Taasipane 15
15
Kakudhane ki patarwamara
1Ku Tamatama peaelaela ki Musi, 2Kai swa Iseraylri lu darurunga ki baai ki Tamatama liniane ka kadaengane, lri ka atara pasuswane kai lebe ka kakudhane. 3Lama patarumara ki Tamatama ku Lama ka lrisi, pangiamia ku vagaini ka lrisi, ngiakakamani ka lrisi, ku naika atara patarumaraane kudra lalrisi ki takisuswane, lri maka arakai ku sawvalai ku lwange, balase ka kiu, nikiubawbalane ka kiu si kiu tusapatarumarane; kikai sangulremane ki sapatarumarane amani ku kiragai ki Tamatama. 4-5Lu patarumara ku nikiubawbalane ka kiu si kiu tu Lama ka lrisi si baai ki Tamatama, lu patarumaramara kwini vavaeeva ka nilapulapwane, pakaredeelanga ku vaeva ki kukingi ku malaelamenge ka milrikinku si vaeva ka kunsenge ku lawlau ki ulrive ka Taleke ka lrisi, la pakaredelanga ku vaeva ki kunsenge ku bava paelrelre patarumara. 6Lu patarumara ku balase ka nikiubawbalane ka kiu, pakaredelanga ku drusa ki kukingi malaelamenge ku milrikinku si pathalre ki vaeva si pararamau ki kunsenge ku lawlau ki ulrive si Taleke ka lrisi, 7lai lri pakaredele ki akuvaeva si pararamau ki kunsenge ku bava paelre tu Paralikiliki ka lrisi patarumara. Kikai lasangwalreme ka nipatarumarane yai, kiragai ki Tamatama. 8Lu patarumara ku sawvalai ku lwange ki Tamatama tu Lama ka lrisi, pangiamia ku vaga ka lrisi, si Sulivatane ka lrisi, 9pakaredela patarumara ku aku tulru ki kukingi ku malaelamenge ka milrikinku pathalre ki akudrusa ki kunsenge ku lawlau ki ulrive ka Taleke ka lrisi, 10la pakaredela ku akudrusa ka kunsenge ku bava tu Paralikiliki ka lrisi patarumara. Kikai tasangulremanane ki Apwi ka lrisi amani ku kiragai ki Tamatama.
11Lu patarumara ku vaeva ku sawvalai ku lwange, balase ka kiu, balase ka nikiubawbalane ka kiu, kakiuane makitu pangimia kikai. 12Alaiyasi patarumara ku vaeva papubebelenge, kwini sapatupapalrane patarumara lri drima pakatha kwini ki apakathane. 13Sanaka kiatulalake ka swakai kai niyane ku swa Iseraylri lu patarumaramara ku kiragai ki Tamatama ku sangwalreme ka sapatarumarane ka Apwi ka lrisi, makitu pangimia kikai. 14Kai wasusu ki watumatumane, kwidra yakai numiane ku labadhabadha, adravane ka lri padawdalru ka lrika palralrawthunga ikaikai kwini, lu patarumara kikai kiragai ki Tamatama ka sangwalreme ka Apwi ka lrisi, lri mialri pasusu kikai thadalrane ka kakudhane. 15Kikai thadalrane ka kakudhane lrikamani ku apasuswane numi si mwabaibalrithi numi si yakaikai numiane ka labadhabadha. Kunumi si kwini lalasu lu drele ku Tamatama mararaamau. 16Lakamani, ku thadalrane ku kakudhane si tinukakudhanane arakai ikai numiane, la mialri arakai ikai liniane.
17Ku Tamatama peaelaela ki Musi, 18ku swa Iseraylri lu darurunga ki baai liniane ki Tamatama ka kadaengane, tara pasusua kai lebe kai kakudhane. 19Kwini lalasu lu kisupisupilringa kwini nikitalekane kavai, lri tara malra kivala tunipawkalrivilane ka acebe patarumara ki Tamatama. 20Lu akame numi kai pange, arakaiya kwini aswalaalanga ka niarakaiyane ku mugi akame ka pange tunipawkalrivilane ka acebe patarumara ki Tamatama, mararamau kwidra nisilribwane ka mugi patarumara tunipawkalrivilane ka acebe, 21Kunumi kapalralrawtha patwalai ki niakamane malra ku aswalaalanga ku niakamane tunipawkalrivilane ka acebe patarumara.
22Anaiyasi ala ikai ku umawmase ku kaika waranau pasalriu ki kakudhane ku cunu ki Tamatama ki Musi; 23si anaiyasi lubibilrili ku mapapangale la kai nguelre pasusu ku drekase ki Tamatama pangukai ki Musi; 24kwini pasalrivane laka ngwalai ki kaika tathingalane ki mapapangale, kwini lalasu lri tara patarumara ku vaeva ku sawvalai ka lwange tu Lama ka lrisi, lai arakai kwini sangulremane pakiragai ki Tamatama, lai lri patarumara ku naika apatarumarane ku Taleke ka lrisi si Paralikiliki ka lrisi. Ku drumane, kwini lalasu lri patarumarana ku vaeva ku balase ka kiu, tu Balrithane ki pasalrivane ka lrisi. 25Ku barakalai lri pasikai ki mapapangale marasikai ku lrisi ki pakabula, lani kipacepe ku pasalrivane lini; asi lwiyane kwini pasalrivane lini kaika niranavane, si kwini lalasu la mialri patarumaranga kwini Balrithane ki pasalrivane ka lrisi, tu Apwi ka lrisi patarumara ki Tamatama. 26Lu mia kikai, kwini mapapangale ki swa Iseraylri makanaelre si yakai kai liniane ka singibadhane lri makitu kipacepe ku pasalrivane lini, asi lwiyane kwini thadalrane ka kaika waranau pasalriu.
27Anaiyasi la ikai ku umawmase ku kaika waranau pasalriu, lri tara patarumara ku vaeva ku maadrau ku tina ka kiu tu Balrithane ki pasalrivane ka lrisi. 28Ku barakalai lri ikai ki tapatarumaramarane pasikai iniane marasikai ku lrisi ki pakabula, si mwalra ku pasalrivaneini, lani tarumara ku akipacepane. 29Adravane ka swa Iseraylri ka yakaikai ka singibadhane la kaika waranau pasalriu, lri makitu pasusu ku thadalrane ku kakudhane.
30Ai kwini waranau si pasalriu, adravane ka swa Iseraylri ka badhabadha, la makitu sidreadrekase ki Tamatama, lri tara kipapacai; 31asi lwiyane kwini siadreadrekase ki vaga ki Tamatama, la ranau baebalre ku drekaseini. Kwini lasu lu kipapacai pasalrivaneini ka akipangimianeini.
Ku pasalriu ki Taisadrasadrane ka vai ka umawmase
32Ku swa Iseraylri sa ikaiyana calragulragu, yakai ku tangea ku umawmase ku yakai ki Taisadrasadrane ka vai ku matwase siludu ku angatu, la kipatarathingale. 33Kwini la ki iluku mwa ki Musi, Arungu si mapapangale, 34la kiemenge, asi lwiyane sakamani kwidra kai wathingale ku apangimiane pathavungu iniane. 35Ku Tamatama ala pibilrilane kawriva ki Musi, “Kikai umawmase lri tara kipapacai; ku mapapangale lri pikai latadre ki tasuladhane arakai ku lrenege papacai iniane.” 36Ku mapapangale la malra iniane pulatadre ki tasuladhane, si singikai ku drekase ki Tamatama, arakai ku lrenege papacai iniane.
Kakudhane ki wacaisi ku dameamesai
37Ku Tamatama wadrekase ki Musi. 38Cuna ki swa Iseraylri iya kai, “Kunumi caisa pikai ki tali babiabila ki laimai ku dameamesai, pikai kwini ki vaeva la caisi paraisi tuvaeva kwini ki salesese ka calrisi. Ku mwabaibalrithi numiane lri tara pangimia apalralrawthu. 39Kikai dameamesai sapakipapawlringavane numiane, sana drele numi kwini dameamesai lri ngulringau numi ku ladrekaseli nguelre, si pasusu. Lu mia kikai, kunumi lalri kai numi katwase kidadaili nakwane, si ngisasingikai ngilralraingi ku gathimi numi. 40Kikai dameamesai amani ku lri pangulringalringau numiane ku apasuswane ku sanaka padradrekaseli. Lri kabula numi si ka swakainga nakwane. 41Tamatamaku ka Twaumase numi; nawasangilukaku numiane katwase Izipiti, lri a Twaumasaku numiane. Tamatamaku ka Twaumase numi.”
Currently Selected:
Taasipane 15: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
