Enkikena 27
27
Ntoyie e Selefehad
1Neitoki aanyiku nena toyie e Selofehad olayioni le Hefer, olayioni le Gilead, olayioni le Makir, olayioni le Manase, olayioni le Yosef. Ore apa nkarn e nena toyie enyena naa: Mahala, o Noa, o Hogla, o Milka, o Tirsa. 2Neitashe ninche te dukuya Musa o Eliesa ilo apolosani, o te dukuya lelo arikok o ina umata, te kutukaji e ilo ng'obor le ntumo, ejo, 3“Etua apa papa lang tiong'ota; metii apa ninye ina umata, e lelo ooiturrurrote aapaashare Olaitoriani te ncholuek e Kora, kake etua te nkaraki eng'oki enye makewan; nemeeta apa layiok. 4Kainyoo naa pee eiwuang'ieki enkarna e papa lang to lmarei lenye, enkaraki nemeeta olayioni? Nchoo iyiook erubata ti atua ilalashera le papa.”
5Neyau Musa ilo omoni lenye dukuya Olaitoriani. 6Nejoki Olaitoriani Musa, 7#Enki 36.2 “Etisipa nena toyie e Selofehad; nchoo ninche erubata e njung'ore ti atua ilalashera le menye, nincho ina jung'ore e menye lenye meshomo aaku enenye, 8Nijoki iyie iltung'ana le Israel, ‘Te neye oltung'ani, nemeeta olayioni, nincho enjung'ore enye meshomo aaku ene ntito enye. 9Naa te nemeeta entito, nincho enjung'ore enye eaku enoo lalashera lenyena. 10Naa te nemeeta lalashera, nincho naa enjung'ore enye ilalashera le menye. 11Naa te nemeeta menye lalashera nincho naa enjung'ore enye oltung'ani lenye, laa ninye onyikare olmarei lenye, pee eya ninye. Naa keaku ena too ltung'ana le Israel enkitanapata o enkikoo, anaa enaitanapa Olaitoriani Musa.’ ”
Etegeluaki Yoshua metaa oloya enkitoo e Musa
(Enkig 31.1-8)
12 #
Enkig 3.23-27, 32.48-52 Nejoki Olaitoriani Musa, “Ilepa shomo enchumata ele doinyo le Abarim, pee idol ena kop naishoo nanu iltung'ana le Israel. 13Naa ore ake pee indip atoduaa ninye, nintoki sii iyie alo eneiturrure iltung'ana linono apa ootuata anaa apa enashomo olalashe lino Aron, 14enkaraki nitogolong'aka ororei lai ti ong'ata e Sin, ina kata apa eing'unyung'uny eumata maayanyit aaitisiny nanu te nena ariak apa naatii dukuya nkonyek enye. (Nkariak kuna e Meriba e Kadesh tiong'ata e Sin.) 15Nejoki Musa Olaitoriani, 16“Nchoo Olaitoriani, Enkai oo nkiyang'eta e pooki naaishu, egelu oltung'ani oitasheiki ena umata, 17#1 Ilai 22.17; Esek 34.5; Mat 9.36; Mk 6.34 oipang alo dukuya ninche, nejing'u alotu te dukuya ninche, orikoo ninche aipang'ie neriku ninche aitijing'u; pee metiu eumata o Laitoriani anaa nkerra nemeeta olchekut.” 18#Ena 24.13 Nejoki Olaitoriani Musa, “Iwa Yoshua olayioni le Nuni, ilo tung'ani otii enkiyang'et atua ninye, ninteleiki nkaik shumata ninye; 19nchoo ninye meitasho te dukuya Eliesa ilo apolosani o ina umata pooki, nintanap aisho enkitoo te dukuya ninche. 20Nchopoki ninye embata e nkitoria ino, pee etum eumata pooki oo ltung'ana le Israel aatoning. 21#Ena 28.30; 1 Sam 14.41, 28.6 Naa keitashe ninye te dukuya Eliesa ilo apolosani, laa ninye oikilikuanisho te nkaraki ninye, te nkiguana e Urim te dukuya Olaitoriani; to rorei lenye eipang ninche aapuo naa to rorei lenye ninche ejin'u atua, ninye o ltung'ana pooki le Israel ootii te nebo ninye, ina umata pooki.” 22Neas Musa anaa enaitanapa Olaitoriani; neya ninye Yoshua neitasheyie ninye te dukuya Eliesa ilo apolosani, o ina umata pooki, 23#Enkig 31.23 neiteleiki ninye nkaik enyena shumata ninye, neitanap ninye aisho enkitoo anaa enatuutua Olaitoriani aimunye Musa.
Currently Selected:
Enkikena 27: MBS
Highlight
Copy
Compare
Share
Want to have your highlights saved across all your devices? Sign up or sign in
The Bible in Maasai © United Bible Societies, 1991.
