Mika 5

1Swa Yerusalrime ka laumawmase, karawrathuda! Kialringulungata! Kai badha wacamilrigi ki tarasangililuku ki swa Iseraylri.

Twalai Bithelrihime kainganai kalri rathudu

2Ku Tamatama amia kai, “Swa talikai Iparathe ka Bithelrihime, ikai ki cekele ki swa Yuda vaevasu ka tikiyane ka cekele. Ai lri patwaladhaku muswane kwini, pasikai ki swa Iseraylri pilri si pacegecege ku tangeea kulri rathudu; ku tatwaladhane ku daaneini sakwa ka talialalai kunadruma.”

3Lakamani, ku Tamatama lri malra ki lakawkawluini si baai ki badha lini, pakeela lu tulalake ku sawvalai kwini ababai kalri padaalrunga si tulalake. Kudra la wasarawnga ku sakacekeleini ala lri kainganai siwlri, si maelrelrenga kudra ki drumane ka swa Iseraylri. 4Kwi lasu lu kela, lri mia ki taraagu sirapale ki lakiuini; kwi lasu lri arakai ku baai ki Tamatama ku maadrau ka puku, lai lri pangukai ki papedrengane ki Tamatama ka Twaumaseini si rathudu ki kawkawluini. Ku kawkawluini lai lri kisupisupilringa ku sulivatane kawmasane, asi lwiyane kai yakawmasane kai umawmase lri thiingale makanaelre iniane ka amani ku saniange turamuru. 5Kai lasu lri mailuku ku rathudane.

Palribulu si pathavungu

Lu ravase ki kadaengane nai ku swa Asiria, si buruku lribate ki satelengane nai, lri pakamani nai kudra magagaarangenga ka mabelenge ki kwapingi kikaruburu liniane. 6Kikai lamabelenge ki kwapingi lri arakai ku puku ki kwapingi si pamalebe ki tali Nimurude ka swa Asiria. Lu ravase ku kadaengane nai ku swa Asiria, kwi lasu#5.6 “kwi lasu” amani ki 5.2-5 “tararathudu”. lri palribulu naiane.

7Ikai ki sanaka umawmase, kudra la abalu kiravase ka swa Iseraylri lri mia ki lamu ka pulebe ki Tamatama, lai lri mia ki udale ka pakalreke ki ubulu si angatu. Kwi lalasu satalu ki Twaumase, kai satalu ki umawmase. 8Ku laabalu ka swa Iseraylri, ikai ki lakuni, lri mia ki garagaarange ka raiyungu ka yakai tienaenale alwalupu si pana, lai lri mia ki lavavalake ka raiyungu ka mwadaane ki takivane si kabebetethe ki lakiu, kadrwa ku maka waruthuku. 9Ku swa Iseraylri lri pamalebe ki badha, si pakamudu liniane.

10Ku Tamatama amia kai, “Lu kelanga kudra vai, lri ribicaku ku rigi numi, si kabebetethe ku sakikaruburuburane ka palridingi numi. 11Lri amudaku ku yakaai ki daedae numi ku cekele, si buruku patuelre ku saraedrane ka kepale ki cekele. 12Lri amudaku ki taratulrisi numiane, kadrwa kulri abalu. 13Lri kadrulaku ki sukusukubu numi ka lasamiamiange si tinuulrudrane ka lalrenege; lri kai numi sukubunga ku arakai numi ku alrima tulamanemane. 14Lri suburaku ku yakaai ki kadaengane numi ku samiamiange ka ababai ka Asera, si amudu ki lacekele numi. 15Lri ikaiyaku ki lisiane bilri ki lakuni ku kai pasalaladha nakwane.”

Currently Selected:

Mika 5: NDV

Highlight

Copy

Compare