Amǝ Mishan 18
18
Bulǝs a Korinti
1Anzǝm mǝno ka, Bulǝs nying Atina pǝlǝa wario a Korinti. 2Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla. 3Sǝ acemǝnana turobu malea mala pakkia gumli na mwashat ka, Bulǝs do andǝia, à kutia pakki aturo a tarǝia.
4A koya pwari Sabbat, pwari usǝlǝo mala amǝ Yahudi ka, Bulǝs kǝ wario a ndakpapi kǝ na cau nǝ amǝ Yahudi andǝ amǝ Gǝrik ace mǝnana nǝ̀ kumo nǝ̀ nunnia ɓǝa sǝlǝ ama Yesu ka, nda Mǝ'amsǝban.
5Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban. 6Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”
7Pǝlǝa Bulǝs nying ɓa ndakpapi, sǝ o kya do a ɓala mala ɓe mǝkpata Ɓakuli, à tunǝki ama Titiyus Yustus. Ɓala male ka sau nǝ ndakpapi ɗang. 8Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.
9Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang, 10acemǝnana mǝ nda to. Kǝ ɓwa pà kàm nǝ̀ pakko kǝgir ɗang. Aɓa nggeala mǝnia ka, mǝ ndanǝ aɓwana kam pas mǝnana à nǝ̀ paɓamuria abanam ngga.” 11Nda Bulǝs lidǝmbǝa nǝ do a Korinti pǝla-mwashat nǝ cili, aban kania wia cau mala Ɓakuli ka.
12Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi. 13A na ama, “Ɓwabura man ngga ndaban ɓariki nǝ̀ pwan bum aɓwana ɓǝa kpata Ɓakuli a njar mana nda ɗàng andǝ gir mǝnana nggurcau ma'sǝm na ka!”
14Bulǝs nǝ̀ mǝn kuni nǝ̀ na cau ka, kara Galiyo pǝlǝa arǝ amǝ Yahudi mana à warinǝ cau ka. Nea wia ama, “Wun amǝ Yahudi, ɓǝa pǝlǝ ama wu yiu nǝ ɓwa mǝnia ka ace ɓe kǝ cau mala gir mǝɓane mǝnana pa, ko nzongcau na ɓun ngga, ɓǝ́ ɓoaro mǝ nǝ pak munyi, mǝ nǝ kwaki kiram arǝ wun. 15Sǝ acemǝnana ce ka nda amur aɗikiaban amur acau, andǝ alullǝu, andǝ anggurcau ma'wun ngga, wu mal nǝ ace nǝ ɓamur rǝ wun. Pa mǝ nǝ do mǝɓashi amur ulang agir kǝla amǝnia ka ɗang!” 16Pǝlǝa tsǝa à pusǝia aɓa ndaɓashi. 17Sǝ yia kat ka à pǝlǝ amur Sosǝtins, mǝyal mur ndakpapi, à bwali, à walki àkǝ̀ kun ndaɓashi. Sǝ ko kǝgir dǝurǝ Galiyo ɗang, ko bǝti.
Bulǝs nyare o a Antiyok mala amǝ Suriya
18Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.#18:18 Ɓalli gbal aɓa: Ɓal 6:18.
19Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi. 20Aɓea aɓwana aɓalǝia à zǝmbǝi Bulǝs, ɓǝ̀ pak anonggeo pas, sǝ ɓine. 21Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.
22Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.
23Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.
24A baku mǝno ka, ɓeɓwa Yahudi mana à tunǝki ama Apolo, mǝnana pur nǝ nggeala Alizandǝriya ka, yiu a Afisu. Yì ka, ɓwa na ndanǝ sǝlǝ nacau, sǝ surǝ Malǝmce mala Ɓakuli kǝrkǝr. 25Acemǝnana yì ka, kum kanigir kǝrkǝr aɓa Njar mala Mǝtalabangŋo ka, nǝ ɓabum pina mǝgule sǝ kǝ hama andǝ kani aɓwana mǝsǝrǝ mǝsǝcau amur Yesu. Sǝ kat andǝ a mani ka, kǝ cau mala pa batisǝma mala Yohana na surǝ ce ka.
26Pǝlǝa Apolo tita nacau nǝ rǝcandǝa a ndakpapi. Lang Pǝrisǝla andǝ Akila okcau mana kǝ na ka, à tunǝi à o andǝi a ɓala malea, à kya mǝnggi wi ɓa njar mala Ɓakuli pepe.
27Lang Apolo bangŋǝna ama nǝ̀ o a Akaya ka, amǝkpata Ɓakuli ɓak ɓabumi ɓǝ̀ kyane. Pǝlǝa à gilǝ cautera aban ká aban amǝkwaɗi mǝnana a Akaya ka, ace mǝnana ɓǝa ak Apolo pepe ka. Lang bwalǝna Akaya ka, kya duk nggea gbasha mǝgule abanì, mǝnana aɓwana kum ɓwamuru mala Ɓakuli, à pǝlǝ amǝkpate ka. 28Yì ka, gandǝ amǝ Yahudi mǝnana à lo makgir nǝi ka nǝ cau, aɓalǝ aɓwana mana à ram kat ka. Kǝ lǝmndǝia wia aɓa Malǝmce mala Ɓakuli ama, Yesu nda Kǝrǝsti Mǝ'amsǝban.
Currently Selected:
Amǝ Mishan 18: mbu
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016
Amǝ Mishan 18
18
Bulǝs a Korinti
1Anzǝm mǝno ka, Bulǝs nying Atina pǝlǝa wario a Korinti. 2Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla. 3Sǝ acemǝnana turobu malea mala pakkia gumli na mwashat ka, Bulǝs do andǝia, à kutia pakki aturo a tarǝia.
4A koya pwari Sabbat, pwari usǝlǝo mala amǝ Yahudi ka, Bulǝs kǝ wario a ndakpapi kǝ na cau nǝ amǝ Yahudi andǝ amǝ Gǝrik ace mǝnana nǝ̀ kumo nǝ̀ nunnia ɓǝa sǝlǝ ama Yesu ka, nda Mǝ'amsǝban.
5Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban. 6Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”
7Pǝlǝa Bulǝs nying ɓa ndakpapi, sǝ o kya do a ɓala mala ɓe mǝkpata Ɓakuli, à tunǝki ama Titiyus Yustus. Ɓala male ka sau nǝ ndakpapi ɗang. 8Kǝrispus, ɓwamǝgule ndakpapi ka, paɓamuri aban Mǝtalabangŋo, yì andǝ amǝɓala male kat. Sǝ aɓwana pas a Korinti, mǝnana à ok cau mala Bulǝs ka, à paɓamuria aban Mǝtalabangŋo, pǝlǝa à pakkia wia batisǝma.
9Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang, 10acemǝnana mǝ nda to. Kǝ ɓwa pà kàm nǝ̀ pakko kǝgir ɗang. Aɓa nggeala mǝnia ka, mǝ ndanǝ aɓwana kam pas mǝnana à nǝ̀ paɓamuria abanam ngga.” 11Nda Bulǝs lidǝmbǝa nǝ do a Korinti pǝla-mwashat nǝ cili, aban kania wia cau mala Ɓakuli ka.
12Lang à tsǝngŋǝna Galiyo, ɓwa Roma a Nggwamna mala bu-nzali Akaya ka, aɓea amǝ Yahudi mana à ndanǝ do abanì ka, à kur kunarǝia à bwal Bulǝs, à wari nǝi a ɓadǝm Nggwamna ace ɓashi. 13A na ama, “Ɓwabura man ngga ndaban ɓariki nǝ̀ pwan bum aɓwana ɓǝa kpata Ɓakuli a njar mana nda ɗàng andǝ gir mǝnana nggurcau ma'sǝm na ka!”
14Bulǝs nǝ̀ mǝn kuni nǝ̀ na cau ka, kara Galiyo pǝlǝa arǝ amǝ Yahudi mana à warinǝ cau ka. Nea wia ama, “Wun amǝ Yahudi, ɓǝa pǝlǝ ama wu yiu nǝ ɓwa mǝnia ka ace ɓe kǝ cau mala gir mǝɓane mǝnana pa, ko nzongcau na ɓun ngga, ɓǝ́ ɓoaro mǝ nǝ pak munyi, mǝ nǝ kwaki kiram arǝ wun. 15Sǝ acemǝnana ce ka nda amur aɗikiaban amur acau, andǝ alullǝu, andǝ anggurcau ma'wun ngga, wu mal nǝ ace nǝ ɓamur rǝ wun. Pa mǝ nǝ do mǝɓashi amur ulang agir kǝla amǝnia ka ɗang!” 16Pǝlǝa tsǝa à pusǝia aɓa ndaɓashi. 17Sǝ yia kat ka à pǝlǝ amur Sosǝtins, mǝyal mur ndakpapi, à bwali, à walki àkǝ̀ kun ndaɓashi. Sǝ ko kǝgir dǝurǝ Galiyo ɗang, ko bǝti.
Bulǝs nyare o a Antiyok mala amǝ Suriya
18Bulǝs do andǝ amǝkpata Yesu mana aɓa Korinti ka arǝ anonggeo pas. Pǝlǝa nyia, nǝ̀ o a bu-nzali Suriya. À kpapi gya a tarǝia andǝa Pǝrisǝla andǝ Akila. Lang à yì bingŋǝna Sǝnkǝriya, la a kun nggeamur ka, Bulǝs mwa muri ace mǝnana ɓǝ̀ lǝmndǝ ama yì ka, lumsǝna nzongcau mala amǝ Yahudi mǝnana twalo a ɓadǝm Ɓakuli nǝ̀ pe ka. Pǝlǝa à kutio a waru-mur aban ká.#18:18 Ɓalli gbal aɓa: Ɓal 6:18.
19Lang à yì bwal nggeala Afisu ka, Bulǝs nying a Pǝrisǝla andǝ Akila aɓa waru. Sǝ kutio wario a ndakpapi aban naki acau andǝ amǝ Yahudi. 20Aɓea aɓwana aɓalǝia à zǝmbǝi Bulǝs, ɓǝ̀ pak anonggeo pas, sǝ ɓine. 21Ndo nǝ̀ u ka, pǝlǝa nea wia ama, “Ɓǝ̀ Ɓakuli earǝna ka, mǝ nǝ nyare mǝ nǝ yiu aban wun.” Anggo sǝ kutio a waru nying Afisu, aban o.
22Lang waru yi kpashina a kun mur a Kaisariya ka, Bulǝs sulǝo nǝ̀ kar a Urǝshalima aban makki amǝkwaɗi kun. Pǝlǝa bwal njar nyare o a Antiyok aɓa bu-nzali Suriya.
23Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.
24A baku mǝno ka, ɓeɓwa Yahudi mana à tunǝki ama Apolo, mǝnana pur nǝ nggeala Alizandǝriya ka, yiu a Afisu. Yì ka, ɓwa na ndanǝ sǝlǝ nacau, sǝ surǝ Malǝmce mala Ɓakuli kǝrkǝr. 25Acemǝnana yì ka, kum kanigir kǝrkǝr aɓa Njar mala Mǝtalabangŋo ka, nǝ ɓabum pina mǝgule sǝ kǝ hama andǝ kani aɓwana mǝsǝrǝ mǝsǝcau amur Yesu. Sǝ kat andǝ a mani ka, kǝ cau mala pa batisǝma mala Yohana na surǝ ce ka.
26Pǝlǝa Apolo tita nacau nǝ rǝcandǝa a ndakpapi. Lang Pǝrisǝla andǝ Akila okcau mana kǝ na ka, à tunǝi à o andǝi a ɓala malea, à kya mǝnggi wi ɓa njar mala Ɓakuli pepe.
27Lang Apolo bangŋǝna ama nǝ̀ o a Akaya ka, amǝkpata Ɓakuli ɓak ɓabumi ɓǝ̀ kyane. Pǝlǝa à gilǝ cautera aban ká aban amǝkwaɗi mǝnana a Akaya ka, ace mǝnana ɓǝa ak Apolo pepe ka. Lang bwalǝna Akaya ka, kya duk nggea gbasha mǝgule abanì, mǝnana aɓwana kum ɓwamuru mala Ɓakuli, à pǝlǝ amǝkpate ka. 28Yì ka, gandǝ amǝ Yahudi mǝnana à lo makgir nǝi ka nǝ cau, aɓalǝ aɓwana mana à ram kat ka. Kǝ lǝmndǝia wia aɓa Malǝmce mala Ɓakuli ama, Yesu nda Kǝrǝsti Mǝ'amsǝban.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2016