Husia 12
12
1Ku kakwakudhane ki swa Iseraylri patuelre yai pasasarau ka kadrwa ku tapatwaladhane si pakaririvu; ikai liniane, ku watavuvulrucu, malrumalrumai arwa kakalrakaalra. Kwi lalasu makaketekete ki swa Asiria, la malra ku lawlau si mwa baai ki swa Izipiti.
2Ku Tamatama wakukusu ki swa Yuda; kwi lasu lri mialri singikai ku tapiane ki swa Iseraylri bilri liniane, pathavungu liniane. 3Ku cucungulane lini ka Yakubu sa ibaranganeana, pathagilinga mararibiribici ki takaini ka Esau, sakadrawnga la kidrikisi ki Twaumase. 4Sa maulucu ki sasiakawlu belenge akaci, la tubi kitubi ki sasiakawlu belenge ku asubulrubulrwane iniane. Ku Twaumase yakai Bithele kidringai ki cucungulane ka Yakubu, si papia iniane kawriva. 5Kikai amani kudra abebeelengenga ki sanaka kwapingi ka Twaumase; kwi lasu lri kipasi Tamatama. 6Lakamani, lamwabaibalrithi ki Yakubu, kunumi satalwa ki Twaumase, si papia iniane; pangimia kudra kai akabalribalrithi ka sakialibake, si putaluvaivai ku dringelresane, laka tapapiana sidrama ki Twaumase numi.
Pacungulu matikai ki wasaibange
7Ku Tamatama amia kai, “Ku swa Iseraylri mia ki Kanange kai tukapatengatengane; kwi lalasu twalrawnga arakai ku taidrusane ku tintingi tavuvuvulrucu ki wakela langai. 8Kwi lalasu amia kai, ‘Yakai kai paisu nai, satacekecekelanenga nai; kadrwa ku umawmase ku wathuru kukusu ku tasatacekecekelane nai.’ 9Tamatamaku, ka amani kudra waililuku numiane katwase ka Izipiti ka Twaumase. Lri patupeelanga naku numiane paikai ki balrawbau, mararamau sakapathagilane ikai calragulragu.
10“Papiaku ki layuginsia kawriva, ku lrika adrelane lini ku makalra ku maburusi, la pangukaiyaku liniane pakipapawlringau ki kawkawluli. 11Ai ka Gileade thadalraneana suete ku pasalrivane si samiamiange; kwidra lawasukusukubu ki samiamiange ka umawmase lri pacai makanaelre. Kwi lalasu yakai Gilegale papiapia ki nitulwangane patarumara; ku tapatarumaramarane lini lrika rinubwanenga ku lrenege ikai ubulane.”
12Ku cucungulane ka Yakubu mwabere mwa ka Mesuputamia; ngwalai ku asataelrelreanane, kwi lasu yakai kwini pagwagu ku kiu ki palrapalra. 13Ku Tamatama siakawlu ku tangeea ku yuginsia mwa ka Izipiti, si palribulu kainganai kwini ki lakia tuduri ka swa Iseraylri, si arakai ki yuginsia sirapale liniane. 14Ai ku swa Iseraylri pakagirimucu ki Twaumase; ku kiame ki pasalrivane lini lri mwa ki kinawmasane lini. Kwi lalasu twadrekase ki Tamatama, lakamani lri pakilringau pathavungu liniane.
Currently Selected:
Husia 12: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
