Taasipane 26
26
Saka kingipusale ku taasipane ki umawmase
1Sa idrengere ku swalrubu, ku Tamatama kawariva ki Musi si lalake ki Arungu ka Ilriazare, 2“Kunumi asipa kwini laumawmase ki swa Iseraylri makanaelre, si sudaane singibila asipi, la malra kwidra ki walribatenga ki taramapusale ku cailini, ku wadulru kikaruburu ku sawvalai pakipacase.” 3-4Ku Musi si Ilriazare la malra sarubu kwini ki yakai kwini ki caili ku umawmase. Kwini lalasu la isarubu ikai dratane Muabe ki babiabila kadravane Yuredange ka balrealreanane Yeriku.
Ku singikai Izipiti ku swa Iseraylri ku umawmase yakai ku:
5Swa Riwbingi (Kai Riwbingi takatakanga ka lalake ki Yakubu), paelre ki zuku ki Hanuke, Palu, 6Hezerunge, si Karemi ka lamaretetese; 7ku nipakipacasane ku umawmase patuelrelringa yakai ku 43,730. 8Ku mwabaibalrithi ki Palu yakai ku Ilriabe, 9si lalake ki Ilriabe ka Nemule, Dathane, Abirame. (Kai Dathane si Abirame pilri ki mapapangale; kwini lalasu kiaeceecebe ki Musi si Arungu, si kielrelre tupapalra ki Kura, si baebalre ki Tamatama. 10Kai kadaengane la manunganga si thamukulu liniane. Sa lama kwini ki 250 ku umawmase, kwini lalasu twapapalra ki papalra ki Kura si pacai, si ka amani ku sapaukuludrane ki mapapangale. 11Ai kwini lalalake ki Kura kai wapacai.)
12Swa Simiune: Amani kai zuku ki Nemule, Yamingi, Yakingi, 13Zera, Saule ka lamaretetese; 14ku kiapacase yakai ku 22,200.
15Swa Gade, amani kai Zipunu, Hagi, Suni, 16Uzeni, Ilri, 17Arude si Areli ka lamaretetese. 18Ku kiapacase yakai ku 40,500.
19-21Swa Yuda, amani kai zuku ki Sela, Pereze, Zera, Hezerunge si Hamure ka lamaretetese. (Tadrusa ka lalake ki Yuda ka Ire si Unange wapacainga ikai Kanange.) 22Kikai kiapacase ki lamaretetese ku umawmase ta 76,500.
23Swa Isakare, amani kai zuku ki Tula, Pua, 24Yasube si Simerunge ka lamaretetese. 25Ku kiapacase ta 64,300.
26Ku zuku ki Zibulungu, amani kai Serede, Ilune si Yahele ka lamaretetese. 27Kikai kiapacase ta 60,500.
28Ku zuku ki Yusepe, amani kai lalakeini ka Manase si Iparaime la mau drusa ka zuku.
29Ku zuku ki Manase, ku Manase twalalake ki Makire, ku Makire twalalake ki Gileade. 30Ku Gileade amani ku tasingikaiyane ki Zire, Heleke, 31Aseriele, Sekeme, 32Semida si Hepere ka cucungulane ki lamaretetese. 33Ku lalake ki Zelupehade ka Hepere kadrwa ku sawvalai, kathane ku labaibai; ku nagane lini amani kai Mahela, Nua, Hugela, Mileka si Tireza. 34Kikai lamaretetese ku kiapacase yakai ku ta 52,700.
35Swa Iparaime, amani kai maretetese ka Suthela, Bekere si Tahane, 36si ikaiyana kai mwabaibalrithi ki Suthela ka wa Iranane. 37Kikai lamaretetese ku kiapacase yakai ku ta 32,500.
Kikai amani ka taidrusane ka maretetese ka mwabaibalrithi ki Yusepe.
38Zuku ki Biniyamingi, amani kai Bila, Asebele, Ahirame, 39Sepupame si Hupame ka lamaretetese. 40La ikaiyana ku mwabaibalrithi ki Bila ka wa Aredeane si wa Naimangane. 41Kikai lamaretetese ku kiapacase ku umawmase yakai ku ta 45,600.
42Zuku ki Dange, yakai kai wa Suhame; 43ku kiapacase ku umawmase lu paelrelreane ta 64,400.
44Zuku ki Asere, amani kai zuku ki Imena, Isevi, Beria ka lamaretetese; 45la ikaiyana. Kai zuku ki Beria ka taidrusa ka Hebere si Malekile ka maretetese. 46Kai Asere yakai ku lalakeini ku ababai sia Sera. 47Kikai la lamaretetese ku kiapacase ku umawmase yakai ku ta 53,400.
48Zuku ki Napetali, amani kai lazuku ki Yahezele, Guni, 49Yezere, Seleme ka lamaretetese; 50ku kiapacase ku umawmase lini yakai ku ta 45,400.
51Ku kiapacase ku umawmase ki swa Iseraylri yakai ku ta 601,730.
52Ku Tamatama kawariva ki Musi, 53“Kusu singikaiya ku takathane ki umawmase lini apavavala ku kadaengane, 54-56tinu pakuzibika liniane la baai ku swadrau ku kadaengane ki takakalra ku umawmase, ku swatiki la baai ki tabebekele ka zuku.”
57Kai Zuku ki Lrivi yakai kai lamaretetese ka Geresune, Kuhathe si Mirari. 58Ku lamwabaibalrithi lini amani kai Lribini, Hiburungu, Maheli, Muse, Kura. Twalalake ki Amerame kai Kuhathe. 59Kai Amerame la karudrange mwa ki lalake ki Lrivi ka kiatulalake ikai Izipiti ka Yukebide. Kikai alisu la tulalake ku lalake ki Amerame ku tadrusa ku sawvalai ka sia Arungu si Musi, tangea ku ababai ka sia Miriame. 60Kai Arungu tasupate ku sawvalai ku lalake—Nadabe, Abihu, Ilriazare si Ithamare. 61Kai Nadabe si Abihu wapacai sa patarumaramara ku languapwapwi baai ki Tamatama. 62Kudra tara dramarenga ku takitulalakane ku sawvalai, ku swa Lrivi yakai ku ta 23,000. Kai lalasu kia pakitukudha ki drumane ki swa Iseraylri kipacase, asi lwiyane amani sa kakadrwa ku kidrulru lini ku cungulu ku kadaengane.
63Ku swa Iseraylri sa ikai dratane ka Muabe kwini babiabila kadravane Yuredange ka balrealreanane Yeriku, ku Musi si Ilriazare twalrepenge pakipacase ki laumawmase. Kikai la nipacasane kai laumawmase amani lini ka wapacase, 64ikai adringi kai kadrwa ku natangea ku tau asipi ki umawmase ku Musi si Arungu ikai Sinai calragulragu. 65Ku Tamatama namia kai, kikai lalasu lri makitu pacai ikai calragulragu; kathane kai lalake ki Yepuni ka Kalebe si lalake ki Nunge ka Yesua, ku drumane wapaacainga makanaelre.
Currently Selected:
Taasipane 26: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
