Enkikena ENAITURUK
ENAITURUK
Ore embuku e NKIKENA nelimu enkatini oo Siraeli te rishata natinyikaka ilarin artam eiteru te rishata natung'uaitie oldoinyo le Sinai o metabaiki o loo saen lo lpolosie leina kop apa naisiligie Enkai ajo keisho ninche. Ore enkarna ena buku neutu ajo eikena Musa olorere to ldoinyo le Sinai eton eitu edumunye aapuo, neigili ake te Moab, te nkalo o loosaen le Yordan, te kurum e ishoi natulusoyie. Ore teina rishata e nena kikenat are, eshomo Isiraeli Kadesh-Barnea te nkalo e kopikop o lpolosie le Kanaan, kake eitu ejing ninche ina kop naisiligieki teine. Ore eishutua ilarin kumok teina kop nepuo enkop o loo saen lo lkeju le Yordan, aa ine etamanya eseshata o lorere ore olikae orere nerretena peyie elang'aki Kanaan to lkeju le Yordan.
Ore embuku e Nkikena naa imbaa naaipirta iltung'ana oo talepori iltauja netureishote sii too ng'olikinot, ore tenkaraki ina negolong'aki aagilunore Enkai tenebo Musa, ilo tung'ani laa ninye apa etegelua Enkai metorikoi ninche. Enkatini nautu Enkai naisiligayu, natagarrama agolie iltung'ana lenyena hoo netashala netogolong'utua ninche. Kidol sii enyorrata nauno e Musa, hoo naa elo ake sii ninye nelau eng'iriata, oltau ouno te Nkai o ltung'ana lenyena.
Iorot oo Matuan
Eterretenate Isiraeli peyie eing'uaa Oldoinyo le Sinai 1.1–9.23
a. Enkikena e dukuya 1.1–4.49
b. Inkitanapat o nkoon kumok 5.1–8.26
c. Eng'iroroto e Are naji Pasaka 9.1-23
Eiteru to ldoinyo le Sinai o metabaiki Moab 10.1–21.35
Imbaa naataasaki te Moab 22.1–32.42
Imbaa te ndorropo e lototo eiteru te Misiri o metabaiki Moab 33.1-49
Enkikoo eton eitu elang'i olkeju le Yordan 33.50–36.13
Currently Selected:
Enkikena ENAITURUK: MBS
Highlight
Copy
Compare
Share
Want to have your highlights saved across all your devices? Sign up or sign in
The Bible in Maasai © United Bible Societies, 1991.