Romai 14

1Yaka ran ye niɔp ne gam yaka loom, ku duɔka wel ke ariir ye tɛɛr wene yen. 2Ran tok ee naŋ gam yen kaŋ cam kedhia: ku ran niɔp ee wal cam. 3Ne ran ye cam ne ce ran cie cam ye tɔɔnic; ku ne ran cie cam ce ran ye cam ye luk: ne ke cii Nhialic ye loom. 4Yeŋa yin ran ye awun de ran dɛ luk? ee bɛnyde yeneka yen kɔɔc ku yuik en. Ee yic, abi ya cɔk kaac; Bɛnydit anɔŋ rir cɔk en ye kaac. 5Ran tok ee kole cɔk ŋuan ne kole, ku cɔk rane ke thoŋ kedhia. Ne ŋɛk ye cok nyic eŋui ne tɛŋde. 6Ran ye akɔl week, aye wɛk Bɛnydit: ku ran ye cam, ee cam ne Bɛnydit, ne ke yen Nhialic leec; ku ran cie cam, ee ciɛk ciɛm ne Bɛnydit, ku kee Nhialic leec. 7Acin ran toŋ de wɔɔk ye piir ne guɔpde, ku kacin toŋ de wɔɔk ye thou ne guɔpde. 8Na yuku piir, ke wɔ ye piir ne Bɛnydit; wuu yuku thou, ke wɔ ye thou ne Bɛnydit: yen na yuku piir, ka na yuku thou, ke wɔ ye ya ka ke Bɛnydit. 9Yekene yenekee thoue Kritho, ku beer piir, bi ya ya Bɛnydiit de kɔc ci thou ku kɔc piir. 10Ku yin, yeŋo yin wanmuuth luk? yin, yeŋo yin wanmuuth piɔɔlic? wɔɔk wɔdhia wɔ bi kɔɔc ne thony de luk nom de Nhialic. 11Ci man cene ye goor,

Ya Bɛnydit ajam, Ye ci man yan piir, raan ebɛn abi enhial ya tuɔk a,

Ku thook kedhia aabi Nhialic ya gam.

12Yen raan ebɛn de wɔɔk abi luɔide ciɛr Nhialic.

13Dukku roth ye bɛɛr luk: kene yene yaka dhiil ne luk, wuɔ ne ye ciɛn ran ye ke yene kɔth kan dhol de manhe, ka ke de yuik. 14Aya nyic, aya cok ne nyic ne Bɛnydit Yecu Krithoic, ke cin ke ye cuɔl ne rɔt: ee cuɔl enɔŋ yen yetok ye ran ye e luel ye col. 15Na ca wanmuuth cɔk dhiau piɔu ne ke de riiŋ, ke yin cie bɛɛr cath ne nhiɛr. Duɔne raan ye riɔk ne riiŋdu ran cii Kritho thou. 16Nɛke piathdu cie luum: 17ne ke cii ceŋ de Nhialic ye ya ke cam ku ke dek, ee ya lajik ku ye dɔɔr ku ye yum de piɔu ne Jɔŋdiit Lajikic. 18Ran ye Kritho luɔi ne keekake ee Nhialic ya yuum piɔu, ku ye lɛc nom ne raan ebɛn. 19Yen yuku ka ye dɔɔr bɛi yukuke biɔɔth, ku ka bii wɔ ke roth ya yiɛk nhial. 20Duɔka luɔi de Nhialic ye riɔk ne ke de riiŋ. Keriɛc ebɛn ee lɔcar; ku kee ya rɛɛc enɔŋ ran ye ye kuɔc cam. 21Apiath bi riiŋ cuɔk ye cuet, ku ci piukeabiɛi ye dek, ku ci ke dɛ ye loi ke bi wanmuuth cɔk kɔth. 22Ye gam yin gam, ye cɔk dhiac ne yiyic ne Nhialic nom. Raan ee piɔu lɔyum ran ci rɔt ye luɔkwei ne ke ye loi. 23Ku ran ye cam ne adiɛɛr aye luɔkwei, ne ke cen ye cam ne ke de gam, ku ke cie ya ke de gam ee ya rɛɛc.

Currently Selected:

Romai 14: LEKJOT

Highlight

Compare

Copy