Ndung'eta e Rashe 3
3
Enkikoo naipirta ilbarnot
1Enkerai ai, mincho kirikino inkiteng'enat aainei kake inchoo oltau lino eibung inkitanapat aainei. 2Amu keaku inkolong'i kumok o larin le nkishui ino, nikincho enkiputakinoto e enkishon. 3Mincho esujata oo sipat o enkirukoto kiorore; teeniki ninche emurt ino, tisira ninche te mbao o ltau lino. 4#Lk 2.52 Metaa itum omom o enkisisa sidai te dukuya Enkai o tung'ani.
5Isiliga Olaitoriani to ltau lino pooki, nimipik osiligi le ng'eno ino metaa ninye nikirik. 6Ore too nkoitoi inono pooki imbalie ninye naa keitorioo ninye inkoitoi inono pooki. 7#Irm 12.16 Miaku oloota eng'eno too nkonyek inono makewan, turia Olaitoriani, nimbelekenya aing'uaa ntorrok. 8Keaku enkishiunoto to sesen lino, neaku olchani too loik linono. 9Iyanyita Olaitoriani too ntokitin inono, o too lng'anayio le dukuya le nkurma ino. 10Neaku ebore impechen inono enkumoi, neiput imalasin inono enaisho oo sabibu nedooyo.
11 #
Yoa 5.17
Enkerai ai, mimenaa enkitamioto e utaroto nikiosh Olaitoriani; arashu inauru te rerioroto nikirere, #Ilh 12.5-6 12#Emb 3.19 amu kererioo Olaitoriani ilo onyor anaa olpayian orerioo enkerai enye nanyor. 13Emayiana oltung'ani otum eng'eno nagut, oltung'ani otum eyiolounoto. 14Amu ore dupoto enye nelang dupoto e nkosholai ore sii dupoto enye nelang sahabu. 15Eeta ninye tipat alang isoito oogol enkinyang'a, nemeeta entoki niyieu nindim aitanyaanyukie ninye. 16Etii enkishui naado atua enkaina enye e tatene, ore atua enkaina enye e kedienye netii enkarsisisho o enkanyit. 17Ore inkoitoi enyena naa inaaitishipisho, ore nkoitoi enyena pooki naa eseriani. 18Ore ninye naa olchani le mpuaan te lelo ooibung ninye; ore lelo oibung aakurraki naa keji ilooshipa.
19Eitobira Olaitoriani enkop te ng'eno nagut, ore te yiolounoto eitasheyie keper o ntokitin naatii. 20Te ng'eno enye eitayio ineegut, ore inkatampo neitadou enkoileelio.
21Enkerai ai, imbung'a eng'eno sidai o eyiolounoto; mincho ninche kisik aaing'uaa, 22naa keaku enkishui to ltau lino, naa emasaai sidai e murt ino. 23Neaku ilo te nkoitoi ino iserian, nemerrorro enkeju ino. 24Tinilo niton, nimiata enkuretisho; tinirrag airura, naa kemelok injo inono. 25Miure olkirutoto likiluam, arashu emutata oo larruok te nelotu. 26Amu keaku Olaitoriani osiligi le nkitashoto ino, naa kerrip enkeju ino pee meibung'i.
27Mimitiki isidain ilooishaakino ina kata aa iyie oota enkidimata pee ias. 28Mijoki olelatia lino, “Shomo pee intoki ashukunye, ekaaisho metabaiki” – ti niata ina kata ina toki. 29Mintobiraki ole latia ino entorroni ainyal, lelo ootoni kisilig tembata ino. 30Miarare oltung'ani metii esipata, eitu kintaas iyie entorroni. 31Migilaki ong'u oltung'ani onyor olarrabal, nimigelu hoo nabo oo nkoitoi enyena. 32Amu ore oltung'ani ogolong'u naa olminong#3.32 olminong enturuj, entoki naiduruk naa entaboi teneasi to Laitoriani, kake ore lelo ooitashe too sipat netii atua enkisiligata enye. 33Etii oldeket le Nkai shumata enkaji oo larruok, kake kemayian ninye emanyisho oo supati. 34#Yko 4.6; 1 Pet 5.5 Ore lelo oomenisho naa kemanaa ninye, kake ore iloobor neisho omom. 35Ore oltung'ani ng'en naa kejung enkanyit, kake ore ilmoda netum enkurruna.
The Bible in Maasai © United Bible Societies, 1991.