Hosea 6
6
Enkirridunoto oo ltung'ana e nkeleekisho
1“Wootu, matorrinyokinoto Olaitoriani; amu etopolosa pee etum aishiunye iyiook; etoosho ninye naa kelo aen iyiook. 2Ore te siadi nkolong'i are neitopiu ninye iyiook; ore te nkolong e uni nedumu ninye iyiook maitasheito, pee kitum aataa aikinchu te dukuya ninye. 3Matayiolo iyiook, matonyok aapuo dukuya, aayiolou Olaitoriani; Ore elotunoto enye, esipa kelotu ninye anaa enkakenya anaa enchan o loirujuruj naitashal enkop.” 4Kaa nanu aaitaas iyie Efraim? Kaa nanu aaitaas iyie Yuda? Etiu enyorrata ino anaa enkatampoi o sina, anaa enkoileelio nasiooyo aishunye. 5Ore enkaraki ina atudung'udung'o nanu ninche too loibonok laainei, atara nanu ninche metuata too rorei le nkutuk ai, naa keipang'aki ninche enkiguana ai anaa ewang'an. 6#Mat 9.13, 12.7 Amu enyorrata nauno nanu ayieu, mme olasar, eyiolounoto e Nkai alang nkishorunot. 7Kake ore te Adam netigila ninche olning'o; ore teine naaitaasa ninche nanu te nkeleekisho. 8Ore Gilead naa enkanasa oo larruok, naitunyokino osarge. 9Ore anaa enairrag ilapurrok aanyu oltung'ani, neijia eikununo ilapolosak eibung'ate te nebo; neitayu iloikop te nkoitoi e Shekem, ee, neas mbaa torrok oleng. 10Ore ti atua enkaji e Israel atoduaa nanu embae busus oleng; ine etii eloloito e Efraim, neidurukie Israeli. 11Ore sii ti alo iyie Yuda, kitegelakaki enkisampuare Ina kata te narrinyu nanu lelo tung'ana laainei te sinkaisho.
The Bible in Maasai © United Bible Societies, 1991.