Ilawi 12

Enkisujata oo nkituaak eidipa aatoisho

1Nejoki Olaitoriani Musa, 2Tiaaki iltung'ana le Israel, tenenutayu enkitok, neiu enkayioni, neaku ninye enaiduruk too nkolong'i naapishana anaa te rishata enye o lapa, neiduruku ninye. 3#Enk 17.12; Lk 2.21 Ore te nkolong e isiet nemurati ina ayioni. 4Neitoki ninye abik nkolong'i tomoni uni oo kuni teilo sarge lenye le nkitisinyata; nemeishori ninye meiseyie entoki sinyati aashu elotu atua enkaji Enkai o metaba anaa neishunye nkolong'i enyena enkitisinyata. 5Kake teneiu ninye entito, nebik ninye nkolong'i tomon oo ng'uan anaa te rishata enye olapa, nebik ninye teilo sarge lenye lenkitisinyata nkolong'i ntomoni ile o ile. 6“Ore pee eishunye nkolong'i enyena enkitisinyata aa to layioni aashu te ntito, neyaki ninye olapolosani te kutukaji olng'obor le ntumo olkuoo le ker lo lari obo oaku olasar opejori, o enturkuluo kiti aashu nturkuluoni naaku olasar le ng'oki. 7Neishooyo olapolosani te dukuya Olaitoriani neitobir olning'o lo osotua te nkaraki ninye, nesinyayu ninye teina rukunoto osarge lenye. Ena ninye enkitanapata tialo ina naiu enkerai aa enkayioni aashu entito. 8#Lk 2.24 Naa tenemeidim ninye anoto olkuoo le ker, neya ninye nturkuluoni are aashu nturkuluoni are kutiti, nabo te nkaraki olasar opejori o enkae te nkaraki olasar le ng'oki. Neitobir olapolosani olning'o lo sotua te nkaraki ninye, nesinyayu ninye.”

Currently Selected:

Ilawi 12: MBS

Highlight

Copy

Compare