Abanya Fĩlĩpĩ 1
1
1Ĩtwe Paũlo na Tĩmoteo, abagombe ba Kristo Yesu, tukabasakira, ĩnywe bandu bosĩ ba Nyamuhanga abĩkere eFĩlĩpĩ, abĩkĩrĩrye Kristo Yesu, haguma nʼabateya nʼabawatĩkya.
2Nyamuhanga Tata wetu nʼOmukama Yesu Kristo, abahe olukogo nʼobuholo.
Erisaba lya Paũlo busana nʼAbakristo
3Ngaha Nyamuhanga wage ewasĩngya busana nʼĩnywe bosĩ, emigulu yosĩ ngabibuka. 4Nʼemigulu yosĩ ngabasabira ĩnywe bosĩ, ngasaba nʼobutseme. 5Kusangwa mwabirisangira nage omo mũbĩrĩ wʼEngulu Yowene, erĩtsũka ekiro kyʼerĩmbere nʼerĩhĩka na lino. 6Neryo nyĩnasĩ mwatsi muguma oyũ, nyiti, oyo watsũka omũbĩrĩ owene omwisi wenyũ, ye Nyamuhanga, asyaberereryago erĩhĩka oko kiro kya Kristo Yesu. 7Litolere ĩnaganĩrya nyitya busana nʼĩnywe bosĩ, kusangwa muli oko mutima wage. Kusangwa ĩnywe bosĩ mwabirisangira nage omo mũbĩrĩ ogo Nyamuhanga abirimba omo lukogo luwe, omugulu indi omo mũlĩkĩ, kandi omugulu nabya ngalwira nʼerĩhanganĩa Engulu Yowene. 8Kusangwa Nyamuhanga anasĩ ngoko ĩnywe bosĩ ngabakwa olukando lunene omo lwanzo lwa Kristo Yesu.
9Ngabasabira nyiti, olwanzo lwenyũ lukanyirire kutsibu haguma nʼamenge nʼeriminya enzumwa yʼomwatsi. 10Imwatoka erĩsĩma ebibuya. Litya mukandisyatoka eribya babuya, butsira ekyangakungwa, erĩhĩka oko kiro kya Kristo. 11Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.
Kristo ni ʼbyaho lyetu
12Nyanzĩre muminye, balĩkyetu, nyiti emyatsi eyo yambĩkako ĩkawatĩkaya erĩtũla Engulu Yowene. 13Yabirireka abateya bosĩ bʼekikali, haguma nʼabandi bosĩ, ibaminya ko ndi omo mũlĩkĩ busana na Kristo. 14Kandi abalĩkyetu bangi babiriyiketera erikwama Omukama busana nʼomũlĩkĩ wage. Kandi babirihanda omutima erĩbũga ekĩnywa kya Yesu butsira eriubaha.
15Abandi bakatũla omwatsi wa Kristo busana nʼeritsura nʼomwaga. Nĩkwa abandi bakakangĩrĩraya nʼomutima owene, 16kusangwa bawite olwanzo, kandi banasĩ ko nahĩrawa erilwira Engulu Yowene. 17Abandi sĩbekanganaya Kristo omo kwenene, nĩkwa omo mutima wʼerĩyĩhamya, ĩbakaganĩraya erĩnyagalya omo mĩrĩkĩ yage.
18Si mwatsi! Ngatsema, kusangwa omo syonzira syosĩ Kristo anemũkanganĩbwa, nomo lyangabya omo mutima owene kutse omo mutima wʼomwaga. Kandi ngandisyaswatsema, 19kusangwa nyĩnasĩ nasyaboholwa busana nʼerisaba lyenyũ na busana nʼerĩwatĩkya erĩkalũa oko Mũlĩmũ wa Yesu Kristo. 20Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage. 21Kusangwa ũkwʼĩngye, engebe ni Kristo, nʼomwʼihola muli ndũndĩ! 22Nĩkwa lyamabya ngabyaho omo mubiri, nanganakola omũbĩrĩ mubuya. Sĩnyasĩ ekyo nangayisoga. 23Ngahatatanĩbawa omo katĩkatĩ kʼebibiri. Nyanzĩre erigenda nʼeribya na Kristo, kusangwa ekyo kyowene kwilaba. 24Nĩkwa eribyaho eno omo mubiri, lyo litolere kutsibu busana nenyũ. 25Kusangwa nabiriminya ekĩ, ngandĩsĩgala, nʼeribya haguma nʼĩnywe bosĩ busana nʼerĩbalolya emuliro omwʼĩkĩrĩrya lyenyũ, nʼobutseme bwenyũ. 26Mwasyatoka erĩyĩsyandira ndeke omwisi wa Kristo busana nage namaswabahĩkako.
27Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo. 28Simubahe nʼahake esyonzĩgũ syenyũ, ekĩ kĩkamĩnyĩsayabo ngoko bakandisyahera. Nĩkwa ĩnywe mukandisyalama, kusangwa ebyosĩ bĩkalũa ewa Nyamuhanga. 29Busana na Kristo mwabirihabwa obubuya obũ obwʼerĩmwĩkĩrĩrya, nĩkwa butsira erĩ risa, nĩkwa obubuya bwʼeriagalwa busana naye. 30Imunemulwa amalwa ago mwalangira ngalwa, na lino mũkowa ngalwa.
Currently Selected:
Abanya Fĩlĩpĩ 1: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
Abanya Fĩlĩpĩ 1
1
1Ĩtwe Paũlo na Tĩmoteo, abagombe ba Kristo Yesu, tukabasakira, ĩnywe bandu bosĩ ba Nyamuhanga abĩkere eFĩlĩpĩ, abĩkĩrĩrye Kristo Yesu, haguma nʼabateya nʼabawatĩkya.
2Nyamuhanga Tata wetu nʼOmukama Yesu Kristo, abahe olukogo nʼobuholo.
Erisaba lya Paũlo busana nʼAbakristo
3Ngaha Nyamuhanga wage ewasĩngya busana nʼĩnywe bosĩ, emigulu yosĩ ngabibuka. 4Nʼemigulu yosĩ ngabasabira ĩnywe bosĩ, ngasaba nʼobutseme. 5Kusangwa mwabirisangira nage omo mũbĩrĩ wʼEngulu Yowene, erĩtsũka ekiro kyʼerĩmbere nʼerĩhĩka na lino. 6Neryo nyĩnasĩ mwatsi muguma oyũ, nyiti, oyo watsũka omũbĩrĩ owene omwisi wenyũ, ye Nyamuhanga, asyaberereryago erĩhĩka oko kiro kya Kristo Yesu. 7Litolere ĩnaganĩrya nyitya busana nʼĩnywe bosĩ, kusangwa muli oko mutima wage. Kusangwa ĩnywe bosĩ mwabirisangira nage omo mũbĩrĩ ogo Nyamuhanga abirimba omo lukogo luwe, omugulu indi omo mũlĩkĩ, kandi omugulu nabya ngalwira nʼerĩhanganĩa Engulu Yowene. 8Kusangwa Nyamuhanga anasĩ ngoko ĩnywe bosĩ ngabakwa olukando lunene omo lwanzo lwa Kristo Yesu.
9Ngabasabira nyiti, olwanzo lwenyũ lukanyirire kutsibu haguma nʼamenge nʼeriminya enzumwa yʼomwatsi. 10Imwatoka erĩsĩma ebibuya. Litya mukandisyatoka eribya babuya, butsira ekyangakungwa, erĩhĩka oko kiro kya Kristo. 11Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.
Kristo ni ʼbyaho lyetu
12Nyanzĩre muminye, balĩkyetu, nyiti emyatsi eyo yambĩkako ĩkawatĩkaya erĩtũla Engulu Yowene. 13Yabirireka abateya bosĩ bʼekikali, haguma nʼabandi bosĩ, ibaminya ko ndi omo mũlĩkĩ busana na Kristo. 14Kandi abalĩkyetu bangi babiriyiketera erikwama Omukama busana nʼomũlĩkĩ wage. Kandi babirihanda omutima erĩbũga ekĩnywa kya Yesu butsira eriubaha.
15Abandi bakatũla omwatsi wa Kristo busana nʼeritsura nʼomwaga. Nĩkwa abandi bakakangĩrĩraya nʼomutima owene, 16kusangwa bawite olwanzo, kandi banasĩ ko nahĩrawa erilwira Engulu Yowene. 17Abandi sĩbekanganaya Kristo omo kwenene, nĩkwa omo mutima wʼerĩyĩhamya, ĩbakaganĩraya erĩnyagalya omo mĩrĩkĩ yage.
18Si mwatsi! Ngatsema, kusangwa omo syonzira syosĩ Kristo anemũkanganĩbwa, nomo lyangabya omo mutima owene kutse omo mutima wʼomwaga. Kandi ngandisyaswatsema, 19kusangwa nyĩnasĩ nasyaboholwa busana nʼerisaba lyenyũ na busana nʼerĩwatĩkya erĩkalũa oko Mũlĩmũ wa Yesu Kristo. 20Kusangwa erisonda lyʼomutima wage, nʼamaha wage biti, sinyihemulawe omo mwatsi nʼomuguma embere sya Nyamuhanga. Nĩkwa nyikole emigulu yosĩ, na lino, omo butubaha, Kristo ahamĩbawe omo mubiri wage, kutse omwʼibyaho lyage, kutse omo luholo lwage. 21Kusangwa ũkwʼĩngye, engebe ni Kristo, nʼomwʼihola muli ndũndĩ! 22Nĩkwa lyamabya ngabyaho omo mubiri, nanganakola omũbĩrĩ mubuya. Sĩnyasĩ ekyo nangayisoga. 23Ngahatatanĩbawa omo katĩkatĩ kʼebibiri. Nyanzĩre erigenda nʼeribya na Kristo, kusangwa ekyo kyowene kwilaba. 24Nĩkwa eribyaho eno omo mubiri, lyo litolere kutsibu busana nenyũ. 25Kusangwa nabiriminya ekĩ, ngandĩsĩgala, nʼeribya haguma nʼĩnywe bosĩ busana nʼerĩbalolya emuliro omwʼĩkĩrĩrya lyenyũ, nʼobutseme bwenyũ. 26Mwasyatoka erĩyĩsyandira ndeke omwisi wa Kristo busana nage namaswabahĩkako.
27Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo. 28Simubahe nʼahake esyonzĩgũ syenyũ, ekĩ kĩkamĩnyĩsayabo ngoko bakandisyahera. Nĩkwa ĩnywe mukandisyalama, kusangwa ebyosĩ bĩkalũa ewa Nyamuhanga. 29Busana na Kristo mwabirihabwa obubuya obũ obwʼerĩmwĩkĩrĩrya, nĩkwa butsira erĩ risa, nĩkwa obubuya bwʼeriagalwa busana naye. 30Imunemulwa amalwa ago mwalangira ngalwa, na lino mũkowa ngalwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.