Emĩsyo 3
3
Omũyĩsa wʼamenge
1Mugala wage, Siwibirirawe erihana lyage;
Nĩkwa omutima wawe ategaye amategeko wage.
2Kusangwa ebiro bingi, nʼemĩtũta yʼobuyingo,
Nʼobuholo byasyakutomekerwako.
3Obubuya nʼekwenene
Suleke bĩkakũsĩganĩa.
Usengerebyo oko bĩkya byawe;
Usakebyo oko mutima wawe.
4Litya Wasyabana erĩsĩmwa nʼeriminya ndeke
Embere syʼameso wa Nyamuhanga nʼawʼabandu.
5Wĩkĩrĩraye Omwami Mukulu nʼomutima wawe gosĩ,
Sũyegemeraye obuminya bwawe.
6Omo syonzira syawe syosĩ umwahule,
Naye asyatũngananĩa esyonzira syawe.
7Subye wʼamenge omo meso wawe;
Gubahe Omwami Mukulu, Ũlũe oko bibi.
8Lyasyabya eritendera oko mubiri wawe,
Nʼemingoso omo makũha wawe.
9Ũsĩkaye Omwami Mukulu omo bũsokĩ bwawe,
Nʼomo buyilula bwʼerikanyirira lyawe lyosĩ.
10Litya ebigona byawe byasyũsũla mwʼebingi,
Nʼebikamiro byawe byasyatswaga mwʼebĩnyũ bihya-bihya.
11Mugala wage, supone erisuyira lyʼOmwami Mukulu;
Kutse suluhe busana nʼerikunga liwe.
12Kusangwa oyo Mwami Mukulu anzĩre akamukunga,
Ngoko ĩse akakunga mugala oyo akatsemera.
13Obutseme buli oko mundu oyukabana amenge,
Nʼomundu Oyukabana eriminya.
14Kusangwa eritunda lyabyo lyowene kwilaba eritunda lyʼekĩtsĩpa,
Nʼendũndĩ yabyo yĩlabĩre esyamagetsi esĩtũkwĩre.
15Igo ali nʼobũgũlĩ kwilaba erĩbwe lyʼamarĩjanĩ.
Kandi sihali ekindu ekyo wanganza ekyangalĩngĩrĩranĩbwa nago.
16Ebiro bingi biri omo byala byago byʼamali;
Nʼomo byala byʼamalembe muli ebindu nʼerĩsĩkya.
17Esyonzira syago ni nzira syʼerĩtsemesya,
Nʼesyombalu syago syosĩ ni buholo.
18Igo ni muti wʼengebe oko bakahambago kutsibu.
Nʼobutseme buli oko buli mundu oyukakakamirirago.
19Omwami Mukulu mwahĩra ekibanza kyʼekihugo omo menge;
Mwasĩkya ekyanya omo bowĩka.
20Omwʼiminya liwe emirindi moyagabana,
Nʼebĩtũ bĩkatogongaya ekimi.
21Omugala wage, suleke bĩkalũa omo meso wawe;
Ubike amenge awahĩkene nʼeriyisunako.
22Litya byasyabya engebe oko kĩrĩmũ kyawe,
Nʼerigenyera omo bĩkya byawe.
23Oko mugulu oyo wasyagenda omo nzira yawe mo buholo,
Nʼekisando kyawe sikyendĩsyatwĩkala.
24Omugulu ukagotsera, siwendisyubaha;
Ega, wasyagotsera, nʼotũgotserĩ twawe twasyasiha.
25Sigubahe obuba bwʼerĩsĩsĩrya,
Kutse erihera lyʼababi omugulu lĩkahĩka.
26Kusangwa Omwami Mukulu asyabya eriyiketera lyawe,
Asyateya ekisando kyawe sikihambawe.
27Sĩwĩme obubuya ukwʼabo batolerebo,
Omugulu uwite amaka omo byala byawe erikolakyo.
28Subwire mũlĩkyenyũ uti, Genda, wasyaswasa,
Nasyakuha omo ngyakya;
Omugulu unawitekyo hakũhĩ nawe.
29Sũganĩraye oko mũlĩkyenyũ kwʼekibi,
Kusangwa ĩkere hakũhĩ nawe nʼobuholo.
30Suhambalikane na mũlĩkyenyũ hate ekikaleka,
Amabya sialitakukola nabi.
31Sutsure omundu wʼomwaga,
Suyisoge enzira yiwe nʼenguma.
32Kusangwa abahengemĩre ni nye oko Mwami Mukulu;
Nĩkwa obwĩra buwe buli haguma nʼabatunganene.
33Eritakira lyʼOmwami Mukulu liri omo nyũmba yʼababi;
Nĩkwa akatsumula obwĩkalo bwʼabatunganene.
34Kwenene akasekereraya abasekanĩ.
Nĩkwa akakangaya olukogo oko bʼobũlĩge.
35Abʼamenge basyalya ebyalagawa byʼolukengerwa;
Nĩkwa esĩsonĩ syasyabya byambalo byʼabakĩrũ.
Currently Selected:
Emĩsyo 3: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.