3 Yoane 1
1
1Ĩngye mukulu ngakusakira uwe Gayo mwanze, oyo nyanzĩre kwenene. 2Uwe mwanze wage, ngasaba nyiti, emyatsi yawe yosĩ yowane, kandi ukote ngoko mutima wawe akũwana. 3Kusangwa monatsema kutsibu ekiro abalĩkyetu bahĩka nʼerĩtũlago ngoko uli omo mwatsi wʼekwenene, kandi ngoko ũkwamĩre ndeke omwatsi wʼekwenene.
4Sihali ekĩkanyĩtsemesaya ngʼerĩowa ngoko abana bage bakakwama ndeke omwatsi wʼekwenene.
Eripipa Gayo
5Uwe mwanze wage, Sulitalegula umwʼebyo ukakola erĩwatĩkya abalĩkyetu, nomo bangabya bagenĩ bʼehali. 6Nabo bakakũkanaya omo kanĩsa, omwatsi wʼolwanzo lwawe. Nawe wasyakola ndeke wamakwamanĩsyabo omo nzira yabo, ngoko litolere embere sya Nyamuhanga. 7Kusangwa bagenda omo lugendo omo mũbĩrĩ wa Kristo, kandi abatĩkĩrĩrye sibetahabo ekindu kyʼerĩwatĩkyabo. 8Neryo litolere ĩtwakokya abandu ngʼabo, neryo ĩtwe itwatoka erisangira haguma nabo omo mũbĩrĩ wʼomwatsi wʼekwenene.
Omwatsi wa Dĩotrefe na Demetrĩo
9Monasakira ekanĩsa ebarua, nĩkwa Dĩotrefe, oyo wanzĩre eribya mukulu wa kubo, Sĩalĩrĩga ebyo tũkabũga. 10Busana nʼomwatsi oyũ, ekiro nasyayayo, nasyahũlũkya emĩbĩrĩ eyo akakola, busana nʼebĩnywa bibi ebyo akatuhandikirira, omo mabehĩ. Kandi kwilaba aho sĩalĩkokaya abalĩkyetu, ĩnĩakakakĩraya abanzĩre erĩkokya abandu, nʼerihigabo omo kanĩsa.
11Uwe mwanze wage, sũgerereraye ekibi, nĩkwa ũgerereraye ekibuya. Oyukakola ebibuya ni wa Nyamuhanga. Nĩkwa oyukakola ekibi sialitasunga Nyamuhanga.
12Abandu bosĩ bakatũla omwatsi owene busana na Demetrĩo. Kandi omwatsi wʼekwenene akamwahula ndeke nibya. Netu nibya tũkatũlago tutya, nenyũ mũnasĩ ngoko tũkatũlago kwenene.
Erĩkerya erikabuga ebarua
13Nabya nʼemyatsi mingi yʼerĩkũtũlĩra, nĩkwa sĩnyanzĩre erikusakirabyo omo kalamu nʼobwĩno. 14Nĩkwa indi nʼamaha erikulolako lũba, neryo twasyakanĩa obũsũ oko bũsũ. 15Obuholo bubye nenyũ. Abĩra betu bakakũkeraya. Ũkeraye abĩra betu mo lĩna-lĩna.
Ĩngye YOANE.
Currently Selected:
3 Yoane 1: KB80
Highlight
Copy
Compare
Share
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.