PITAS 10
10
Pitas Solomon
1Ati inŭh pitas Solomon:
Di anak adi bijak inŭh sama mingangŭn; anak adi budo bada sindŭ-i sangsara!
2Pinyikaya adi kuu dapŭd so aran adi sarah inŭh dŭh kana di kuu, adŭ-i atin adi jujur dapŭd nyiramat asŭng mu.
3TUHAN dŭh re tandah daya adi kana sibŭrŭk, pak Ayŭh re kinarang daya ginaka dapŭd kayuh adi ngara raan.
4Udip tibanga re bada kuu sirata, pak bandar nyiraja re bada kuu kaya.
5Daya adi bijak nguruk buwa pimuruh kan-i mbŭh tipuh ngatŭm; daya adi bŭŭs di tipuh anŭ re mangŭh.
6Daya adi kana re kambat berkat. Buwa pinganang daya ginaka sukan pinyiganas.
7Ingat daya adi kana inŭh berkat, pak daya ginaka re rikas dog kambŭt.
8Daya adi bijak trima pinyitayan. Daya adi minyu budo re binasa.
9Daya adi jujur siramat buang udip bamai, pak daya adi dŭh jujur re dog nakap.
10Daya adi sukan kayuh adi sawŭ nimbur pito, pak daya adi ngika ngga atin adi sawŭ bada daya bamai.#10.10 Ndi pimindai adi jah: pak daya...bamai; Hebrew pari nang ayat 8b.
11Pinganang daya adi kana inŭh atak udip, pak daya ginaka sukan pinyiganas ngga buwa pinganang ngara.
12 #
Jam 5.20; 1Pe 4.8 Pinyitiru nimbur pito, pak pinyirindu apun sopŭrŭg adi sarah.
13Daya adi pitar minyu ngga bijak, pak daya adi budo an dog ukum.
14Daya adi bijak nguruk ngga situngang tungang-i pinyipuan, pak kan daya adi budo minyu, pito marar timbur.
15Pinyikaya grindung daya kaya; pak udip sirata bada daya sirata binasa.
16Upah pingandai kana inŭh udip, pak dosa kaŭs-i nambah dosa.
17Daya adi dingah pinganang kan dog nyara re udip, pak ngara adi dŭh ngaku adŭp-i sarah re dapŭd pinŭbŭn adi arap.
18Daya adi sukan atin tiru-i inŭh pingadong. Daya adi pingitong inŭh daya budo.
19Kambŭi dŭh ko ko minyu, kuu re nang kayuh adi sarah. Kambŭi kuu bijak, kuu pirŭŭ adŭp mu.
20Pinganang daya adi kana mbŭh keya ka tigŭrŭ pirak; buwa pikir-kira daya ginaka inŭh au-tarun.
21Pinganang daya adi kana taban utung di daya bagŭ, pak pinganang budo siŭ adŭp nŭh.
22Berkat TUHAN inŭh adi bada nŭŭh kaya. Bandar nyiraja dŭh re bada nŭŭh rabis kaya.#10.22 Bandar nyiraja dŭh...rabis kaya; puan kah: Ka TUHAN dŭh re na pinyusah di pinyikaya mu.
23Daya adi budo gagā ndai pingandai sarah. Daya adi bijak gagā ndai pingandai bijak.
24Daya tŭnggŭn dapŭd kayuh adi ngara raan, pak daya ginaka dapŭd kayuh adi ngara raru taru.
25Daya ginaka manyap dog poh sabak ribut, pak daya jujur ari siramat.
26Dŭhnyah bada daya adi tibanga ndai kayuh yŭn mu; ayŭh re nyusah keya ka suka' di jipŭh mu, puan kah keya ka asuh di batŭh mu.
27Tunda pinganang TUHAN, ka kuu re tui udip. Daya ginaka kabŭs awar.
28Pingarap daya kana taban pinyigaŭn, pak daya ginaka dŭh re dapŭd ani ani.
29TUHAN grindung daya adi jujur, pak siŭ ngara adi ndai sarah.
30Daya tŭnggŭn re ari udip siramat, pak daya ginaka re kinanyap tana ngara.
31Daya tŭnggŭn minyu ngga bijak, pak jura adi minyu arap re dog pirŭŭ.
32Daya tŭnggŭn puan pinganang mandis an-i nang, pak daya ginaka ari nang pinganang adi kandam.
Currently Selected:
PITAS 10: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
