2 Ilsesalonike 2
2
Lido torrono
1 #
1 Ils 4.15-17
Ore ti alo elotunoto o Laitoriani lang Yesu Kristo o enkiturrurroto ang pee kinang'are ninye, kisai iyiook intae, ilalashera 2eminchosho eirrirri indamunot inyi aasioki aashu eituria neme te nkiyang'et to rorei aashu te mpalai naji iyiook eing'uaa eji etabawua Enkolong o Laitoriani. 3Eminchosho ake oltung'ani elej intae te pooki oitoi, amu melotu ina olong te neme eserserisho nalotu te dukuya, neibalunyieki ilo tung'ani le ngogong'i, enkerai e nkiminata, 4#Dan 11.36; Esek 28.2 okeshisho neilepie kewan eiba pooki toki ake ninye naji enkai aashu ina naseremi, neitoton kewan to lorika te nkaji e Enkai, nelikioo kewan eitaa kewan Enkai. 5Aimidamumu intae aajo ore apa aboitare intae atolikio intae ena? 6Niyiololo intae entoki neton eibokito taata pee etumi aaibalunye ninye te nkata enye. 7Amu ore ina kisudoroto e ngogong'i neasisho taata, ore ilo oibooyo ninye neiko neijia o metaba anaa neiwuang'ieki ninye. 8#Isa 11.4 Ore ina kata neibalunyieki ilo torrono, naa kear Olaitoriani Yesu te ntooma e nkutuk enye, naa keidaikie Ninye ninye te liooto enye o te lotunoto enye. 9#Mat 24.24 Ore te lotunoto e ilo torrono te ngolon e shetani, neasi te nkidimata pooki ilmonek le lejare o ne nking'asia, 10neleji lelo ooimin te monkoi e ntorroni amu etanyaita ninche enyorru esipata naidim aitajeu ninche. 11Neaku eirriwaka ninche Enkai enkitarruorroto nagol, meiruko enda e monkoi, 12pee etumi aaiguanara lelo pooki lemeiruk esipata kake eshipakino entorroni.
Etegeluaki intae aaitajeu
13Kincho oshiaake Enkai enashe te nkaraki intae ilalashera oonyorri to Laitoriani, amu etegelua apa intae Enkai ebaiki enkiterunoto pee eitajeuni te nkoitoi e nkitisinyata te Nkiyang'et o te nkirukoto ti atua esipata. 14Eipotoko ninye intae ena oo Lomon Supati likiyakita iyiook intae pee itumutumu enkitoo e nkisisa o Laitoriani lang Yesu Kristo. 15Ore naa ilalashera, entasheito emiseuseu embung'a entukurraki olkerreti likituutakita iyiook intae to rorei le nkutuk aashu te mpalai.
16Ore ninye Olaitoriani lang Yesu Kristo makewan, o Enkai Papa lang ootonyorra iyiook, neisho iyiook enkilejilej oo ntarasi o siligi sidai oing'uaa empiris, 17meilejileja iltauja linyi neitasheiyie ninche ti atua enkiaas pooki sidai o to rorei.
The Bible in Maasai © United Bible Societies, 1991.