ROME 3
3
1Ani kana-i nŭŭh jadi daya Jahudi? Ani kana-i nŭŭh bisunat? 2Taŭn-i kana darŭm bagŭ yŭn-i! Sibungas-i Tapa nggen pinganang-I ka daya bangsa Jahudi. 3Pak munki meh kambŭi agi so ngara dŭh sabah, agi kah sirati-i Tapa dŭh bisa dog sabah? 4#Maz 51.4 Manŭn dŭh! Tapa kidaan kayuh adi sawŭ, sunggu sopŭrŭg manusia pingadong. Sak adi nang Surat-kudus,
“Kaam dŭh bisa dŭh batur kan Kaam minyu;
Kaam dŭh bisa dŭh manang kan Kaam bisara.”
5Pak munki kambŭi pingandai sarah ta granan kiren nang Tapa agi batur? Bisa kah ata nang Tapa sarah kan Ayŭh ngukum ata? (Ati taŭn mbŭh biasa daya nang.) 6Mating aran-i! Kambŭi Tapa dŭh tŭnggŭn simuki meh Ayŭh re bisa nggen bisara di tunduh ong?
7Pak kambŭi sabab pingandai kadong, kayuh adi sawŭ pasar Tapa jadi granan tatŭng ndŭg ka dog muji, mani meh garang aku dog nunggu mun daya bidosa? 8Mani dŭh nang, “Ja ata ndai arap isa kayuh kana timbur”? Agi daya, taŭn mbŭh pimangŭh aku darŭm-i nyarah aku nang aku agi minyu sakanŭ! Ngara re dog nunggu, nimun patut.
Mating Daya adi Sawŭ Tŭnggŭn
9Munki meh, agi kah ata daya Jahudi kana dŭ so daya adi dŭh bangsa Jahudi? Mating aran-i!#3.9 kana dŭ so daya adi dŭh bangsa Jahudi? Mating aran-i!; puan kah: re rabis arap so daya adi dŭh bangsa Jahudi? Sibina gŭh. Muko aku kiren nang daya Jahudi ngga daya adi dŭh bangsa Jahudi agi samah di ribo kuasa dosa. 10#Maz 14.1-3, 53.1-3 Sak adi nang Surat-kudus:
“Mating daya adi sawŭ tŭnggŭn,
11mating daya adi sawŭ bijak
puan kah adi nyambah Tapa.
12Sopŭrŭg ngara mbŭh bu mangān Tapa;
sopŭrŭg ngara mbŭh sarah;
mating daya ndai kayuh adi batur, ndi naan mating gŭh.
13 #
Maz 5.10, 140.4 Pinganang ngara mbŭh keya ka puno ngga rubang pinyikabŭs;
ngara mbŭh raru pandai kadong,
Bang piminyu ngara mbŭh keya ka rasun jippŭh ruah so baba ngara;
14 #
Maz 10.7
piminyu ngara taŭn-i pangu adi bisā adŭ.
15 #
Isa 59.7-8
Ngara rikas kandam ka siŭ daya;
16Diki ngara panu ngara taban pinyirusag ngga pinyirubuh.
17Ngara dŭh puan aran pinyidamai,
18 #
Maz 36.2
ka bŭn adŭ birajar taru di Tapa.”
19Madin ata puan nang sopŭrŭg kayuh darŭm Ukum-adat taŭn mbŭh yŭn daya adi udip di ribo Ukum-adat, siŭn sopŭrŭg daya dŭh bisa nang ani ani ngga nutu sarah-i, ka yŭn sopŭrŭg daya dog taban bisara di sirung jawin Tapa. 20#Maz 143.2; Gal 2.16 Amai mating inŭh daya bamai ngga Tapa so ndai kayuh adi Ukum-adat bada; Ukum-adat batur-i bada ata puan kambŭi ata bidosa.
Munki Ata Bamai ngga Tapa
21Gaya Tapa bada ata bamai ngga adŭp-I mbŭh dog pinandŭng madin. Anŭ mating gagit-i ngga ukum-adat, sunggu Ukum-adat Moses ngga bara nabi agi nang sakanŭ. 22#Gal 2.16 Tapa bada daya bamai ngga adŭp-I so ka pinyabah ngara di Jesus Kristus. Tapa ndai simŭnŭ di sopŭrŭg daya adi sabah di Kristus, sabab sopŭrŭg mbŭh brimun di batŭh Tapa: 23barang naan mbŭh bidosa ka mbŭh jo so Tapa adi nyiramat ngara. 24Pak sabab pinyirasi-mandis Tapa adi pinganggen bās-I sopŭrŭg mbŭh dog bada bamai ngga adŭp-I so Kristus Jesus, adi pirupas ngara. 25-26Tapa mbŭh jugan Ayŭh, isa ngga deya-I#3.25-26 ngga deya-I; puan kah: da pinyikabŭs-I adi sadis. Ayŭh jadi aran adi ngga dosa daya dog apun so ka pinyabah ngara di Ayŭh. Tapa ndai simŭnŭ ngga kiren pinŭnggŭn-I. Jah-i Ayŭh sabar ka kambŭt dosa ngara; pak di jaman ati Ayŭh nura dosa ngara, ngga kiren pinyitŭnggŭn-I. Simŭnŭ Tapa kiren adŭp-I tŭnggŭn, buang-I bada bamai barang naan daya adi sabah di Jesus. 27Ani meh garang bisa ta yŭn mingangŭn? Mating! Ka ani meh sitagar-i? Agi kah-i sabab ata sita Ukum-adat? Dŭh, pak sabab ata sabah. 28Ata mbŭh puan nang daya bamai ngga Tapa adŭ-i so ka pinyabah, ka dŭh-i so ndai kayuh adi Ukum-adat pesan.
29Agi kah Tapa anŭ Tapa daya Jahudi adŭ? Dŭh kah Ayŭh Tapa daya adi dŭh bangsa Jahudi ani? Ayŭh taŭn-I sawŭ Tapa daya adi dŭh bangsa daya Jahudi ani. 30#Dit 6.4; Gal 3.20 Tapa inŭh ndi, ka Ayŭh bada daya Jahudi bamai ngga adŭp-I sabab pinyabah ngara, ka re bada daya adi dŭh bangsa Jahudi bamai ngga adŭp-I so ka pinyabah ngara. 31Agi kah sirati-i ngga pinyabah ati ata mbŭh kinating Ukum-adat? Dŭh, manŭn dŭh; ata bidigŭng tagap dieh kidŭ-i.
Hakcipta - Today's Biatah Version New Testament © The Bible Society of Malaysia, 2003.