǝ wun aɓa lullǝ Mǝtalabangŋo Yesu mǝnana Bulǝs kǝ hamnǝi ka, wu puro.” 14Amuna-burana tongno-nong-ɓari mala Sǝkeva, Pǝris Mǝgule mala amǝ Yahudi, à nda à pakki mǝnia yì gir ka. 15Sǝ a ɓe fara à nda aban pa anggo, pǝlǝa kukwar nea wia ama, “Ən surǝ Yesu, sǝ ǝn sǝlǝna ce Bulǝs; sǝ wun ngga, wu ndaka yana?” 16Sǝ ɓwa mǝnana nǝ kukwar a rǝì ka, yàlle kpa kwaria, walkia nǝ walo ana, nǝ rǝcandǝa mana kuti malea ka. Kara à tur kusǝia a mire à nying ɓala male, nǝ anpenye a rǝia, nǝ ɓārǝia.
17Aɓwana kat mǝnana à ndanǝ do a Afisu ka, amǝ Yahudi andǝ amǝ Gǝrik, à ok ce mǝnia yì gir ka, kara ɓangciu bwalia kat, sǝ lullǝ Mǝtalabangŋo Yesu kum gulo kǝrkǝr. 18Pas aɓalǝ aɓwana mana à paɓamuria, à pǝlǝ amǝkpata Yesu ka, à yiu à yì bang ce pakkia gir ɓealɓikea malea kwas. 19Aɓwana pas mǝnana ɗiɗyal ka à kǝ pakki agir swarkiban nǝ aɓuri ka, à yiu nǝ amalǝmce mala agir monzǝo malea, à yì pisǝia a bǝsa a ɓadǝmbǝ aɓwana kat. Lang aɓwana yi kpapiki aboalo agir mǝno à pisǝia kat ka, boale lumsǝ mǝsǝboalo azǝrfa á-lumi-tongno. 20Anggo nǝ rǝcandǝa sǝ cau mala Mǝtalabangŋo gulo, akiban kǝrkǝr.
Loasǝban aɓa Afisu
21Anzǝm amǝno yì agir ka, Bulǝs kum ɗenyicau a ɓabumi ama ɓǝ̀ kar aɓalǝ abu-nzali Masǝdoniya andǝ Akaya sǝ ɓǝ̀ kutio ɓǝ̀ kyane a Urǝshalima. Na ama, “Anzǝm mana ɓǝ̀ ǝn warina a Urǝshalima ka, dumǝnam púp mǝ nǝ kutio, mǝ ká gbal a Roma.” 22Nda gir mana tsǝa sǝ tasǝ Timoti andǝ Arasǝtus a Masǝdoniya, yia ɓari aɓalǝ aɓwana mana à kǝ bwali wi turo ka. Sǝ yì ka, do a bu-nzali Asiya banì ɓine sau zuku.
23Àkǝ̀ ɓalǝ anonggeo mǝno ka, nggea loasǝban lo kǝrkǝr aɓa Afisu amur cau mala kpata Njar mala Mǝtalabangŋo. 24Mǝnia yì loasǝban ngga tite nǝ ɓe mǝntul mana lullǝi ama Demitǝrǝyus, mǝ tulki amuna kurǝm mana à nda kǝla ndàperi mala ma-ɓǝ̀nzál Atimis, nǝ bolo-ntul azǝrfa ka. Mǝnia yì nggali ka kǝ yinǝia amǝturoe boalo kǝrkǝr. 25Pǝlǝa Demitǝrǝyus tunǝ kpapi mala aɓwana kat mǝnana à nda aɓa ulang mǝno yì turobu malea ka, sǝ nea wia ama:
Wun aburana, wu sǝlǝ ama kume ma'sǝm ngga àkǝ̀ ban mǝnia yì turo sǝ sǝm nggǝ kumi. 26A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat. 27Ɓangciu ma'sǝm ngga nda mǝnana ama, limo ma'sǝm no nǝ̀ kum lullǝu mǝɓane. Sǝ nggearǝ mǝno na nǝmurǝì ɗang, ndàperi mala ma-ɓǝ̀nzál mǝgulo mǝnana à kǝ peri abani, yì Atimis gbal ka, nǝ̀ duk gir mǝɓane; sǝ Atimis, yì ma-ɓǝ̀nzál mǝnana ko yan a Asiya andǝ ɓanza kat kǝ peri abani ka, gulo male nǝ̀ kpa!
28Lang à ongŋǝna cau man ngga, kara bumia lul kǝrkǝr, à loasǝ gia a kuli à kǝ na ama, “Atimis mala amǝ Afisu ka, mǝgulo na!” 29Zuku ka, loasǝban mǝno akinaban, ɓa nggeala kat lo cam nǝ kusǝì. Ɓwabunda nyāri, à pur nǝ mire aban ká a bankpapi mala nggeala. À bwal aburana ɓari, Gayus andǝ Aristakus, aɓi amǝ gya mala Bulǝs, mǝnana à pur a Masǝdoniya sǝ à yiu ka. À nunggia à um nǝia a bankpapi. 30Bulǝs nǝ ɓamuri ka earce ama nǝ̀ ká a ɓadǝmbǝ aɓwabunda aban kpapi nǝ̀ bangcau nǝia, sǝ amǝkpata Ɓakuli pǝrki. 31Nggearǝ aɓwana-mǝgule mala la, mana à gyajam mala Bulǝs na ka, à teri wi cau ama, ɓǝ̀ kǝa na ama nǝ̀ kutio aɓa ban-kpapi ɗang.
32Ɓwabunda mana ram ngga, à twalo à zurǝki nǝ loasǝban: aɓea aɓwana ka à kǝ na cau bang-bang amur ɓe gir, sǝ aɓea aɓwana gbal ka à kǝ na malea ɗang. Yale banggulea ka à surǝ gir mǝnana tsǝa sǝ à yiu à yì ram ngga ɗang.
33Aɓea amǝ Yahudi ramta Alizanda a dǝmbǝa a ɓadǝm ɓwabunda ɓǝ̀ bǝlia wia ɓa ceì. Pǝlǝa Alizanda lǝmndǝì ɓwabunda bu ɓǝa duk kunia piu, sǝ ɓariki nǝ̀ na kuni, amur tǝr gir mana kumban ngga. 34Lang amǝ Gǝrik mǝnana aɓa ɓwabunda yi sǝlǝ ama yì ka, ɓwa Yahudi na ka, kara à loasǝ gia kpǝm kunia mwashat aban na cau mǝ'mwashati ama: “Atimis mala amǝ Afisu ka, mǝgulo na!” Twalia bu-pwari ɓari à ndarǝ na mǝnia yì cau ka.
35A masǝlǝate ka, mǝgilǝgir mala nggeala ɓariki tsǝk ɓwabunda à do kunia piu. Pǝlǝa na ama:
Wun amǝla sǝm amǝ Afisu, ɓanza kat ka sǝlǝ ama nggeala mǝgule Afisu ka nda mǝyal ndàperi mala Atimis mǝgule andǝ tali rǝì mǝnana pur nǝ kuli sǝ yi kpa a nzali ka. 36Kǝɓwa pà kàm nǝ̀ tǝmce amǝnia yì agir ka ɗang. Ace mani ka, wu nyesǝ ɓabum wun, wu kǝa pak kǝgir amur mire ɗang. 37Wu yina nǝ amǝnia yì aburana ɓari ka akani, kat andǝ amani ama, à ɓun kun ndàperi ma'sǝm, à iu kǝgir kam ɗang, ko à na mǝɓane amur ma-ɓǝ̀nzál ma'sǝm raka.
38Ɓǝ̀ Demitǝrǝyus andǝ amǝturo male ndanǝ cau mana à nǝ̀ na amur kǝɓwa ka, sǝm ndanǝ amǝɓashi andǝ apwari do ɓashi; ɓǝa ndanǝ ɓe kǝgir mana kwania arǝ kǝɓwa ka, à nǝ̀ gandǝ yinǝ ce. 39Sǝ ɓǝ̀ ɓe kǝgir na kam ɗàng mǝnana wu earce wu nǝ̀ yinǝi ka, dumǝna púp à nǝ̀ na ce aban amǝ ɓashi, a ban-kpapi mala amǝla kat. 40Kǝla mǝnana nda kam ado ka, mǝnia yì gir mǝnana kumban yalung ngga, tsǝngŋǝna sǝm aɓa ɓangciu ama, amǝtala nzali nǝ̀ gandǝ tsǝka sǝm cau mala loasǝ munǝo mala ɓwabunda. Acemǝnana sǝm pànǝ kun nacau sǝm nǝ̀ na tǝr gir mana yinǝ mǝnia yì came mala la andǝ zurǝki ka ɗang.
41Lang mǝgilǝgir mala nggeala malǝna na cau man ngga, pǝlǝa mesǝ aɓwana mana à ram ngga à o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016