MAZMUR 148
148
Rangit ngga Ong Muji meh Tapa
1Muji meh TUHAN!
Muji TUHAN so shorga,
angān adi udip di yŭn adi bigatung.
2Muji meh Ayŭh, sopŭrŭg malaikat-I,
sopŭrŭg bara soldadu shorga-I.
3Muji meh Ayŭh, batŭh andu ngga buran;
muji meh Ayŭh, bitang adi nyekar.
4Muji meh Ayŭh, rangit adi siabo bigatung,
ka piin di tunduh rangit.#148.4 piin di tunduh rangit: Tingga Tib 1.6-7.
5Bada sopŭrŭg ngara muji adŭn TUHAN!
Ayŭh minyu, ka ngara dog napa;
6ngga pinganang-I ngara rakat di yŭn ngara ndŭg situi tui,
ka ngara dŭh dapŭd nyibireu pinganang.#148.6 ngga pinganang-I...dŭh dapŭd nyibireu pinganang; puan kah: Ayŭh pirakat ngara di yŭn ngara ndŭg situi tui, ngga pinganang adi tan adu adu.
7Muji meh TUHAN so ong,
dāng-bās di rawŭt ngga sopŭrŭg rasan rawŭt;
8kijat ngga ujen batuh, salju ngga abun,
sabak ribut adi tunda pinganang-I.
9Muji meh Ayŭh, sandah ngga darŭd,
tŭngŭn pimuruh ngga tuān;
10sopŭrŭg dāng, rimon ngga adi siga,
dāng bigawang ngga manuk.
11Muji meh Ayŭh, raja ngga sopŭrŭg bangsa,
sopŭrŭg pimritah ngga pinguasa;
12dayung bujang ngga dari bujang,
daya adi minyamba samŭn anak-anya.
13Patut inŭh ngara muji adŭn TUHAN!
Adŭn-I rabis bās so sopŭrŭg adi bŭkŭn;
bragah-I bigatung so ong ngga shorga.
14Ayŭh bada bangsa-I bake,
isa sopŭrŭg daya-I muji Ayŭh —
daya Israel, Ayŭh siŭt.
Muji meh TUHAN!
Currently Selected:
MAZMUR 148: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
