Matayo 19
19
Enatejo Yesu te neoro olee o enkitok enye
(Mk 10.1-12)
1Ore pee eidip Yesu atejo kuna baa neing'uaa Galilaya nelotu enkop e Yudea te lido kekun Yordan; 2nesuj ninye isiamon kumok; neishiunye ninche te ine.
3Nepuonu Ilfarisayo enetii aatem aajoki, “Kebara te neorore oltung'ani enkitok enye te pooki bae?” 4#Enk 1.27, 5.2 Newaliki ajoki, “Keitu isomama aajo ore oloitobira ninche te nkiterunoto, eitobira olee o eng'oruoi? 5#Enk 2.24 Nejo ninye te nkaraki ena eing'uaa olee menye o ng'otonye neibung'are enkitok enye, neaku ninche pokira osesen obo? 6Metaa meekure aa are, kake osesen obo. Ore enaidikidiko, Enkai, mincho erish oltung'ani.”
7 #
Enkig 24.1-4; Mat 5.31 Nejoki ninche ninye, “Ainyoo naa pee eitanapishe Musa meishori empalai e oro, neing'uaro?”
8Nejoki, “Eishoo Musa intae entoorore inkituaak inyi enkaraki engolon oo ltauja linyi, kake mme neijia apa etiu te nkiterunoto. 9#Mat 5.32; 1 Ilkor 7.10-11 Ajoki nanu intae, ore pooki ng'ae oorore enkitok enye neme enkaraki eloloito neyam ae, netololoite, ore oloyam enda natoororeki naa keloloito.”
10Nejoki ilooiteng'eni ninye, “Te naa inji naa etiu, embae o lmoruo o enkitok enye, meeta tipat enkiyama.”
11Nejoki ninye ninche, “Mme pooki ooidim aatang'amai ele rorei, kake lelo ake ooishoro. 12Amu etii ilooini aa sunashi too nkoishuaa oo noo ng'otonye, netii iloogelem iltung'ana, netii ilooitaa ate sunashi te nkaraki enkitoria e shumata. Ore ilo oidim atang'amu ena, inchoo eng'amu.”
Etamayiana Yesu nkera kutiti
(Mk 10.13-16; Lk 18.15-17)
13Neyakini ninye inkera kutiti pee eiteleiki nkaik enyena, neomonoki; neisikong ilooiteng'eni lenyena ilooyautua. 14Nejoki Yesu, “Entapal inkera kutiti emimitiki epuonu enatii, emimitiki amu enoo naatiu anaa kuna enkitoria e shumata.”
15Neiteleiki ninche inkaik enyena nelo te ine.
Olbarnoti karsis
(Mk 10.17-31; Lk 18.18-30)
16Ng'ura, nelotu oltung'ani nejoki, “Olaiteng'enani, kaa bae naikishiaan aas pee atum enkishui nemeish?”
17Nejoki ninye, “Ainyoo pee kinkilikuan nanu inenkishiaa? Obo ake eetai aa supat; te naa iyieu nijing atua enkishui, imbung'a inkitanapat.”
18 #
Ena 20.13-16; Enkig 5.17-20 Nejoki, “Akua?” Nejoki Yesu, “Kuna, miar metua, miloloito, mipurrisho, minchakenoki elejare. 19#Ena 20.12; Enkig 5.16; Ilaw 19.18 Iyanyita minyi o ng'utunyi, tonyorra ole latia ino anaa kewan.”
20Nejoki ilo barnoti ninye, “Aidipa aibung'a nena pooki: ainyoo ae naatong'orikia?”
21Nejoki Yesu, “Te naa iyieu niaku bayaroti, shomo timira masaa pooki niaata, inchoo ilaisinak, neaku iata olchumati te shumata, nikilotu asuj.”
22Ore pee ening ilo barnoti ilo rorei, nelo eisinanuo amu eata masaa kumok.
23Nejoki Yesu ilooiteng'eni lenyena, “Esipa ajoki intae nchere egol pee ejing olkarsis enkitoria e keper. 24Naitoki ajoki intae, kelelek te ntames eim enaudoto o ltidu alang olkarsis ejing enkitoria e keper.”
25Ore pee ening ilooiteng'eni lenyena neing'asia oleng nejo, “Aing'ae naa oidim atajeu?”
26Nekurraki Yesu nkonyek nejoki ninche, “Meidimayu ina too ltung'ana, kake eidimayu pooki te Nkai.”
27Newaliki Petero te ina kata ajoki, “Ng'ura kitung'aitie iyiook pooki toki, nikisuj iyie, ainyoo naa kenya kitum?”
28 #
Mat 25.31; Lk 22.30 Nejoki Yesu ninche, “Esipa ajoki intae, ore intae likitusuja nanu, ore te nkop ng'ejuk te neton akenya Enkerai e Tung'ani to lorika le nkitoo enye, ore intae likitusuja nanu nitonini sii intae too lorikan tomon o aare aaiguanare lelo oshon tomon o aare le Israel. 29Naa ore pooki ng'ae otung'uayie inkajijik, anaa lalashera, anaa nkanashera, anaa menye anaa ng'otonye, anaa nkera, anaa nkurman te nkaraki enkarna ai naa ketum ninche enaalus enkishui nemeish. 30#Mat 20.16; Lk 13.30 Kake keaku ilkumok le dukuya ile siadi, neaku ile siadi ile dukuya.
Currently Selected:
Matayo 19: MBS
Highlight
Share
Copy
Want to have your highlights saved across all your devices? Sign up or sign in
The Bible in Maasai © United Bible Societies, 1991.
