Yuna 2
2
Inulri ki Yuna
1Ku Yuna yakai ki barange ki kange si papia ki Tamatama ka Twaumaseini inulri:
2 Tamatama! Ikai kai ki takipadradresenganeli ki akwalriane kiatubiaku muswane,
la tubalrengasu nakwane.
Twaladhaku swadriadringi kitubi ku aparalubanesu,
la kilalrangasu kai kitubili.
3Wavereveresu nakwane pwa ki laveke adringi,
sa kelanga naku ki mwadriadringinga ki laveke;
kai maadrau ka acilai ngiathalringulu nakwane,
ku maadrau ka bikabiki maka lrilriugu nakwane.
4Lu kidremedremaku, kia pakatwasenga naku twalai ki cucubungusu,
kainaku lri dreelenga ki daanesu.
5Kai maadrau ka acilai walrenepenga nakwane, si pakasemete nakwane;
kai laveke wakabungunga nakwane;
la lrepelrepenga ki awlruli kai ubulu ki laveke.
6Mwalebenga naku mwa ki tangadrane ki lalregelrege,
si kela ki nidrukuranenga palralrawthu ka lrawlrawdru#2.6 “nidrukuranenga palralrawthu ka lrawlrawdru” amani ki swadriadringi (drela ki 2. 2)..
Ai Tamatama ka Twaumaseli!
Patwalaisu swadriadringi adringi patakunianiake palribulu nakwane.
7Sa thingalenga naku kai niakeli kalri padaalrunga si mwaludru,
Tamatama, papiaku muswane kitubi;
yakaisu ki daanesu kilalra kai inulrili.
8Kudra wasukusukubu ki kadrwa ku paluludane ka samiamiange,
wacilringa ku akapatengatenganane papia muswane.
9Ai lri senadhaku drengedrengere muswane;
lri papiaku muswane patarumara ku sapatarumarane ku waudriwdripi,
si baai sawlri patuelre ku ngikakiketeketeli.
Ku sapalribulane kathane ku Tamatama ku tatwaladhane!
10Sakabilrilanenga, ku Tamatama wadrekase kwini ki madradrau ka kange pikai ki aenaenai upa ki Yuna, kwini madradrau ka kange la singikaai pangimia.
Currently Selected:
Yuna 2: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
