Malaki 4
4
Lri padalrunga si kela ku vai ki Tamatama
1Amia kai ku Tamatama ka abebeelengenga ki sanaka kwapingi, “Kwidra vai lri padaalrunga si kela; lukamaninga kwidra, ku ngiakalrilrigu, ku manganga ku kakudhane ka umawmase makanaelre lrika maru sangukimugianenga ka kialama. Kudra vai kwini, kwi lalasu lri kilama pakawtu, ka kadrwa ku natikiyanenga ku asuru. 2Ai papia numiane ka la mwasakene mukuludru nakwane, lri ikai ku palribulu ka vai ku lri paledra numiane, lri sulrau pawdringai numiane. Lri ngimia numi kudra ki twalai ki niravadrane ka talwangane si kipulatadre ka tikiyane ka lwange itituku, si kiraraagai. 3Ikai kwidra ki lrika apwalrimaneli kwini ki vai, lri dredre numi ki manganga ka umawmase; kwi lalasu lri mia ki yalebe ki drapale numi ka thuvugu. Kikai vaga ki Tamatama ka abebeelengenga ki sanaka kwapingi.
4“Pulringava ku bulru ki sasiakawluli ka Musi, kamani kudra baaili iniane ikai Hurebe lregelrege, ka apaluludane ki swa Iseraylri makanaelre ka padradrekase ka hulrice.
5“Ai, sakaiyana kela kudra matiaukuludru ka vai ki Tamatama, lri sikawlaku ki yuginsia ka Ilria pamwa numiane kwini. 6Kwi lasu lri pela apakakathariri ki marudrawdrange si lalake, amani lu kelaku kabebetethe amudu kai ki kadaengane.”
Currently Selected:
Malaki 4: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017