Daniele 1
1
Abulru ki Daniele si latalragilragini
(1.1–6.28)
Ku Daniele yakai ki daane ki talialalai ka Nibukadenezere
1Ku talialalai ki swa Yuda ka Yehuiakime sa tara tulrunga ka caili ku taatalialaladhane, ku talialalai ki swa Babilunia ka Nibukadenezere kiakaruburu Yerusalrime, si lringulu ki cekele. 2Ku Tamatama palraingi iniane ravase ki talialalai ka Yehuiakime, si malra iluku kivala ku lawbubulu ki daane ki Twaumase. Kwi Nibukadenezere wailuku ki kiaravase pwa ki biu ki swa Babilunia, ku nimalrane ku takuciacingalre ku lawbubulu la pikai ki drawsulu ki biuini.
3Ku Nibukadenezere wadrekase ki abebeelengenga ki taradrangalrungalru ki tacekecekelane ka Asepinaze patwalai ki niravasane ki swa Iseraylri pilri ku tapiya ku wacekecekele ki talialalai si layacengecenge ka talialalai. 4Kilakikai yacengecenge lu kakadrua ku takacaemane, ngiaesadhane ku tacebeane, malrigili, makalra ku thingale, walribate ki umawmase ku thingalane, lri maka dulru ikai ki daane ki talialalai kauawngu. Ku Asepinaze lri bulru liniane kicawcakwane ku vaga si pacase ki swa Babilunia. 5Ku talialalai la mialri drekase ku lrika abaadhane liniane kivaivai ku kanekane si bava ki yakai ki daane ki talialalai. Lu pia kikai tara tulrunga ka caili pakicawcakwane, kwi lalasu ala lri dulru kipuawngane ikai cucubungu ki talialalai. 6Ikai ki kiapilri ki laumawmase, yakai ku Daniele, Hanania, Misaele si Azaria, lazuku ki Yuda makanaelre. 7Ku abebeelengenga ki tarakadrekadrenge ki daane ki talialalai la sunagane liniane ku bavane ku nagane, sia Beletisazare, Saderake, Misake, si Abidenigu.
8Ku Daniele la kalrithethe kai tarumara ku akaneane si bava ki daane ki talialalai, amani lu kai kabula ikai ki lrisi; kwi lasu la kitubi ki Asepinaze ku aparalubane iniane. 9Ku Twaumase la pakakalithi ki Asepinaze ki Daniele, 10ai kwi lasu mwakuludru ki talialalai, la iya kai ki Daniele, “Ku talialalai wakelreteenga ku akaneane numi, alaiyasi kai numi ngimia ki drumane ki yacengecenge kathariri ku kinawmasane, ku talialalai lri papacai nakwane.”
11Ku Daniele la katwase kikawriva ki sikawlu ki Asepinaze drangalrungalru iniane si drumane ka tatulru ka latalragini, 12-13si iya kai iniane, “Pakaana naiane ku lalacenge si paungulu ku marenge, palalavaana, lu maka mangealenga ala apadredrela naiane kudra ki lawakanekane ku akaneane ki yakai ki daane ki talialalai kudra ki layacengecenge, ala singikaiyanga ku tadrelanesu si pangimia!”
14Ku tarakadrekadrenge palraingi liniane palalava maka mangeale ku vai. 15Sa maka mangealenga, kwi lalasu lu drelane laka mathaithariri ka ngicaecaeme ku kinawmasane ki drumane ka layacengecenge makanaelre ka wakanekane ku akaneane ki daane ki talialalai. 16Twalainga kikai, ku tarakadrekadrenge la pacungulunga liniane pakane ku lalacenge sikakathane, si kai kane ku baai ki talialalai ku laakaneane.
17Ku Twaumase la pakalrigili kai ki tasupate ka yacengecenge ki ngwakai ki lapacase si la akalrigilane, la patarumarana baai ki Daniele ku lrigilane ku adulrwane lalrwai ki maburusi si sipi.
18Ku kelrete ki talialalai ku tinara tulrwane ka caili wadarurunga, ku Asepinaze la ililuku makanaelre ki yacengecenge katwase mwa kidrele ki talialalai ka Nibukadenezere. 19Ku talialalai la nguvavaeeva kikawriva liniane; la ukalriivili ku tadrelaneini ki Daniele, Hanania, Misaele, si Azaria, ngwalai kai, kikai tasupate la kimalra si asuru ikai ki daane ki talialalai kauawngu. 20Kai talialalai adravane kivaga ku manemane, lu kivaga ku makuciingalre ku mendai, ku tatubalreane ki lalasu walriibate turamuru ki yakai ki kunini ki latarakithingale ku angimiane si taratulrisi. 21Ku Daniele taasurane ikai ki daane ki talialalai, pakeela ku tapamakiane ki swa Babilunia ka Sairuse ka talialalai ki swa Perisia.
Currently Selected:
Daniele 1: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
