MATTHEW 8
8
Jesus Pibua ndi naan Daya naman Andam Kurit adi Bisā
(Mrk 1.40-45; Luk 5.12-16)
1Kan Jesus mūn so sandah anŭ, bara daya bagŭ tunda Ayŭh. 2Komŭnŭ ndi naan daya adi naman andam kurit adi bisā#8.2 andam kurit adi bisā; nanyam atur adat Jahudi, daya adi naman andam ati dog nyirundeng kais ka dog nagah nyambah Tapa darŭm ramin simayang-Jahudi. mandŭg tudu Ayŭh, sidikang di sirung jawin-I, ka nang, “Tuan, kambŭi Kaam raan, Kaam dapŭd bada aku bisig.”#8.2 bada aku bisig; andam ati bisa bada daya kais sak adi nang adat.
3Jesus ton tangan-I ka tama ayŭh. “Aku raan,” Ayŭh nam. “Bisig meh!” Jam anŭ gŭh daya anŭ bua so andam-i. 4#Lev 14.1-32 Komŭnŭ Jesus nang di Ayŭh, “Ingat! Dŭhnyah kidaan di tadŭ tadŭ daya, pak di ka imam ka bada ayŭh natu kuu sawŭ mbŭh bua. Ka ngga kiren adŭp mu mbŭh bua di daya bagŭ, di jugan sadis anŭ nimun adi ko Moses pesan.”
Jesus Pibua Daya-gaji Pingubak Soldadu daya Rome
(Luk 7.1-10)
5Kan Jesus mŭrŭt Capernaum, ndi naan Pingubak Soldadu daya Rome bidapŭd ngga Ayŭh ka mite turung so Ayŭh: 6“Tuan, daya-gaji ku birandam ka guring di arŭn, dŭh tungang kimitak buang mbŭh sangsara.”
7“Aku re di pibua ayŭh,” Jesus nang.
8“Dŭhsah Tuan,” pingubak soldadu anŭ nang. “Aku dŭh sukup kana re bada Kaam mŭrŭt ka darŭm ramin ku. Minyu adŭ, ka daya-gaji ku bisa bua. 9Aku ati gŭh, daya adi ribo kuasa bara pingibās, ka aku biyŭn soldadu di ribo ku. Aku mritah siati, ‘Panu!’ ka-i panu; aku mritah siajeh, ‘Mandŭg!’ ka-i mandŭg; ka aku mritah urun ku, ‘Ndai ati!’ ka ayŭh ndai-i.”
10Kan Jesus dingah sakanŭ, Ayŭh gŭgŭh ka nang di bara daya adi tunda Ayŭh, “Aku kidaan di angān, gi-bŭn Aku dapŭd daya di Israel biyŭn pinyabah mun ati. 11#Luk 13.29 Puan meh! bagŭ re mandŭg so timor ngga barat ka guru ngga Abraham, Isaac, ka Jacob darŭm gawai darŭm Ong Bauh Tapa.#8.11 Ong Bauh Tapa; anŭ inŭh so tigŭrŭ bang piminyu: Pritah Shorga. 12#Mat 22.13, 25.30; Luk 13.28 Pak ngara adi patut kinyam Pinyipritah Tapa re dog taran ka yŭn karŭm, di yŭn ngara re sien buang sangsara.” 13Komŭnŭ Jesus nang di pingubak soldadu anŭ, “Panu maad; anŭ adi kuu sabah re jadi di kuu.”
Ka daya-gaji pingubak soldadu anŭ bua di jam anŭ.
Jesus Pibua bagŭ Daya
(Mrk 1.29-34; Luk 4.38-41)
14Jesus di ka ramin Peter, ka diginŭ Ayŭh kiris dinŭh Peter guring di ambok sungoh. 15Ayŭh tama tangan-i; sungoh anŭ bu so ayŭh, ka ayŭh makat ka piguru ngidang Ayŭh.
16Kan-i mbŭh singumi andu, daya taban ka Jesus bagŭ daya adi dog mŭrŭt umot. Jesus pibu roh roh arap anŭ ngga ndi bang piminyu ka pibua sopŭrŭg ngara adi birandam. 17#Isa 53.4 Ayŭh ndai simŭnŭ ngga bada jadi bitŭtŭk kayuh adi nabi Isaiah ko nang, “Adŭp-I tambit sangsara ta ka taban andam ta ngga bu.”
Ngara adi Raan jadi Pinunda Jesus
(Luk 9.57-62)
18Kan Jesus kiris bara daya bagŭ maning adŭp-I, Ayŭh nggen ukum bada bara murid-I di ka pah mandi danu anŭ. 19Ndi naan gurū Ukum-adat Jahudi mandŭg tudu Ayŭh. “Gurū,” ayŭh nang, “Aku mbŭh sidia an tunda Kaam ka barang yŭn Kaam di.”
20Jesus nam ayŭh, “Bisirŭh biyŭn rubang, manuk biyŭn sarin, pak Anak Manusia dŭh biyŭn tarun yŭn guring ka rŭŭ-paya.”
21Adi bŭkŭn, adi mbŭh jadi murid, nang, “Tuan, bada aku pari diŭ di ngubur sama ku.”
22“Tunda Aku,” Jesus nam, “tandah daya adi kabŭs ngubur daya-i adi kabŭs.”
Jesus Pirŭŭ Sabak Ribut
(Mrk 4.35-41; Luk 8.22-25)
23Jesus mŭrŭt arud, ka murid murid-I tunda Ayŭh. 24Ka gŭgŭh agi sabak ribut maka danu, ka arud ngara mbŭh re an kaŭm. Pak Jesus aŭn bŭŭs. 25Murid murid-I tudu Ayŭh ka kies Ayŭh. “Tuhan, nyiramat ata!” ngara nang. “Ata re rŭnggŭd!”
26“Mani angān tikaran?” Jesus nam. “Mani angān kurang sabah di Aku?” Jesus makat ka mritah sabak ribut ngga girumbang da rŭŭ, ka sopŭrŭg-i mbŭh tanang.
27Sopŭrŭg ngara mbŭh inga inga. “Manusia ani ati?” ngara nang. “Ndŭg ka sabak ribut tunda pinganang-I!”
Jesus Pibu Bara Umot so Duwŭh naan Daya
(Mrk 5.1-20; Luk 8.26-39)
28Kan Jesus mandŭg ka tarun tana Gadara di pah mandi danu anŭ, Ayŭh bidapŭd ngga duwŭh naan daya adi mandŭg so kubur diginŭ. Ngara anŭ dog mŭrŭt umot ka mbŭh raru mangah ndŭg ka mating daya birani panu kadŭg aran anŭ. 29Ngara rasu nyirais, “Ani re Mai ndai di tunduh kieh, Kaam adi Anak Tapa? Kaam mandŭg an ngukum kieh diŭ so tipuh-i kah?”
30Dŭh jo so nŭ agi kaban ayo aŭn man. 31Jadi bara umot anŭ mite so Jesus, “Kambŭi Kaam re pibu kieh so ti, bada kieh di ka kaban ayo ajeh.”
32“Di,” Jesus nang di ngara; jadi ngara ruah ka di mŭrŭt bara ayo anŭ. Ndi kaban ayo anŭ bikaduh mūn jenjang di ka danu ka rŭnggŭd.
33Bara adi tukang jaga ayo bikaduh bu di mŭrŭt kupo, di yŭn ngara rasu nyidundan kayuh adi mbŭh jadi di duwŭh naan daya anŭ adi ko dog mŭrŭt bara umot. 34Jadi sopŭrŭg daya so kupo anŭ ruah di dapŭd Jesus; ka kan ngara kiris Ayŭh, ngara mite Ayŭh bu so tarun tana anŭ.
Currently Selected:
MATTHEW 8: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
MATTHEW 8
8
Jesus Pibua ndi naan Daya naman Andam Kurit adi Bisā
(Mrk 1.40-45; Luk 5.12-16)
1Kan Jesus mūn so sandah anŭ, bara daya bagŭ tunda Ayŭh. 2Komŭnŭ ndi naan daya adi naman andam kurit adi bisā#8.2 andam kurit adi bisā; nanyam atur adat Jahudi, daya adi naman andam ati dog nyirundeng kais ka dog nagah nyambah Tapa darŭm ramin simayang-Jahudi. mandŭg tudu Ayŭh, sidikang di sirung jawin-I, ka nang, “Tuan, kambŭi Kaam raan, Kaam dapŭd bada aku bisig.”#8.2 bada aku bisig; andam ati bisa bada daya kais sak adi nang adat.
3Jesus ton tangan-I ka tama ayŭh. “Aku raan,” Ayŭh nam. “Bisig meh!” Jam anŭ gŭh daya anŭ bua so andam-i. 4#Lev 14.1-32 Komŭnŭ Jesus nang di Ayŭh, “Ingat! Dŭhnyah kidaan di tadŭ tadŭ daya, pak di ka imam ka bada ayŭh natu kuu sawŭ mbŭh bua. Ka ngga kiren adŭp mu mbŭh bua di daya bagŭ, di jugan sadis anŭ nimun adi ko Moses pesan.”
Jesus Pibua Daya-gaji Pingubak Soldadu daya Rome
(Luk 7.1-10)
5Kan Jesus mŭrŭt Capernaum, ndi naan Pingubak Soldadu daya Rome bidapŭd ngga Ayŭh ka mite turung so Ayŭh: 6“Tuan, daya-gaji ku birandam ka guring di arŭn, dŭh tungang kimitak buang mbŭh sangsara.”
7“Aku re di pibua ayŭh,” Jesus nang.
8“Dŭhsah Tuan,” pingubak soldadu anŭ nang. “Aku dŭh sukup kana re bada Kaam mŭrŭt ka darŭm ramin ku. Minyu adŭ, ka daya-gaji ku bisa bua. 9Aku ati gŭh, daya adi ribo kuasa bara pingibās, ka aku biyŭn soldadu di ribo ku. Aku mritah siati, ‘Panu!’ ka-i panu; aku mritah siajeh, ‘Mandŭg!’ ka-i mandŭg; ka aku mritah urun ku, ‘Ndai ati!’ ka ayŭh ndai-i.”
10Kan Jesus dingah sakanŭ, Ayŭh gŭgŭh ka nang di bara daya adi tunda Ayŭh, “Aku kidaan di angān, gi-bŭn Aku dapŭd daya di Israel biyŭn pinyabah mun ati. 11#Luk 13.29 Puan meh! bagŭ re mandŭg so timor ngga barat ka guru ngga Abraham, Isaac, ka Jacob darŭm gawai darŭm Ong Bauh Tapa.#8.11 Ong Bauh Tapa; anŭ inŭh so tigŭrŭ bang piminyu: Pritah Shorga. 12#Mat 22.13, 25.30; Luk 13.28 Pak ngara adi patut kinyam Pinyipritah Tapa re dog taran ka yŭn karŭm, di yŭn ngara re sien buang sangsara.” 13Komŭnŭ Jesus nang di pingubak soldadu anŭ, “Panu maad; anŭ adi kuu sabah re jadi di kuu.”
Ka daya-gaji pingubak soldadu anŭ bua di jam anŭ.
Jesus Pibua bagŭ Daya
(Mrk 1.29-34; Luk 4.38-41)
14Jesus di ka ramin Peter, ka diginŭ Ayŭh kiris dinŭh Peter guring di ambok sungoh. 15Ayŭh tama tangan-i; sungoh anŭ bu so ayŭh, ka ayŭh makat ka piguru ngidang Ayŭh.
16Kan-i mbŭh singumi andu, daya taban ka Jesus bagŭ daya adi dog mŭrŭt umot. Jesus pibu roh roh arap anŭ ngga ndi bang piminyu ka pibua sopŭrŭg ngara adi birandam. 17#Isa 53.4 Ayŭh ndai simŭnŭ ngga bada jadi bitŭtŭk kayuh adi nabi Isaiah ko nang, “Adŭp-I tambit sangsara ta ka taban andam ta ngga bu.”
Ngara adi Raan jadi Pinunda Jesus
(Luk 9.57-62)
18Kan Jesus kiris bara daya bagŭ maning adŭp-I, Ayŭh nggen ukum bada bara murid-I di ka pah mandi danu anŭ. 19Ndi naan gurū Ukum-adat Jahudi mandŭg tudu Ayŭh. “Gurū,” ayŭh nang, “Aku mbŭh sidia an tunda Kaam ka barang yŭn Kaam di.”
20Jesus nam ayŭh, “Bisirŭh biyŭn rubang, manuk biyŭn sarin, pak Anak Manusia dŭh biyŭn tarun yŭn guring ka rŭŭ-paya.”
21Adi bŭkŭn, adi mbŭh jadi murid, nang, “Tuan, bada aku pari diŭ di ngubur sama ku.”
22“Tunda Aku,” Jesus nam, “tandah daya adi kabŭs ngubur daya-i adi kabŭs.”
Jesus Pirŭŭ Sabak Ribut
(Mrk 4.35-41; Luk 8.22-25)
23Jesus mŭrŭt arud, ka murid murid-I tunda Ayŭh. 24Ka gŭgŭh agi sabak ribut maka danu, ka arud ngara mbŭh re an kaŭm. Pak Jesus aŭn bŭŭs. 25Murid murid-I tudu Ayŭh ka kies Ayŭh. “Tuhan, nyiramat ata!” ngara nang. “Ata re rŭnggŭd!”
26“Mani angān tikaran?” Jesus nam. “Mani angān kurang sabah di Aku?” Jesus makat ka mritah sabak ribut ngga girumbang da rŭŭ, ka sopŭrŭg-i mbŭh tanang.
27Sopŭrŭg ngara mbŭh inga inga. “Manusia ani ati?” ngara nang. “Ndŭg ka sabak ribut tunda pinganang-I!”
Jesus Pibu Bara Umot so Duwŭh naan Daya
(Mrk 5.1-20; Luk 8.26-39)
28Kan Jesus mandŭg ka tarun tana Gadara di pah mandi danu anŭ, Ayŭh bidapŭd ngga duwŭh naan daya adi mandŭg so kubur diginŭ. Ngara anŭ dog mŭrŭt umot ka mbŭh raru mangah ndŭg ka mating daya birani panu kadŭg aran anŭ. 29Ngara rasu nyirais, “Ani re Mai ndai di tunduh kieh, Kaam adi Anak Tapa? Kaam mandŭg an ngukum kieh diŭ so tipuh-i kah?”
30Dŭh jo so nŭ agi kaban ayo aŭn man. 31Jadi bara umot anŭ mite so Jesus, “Kambŭi Kaam re pibu kieh so ti, bada kieh di ka kaban ayo ajeh.”
32“Di,” Jesus nang di ngara; jadi ngara ruah ka di mŭrŭt bara ayo anŭ. Ndi kaban ayo anŭ bikaduh mūn jenjang di ka danu ka rŭnggŭd.
33Bara adi tukang jaga ayo bikaduh bu di mŭrŭt kupo, di yŭn ngara rasu nyidundan kayuh adi mbŭh jadi di duwŭh naan daya anŭ adi ko dog mŭrŭt bara umot. 34Jadi sopŭrŭg daya so kupo anŭ ruah di dapŭd Jesus; ka kan ngara kiris Ayŭh, ngara mite Ayŭh bu so tarun tana anŭ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.