Yuile 1
1
Ku laumawmase watubi ku takikabebetethane ku lataleke ki umawma
1Kikai lebe vaga ki Tamatama si baai ki Yuile ka lalake ki Pithuile.
2Latarudrawdrange, kilalra!
Laumawmase ka yakaikai Yuda, kiraraketa kilalra!
Ikai ki zidai numi si cucungulane numi ngiamianga kikai miyaiya kai?
3Pelaela ki lalalake numi,
lani pelaela ki lalalake lini,
ani pawcungucungucungulu kai reteretege.
4Ku la twaredededele ka laapapawku yasadra ikai ki lataleke umawma.
Ku tedrane ka sangukaneane ki kaciane ka apapawku, lri kela kane kwi sakaredele ka laapapawku;
ku tedrane ka sangukaneane ki sakaredele ka laapapawku, ku waititituku ka laapapawku lri kela kane;
ku tedrane ka sangukaneane ki waititituku ka apapawku, lri kela ku pakiasaalrunga kabebetethe ka laapapawku kane.
5Lamabusuku ka umawmase, kasimeaca ngidrakale, tubia!
Taraungulu ku bava ka laumawmase, karaleala!
Asi lwiyane ku tatubavabavane ku bavane ka bava kiakabebetethenga.
6Yakai kwi sakaredele ka laapapawku wamwanga ki kadaenganeta.
Latagagarange, ka kaika asiasipane;
ku valisi lini mia ki valisi ki raiyungu ku tarairangisane.
7Kwi laapapawku mabebetethenga ki cebe ki labuduta,
la kanenga eleme ki lacebe ki icizike.
Kwi laapapawku mwabakurunga patuelre ki cebe ki angatu,
la kalrapungunga ku laricingi.
8Tubia! Kunumi ka laumawmase.
Ngimia ki tawvailekete ngwalai ku tapacadhane ki siasilangane si tubi.
9Kwi daane ki Tamatama kai lri ikainga ku taleke si mathariri ka bava,
ku labarakalai lri ngwalai ku takakadrwane ku sapatarumarane ki Tamatama si tubi.
10Kwi la takauawngane lri aubulane,
ku kadaengane lri tubi;
asi lwiyane ku taleke kiakabebetethe,
ku lacebe ki budu marudame,
ku lacebe ki ulrive malraici.
11Latarakauawngu, kwalria kwi kidremedreme numi!
Lataradrangalrungalru ki babudubudu, tubia karaleale!
Asi lwiyane ku madradrau ka mugi, titikiyane ka mugi,
ku taleke takauawngane kiakabebetethenga patuelre.
12Ku lacebe ki budu marudame, ku lacebe ki icizike malraici;
ku lacebe ki nginanavate, cebe ki abare, cebe ki pinku,
ku laivai marudamenga patuelre;
laka kadruuanga kawlrau ku kiarararagai ku umawmase.
13Ku yakai ki tapatarumaramarane kauawngu ka labarakalai,
silaimadha ku kaimadhane si tubi!
Mudaana ki daane ki Twaumase si tubi taleare!
Asi lwiyane lri kai ikainga ku taleke, ku mathariri ku bava ku apatarumarane ki Twaumase numi.
14Kunumi pelaela ku lrika alaisane, si dawlu irubu!
Dawla sarubu ki laciwru si laumawmase ki swa Yuda,
la mudaane ki daane ki Tamatama ka Twaumase numi,
la papia iniane kitubi!
15Ku vai ki Tamatama lri padaalrunga si kela!
Ku wadulru sanaka manemane ka Twaumase lri pulebe ku laamatikurwane!
Kwini vai kwidra matiaukuludru turamuru!
16Ku lataleke ki takauawnganeta kiakabebetethenga;
ku daane ki Twaumaseta kadrwa ku kiarararagai.
17Ku lasapaivai mabuurawnga ikai adringi ki kadaengane patuelre,
kadrwa ku taleke ku apudringadhane;
ku kadrwa ku manemane ka drawsulu anisararanenga patuelre.
18Ku lanilapulapwane twakiakiaki.
Ku lalwange wasarau mwa kidruanga,
asi lwiyane kai maka kiadringai ku ububulane;
ku lakiu la mialri kasilrasilrau.
19 Tamatama, lri papiaku muswane kitubi,
asi lwiyane ku apwi walamanga ki laubulane,
ku apwi walamanga patuelre ki laangatu ubulane.
20Ku lawaudriwdripi mialri papia muswane tubi;
asi lwiyane madrekarenga ku acilai ki lavaalru,
ku apwi walama kabebetethe ki takawbubulane.
Currently Selected:
Yuile 1: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
